সেই সময়ত মই পানীত আছিলো- জুবিন গাৰ্গৰ মৃত্যু সন্দৰ্ভত কি ক’লে দেৱজিত হাজৰিকাই…

দেৱজিত হাজৰিকা

প্ৰথমবাৰলৈ সংবাদ মাধ্যমৰ সন্মুখত মন্তব্য প্ৰকাশ ছিংগাপুৰৰ প্ৰবাসী অসমীয়া দেৱজ্যোতি হাজৰিকাৰ। শেষ মুহূৰ্তত জুবিনৰ লগত সাগৰৰ পানীত সাতুৰি আছিল এইজন দেবজ্যোতি। ছিংগাপুৰ অসম এছোচিয়েছনৰ সম্পাদক দেৱজ্যোতি হাজৰিকাই কেইবাটাও গুৰুত্বপূৰ্ণ মন্তব্য কৰে। তেওঁৰ মতে, সেইদিনা য়াট পাৰ্টীত ১১ জন প্ৰবাসী অসমীয়া আছিল, তাৰে ১০ জন ইতিমধ্যে এছ আই টিত হাজিৰ হৈছে।

হাজৰিকাই কয় যে, তন্ময় ফুকনে তেওঁলোকক য়াট পাৰ্টীৰ বাবে যোগাযোগ কৰিছিল। দুৰ্ঘটনা সংঘটিত হোৱাৰ সময়ত তেওঁ পানীতে আছিল বুলি মন্তব্য কৰে। লগতে কয় যে,সেই সময়ত তেওঁ এটা জৰুৰী ফোন কলত ব্যস্ত হৈ আছিল। সকলোৱে ভাগ ভাগ কাম কৰি আছিল।

জুবিন গাৰ্গৰ মুখেৰে ফেন ওলাইছিল বুলি কৰা প্ৰশ্নত দেৱজিতে কয় যে, সেই সময়ত মই এটা জৰুৰী ফোনকলত ব্যস্ত আছিলো। ছিংগাপুৰ পদ্ধতি অনুসৰি যিমান সোনকালে পাৰে সিমান সোনকালে চিকিৎসাৰ বাবে লৈ যোৱা হয় বুলি কয়।

ভিডিঅ’ সন্দৰ্ভত তেওঁ কয় যে, জুবিন দাৰ অনুৰাগী হিচাপে আমি ভিডিঅ’ কৰিছিলো। কাৰণ জুবিন দা আমাৰ ওচৰত থকাটো ডাঙৰ কথা আছিল। কিন্তু শেষ মুহূৰ্তৰ ভিডিঅ’ৰ কথা সোধাত তেওঁ কয় যে,  ঘটনাৰ সময়ত মই পানীত আছিলো। উল্লেখ্য যে, এইজন অভিযুক্তৰ ভাষ্যই এতিয়া বহু প্ৰশ্নৰ উত্থাপন কৰিছে। কিয়নো তেওঁৰ কথা সলনি হোৱা পৰিলক্ষিত হৈছে। কোনো এটা কথাৰ তেওঁ স্পষ্ট মন্তব্য নকৰিলে, যাৰ বাবে এই ঘটনা আৰু অধিক ৰহস্যঘন হৈ পৰিছে।

লগতে তেওঁ এক বিশেষ ইংগিত দি কয় যে, গোটেই ষ্টৰীটোৰ আমি এটা অংশহে। আগে-পাছে আৰু বহুত কাহিনী আছে। গতিকে এই ঘটনাত কোন, কেনেকৈ জড়িত আছে, এয়া দুৰ্ঘটনা নে হত্যা এয়া সকলো এছ আই টিৰ তদন্তত পোহৰলৈ আহিব।

অন্য খবৰ পঢ়কঃ জুবিন গাৰ্গাক শ্ৰদ্ধাঞ্জলি জনাবলৈ অসমত উপস্থিত হ’ব ৰাহুল গান্ধী…