স্বাস্থ্য বীমা থাকিলেও চিকিৎসাত হ’ব সমস্যা! নাথাকিব এনে সুবিধা

বৰ্তমান সময়ত স্বাস্থ্য বীমাৰ অত্যন্ত প্ৰয়োজনীয়তা আছে। চিকিৎসাৰ ক্ষেত্ৰত আৰ্থিক চিন্তা দূৰ কৰি স্বাস্থ্য বীমাই গ্ৰাহকসকলক যথেষ্ট সকাহ প্ৰদান কৰে। কিন্তু স্বাস্থ্য বীমাৰ গ্ৰাহকসকলৰ বাবে আহিছে এক অত্যন্ত চিন্তনীয় খবৰ। এই খবৰ অনুসৰি এতিয়া গ্ৰাহকসকলে স্বাস্থ্য বীমাৰ নগদবিহীন চিকিৎসাৰ সুবিধা লাভ নকৰিব। নিভা বুপা, ষ্টাৰ হেল্থ, কেয়াৰ হেল্থ ইনশ্বুৰেঞ্চ আদিৰ দৰে বীমা কোম্পানীয়ে মেক্স হাস্পতালত নগদবিহীন চিকিৎসা সেৱা বন্ধ কৰা বুলি জানিবলৈ দিছে।

অৰ্থাৎ এতিয়া সমগ্ৰ দেশতে থকা মেক্স হাস্পতালৰ শাখাসমূহত এই বীমা কোম্পানীসমূহৰ গ্ৰাহকে নগদবিহীন চিকিৎসা কৰিব নোৱাৰিব। ইফালে আন এক আগশাৰী বীমা কোম্পানী বাজাজ এলায়েঞ্জেও উত্তৰ ভাৰতত নগদবিহীন চিকিৎসা সেৱা বন্ধ কৰাৰ সিদ্ধান্ত লৈছে। এই সিদ্ধান্ত অহা ১ ছেপ্টেম্বৰৰ পৰা কাৰ্যকৰী কৰা হ’ব বুলি কোম্পানীটোৱে জানিবলৈ দিছে।