আইনগতভাৱে চুমি বৰাক দিয়া হৈছে জাননী, সকলো আইনৰ আওতালৈ আহিব লাগিব: DGP জি পি সিং

জি পি সিঙে কয়, "আইনগতভাৱে চুমি বৰাক এখন জাননী দিয়া হৈছে। জাননীৰ পিছতো যদি নাহে উচিত ব্যৱস্থা লোৱা হ'ব' তেওঁৰ বিৰুদ্ধে প্ৰমাণ পালে উচিত ব্যৱস্থা লোৱা হ'ব। X, Y, Z যিয়েই হওক সকলো আইনৰ আওতাত আহিবই লাগিব। এই গোচৰটো অসম আৰক্ষীয়ে নিজাববীয়াকৈ লৈছিল।"

আইনগতভাৱে চুমি বৰাক দিয়া হৈছে  জাননী, সকলো আইনৰ আওতালৈ আহিব লাগিব:  DGP জি পি সিং

DGP জি পি সিং,বিশাল ফুকন, চুমি বৰা

Published: 

07 Sep 2024 17:30 PM

বিশাল ফুকনৰ মহাপ্ৰবঞ্চনাই ইতিমধ্যে খলকনি তুলিছে অসমত। সম্প্ৰতি ডিব্ৰুগড় আৰক্ষীৰ জিম্মাত থকা বিশাল ফুকনক আজি হাজিৰ কৰোৱা হয় আদালতত। আজি ডিব্ৰুগড় আৰক্ষীয়ে জিম্মাত নিবিচাৰিলে বিশাল ফুকনক। যাৰ বাবে ন্যায়িক জিম্মালৈ প্ৰেৰণ কৰা হ’ল প্ৰৱঞ্চক বিশালক। ইফালে বৰ্তমানলৈ বিশাল ফুকনৰ পাতি লোৱা বায়েক চুমি বৰাৰ সন্ধান লাভ কৰা নাই আৰক্ষীয়ে। যাক লৈ উত্থাপন হৈছে বহু প্ৰশ্ন।

ইয়াৰ মাজতে পলাতক অভিযুক্ত চুমি বৰা সন্দৰ্ভত গুৱাহাটীত মন্তব্য কৰিছে DGP জি পি সিঙে। জি পি সিঙে কয়, “আইনগতভাৱে চুমি বৰাক এখন জাননী দিয়া হৈছে। জাননীৰ পিছতো যদি নাহে উচিত ব্যৱস্থা লোৱা হ’ব’ তেওঁৰ বিৰুদ্ধে প্ৰমাণ পালে উচিত ব্যৱস্থা লোৱা হ’ব। X, Y, Z যিয়েই হওক সকলো আইনৰ আওতাত আহিবই লাগিব। এই গোচৰটো অসম আৰক্ষীয়ে নিজাববীয়াকৈ লৈছিল।”

তেওঁ কয়, “চুমী বৰাই হওক বা আন কোনোবাই হওক এটা সময়ৰ পিছত আৰক্ষীৰ ওচৰত আত্মসমৰ্পণ কৰিবই লাগিব। দোষীয়ে শাস্তি পাবই। টকাৰ লেনদেন Oral Statementৰ ওপৰত নিৰ্ভৰ নকৰে।
যাৰ বিৰুদ্ধে যি তথ্য পোৱা যায় তেনেকৈ ব্যৱস্থা লোৱা হ’ব’। ‘X, Y, Z ২-৩জন মানুহৰ বাবে তদন্ত ৰৈ নাথাকে। তেওঁলোকৰ ওপৰত নিশ্চিতভাৱে ব্যৱস্থা লোৱা হ’ব।”

লগতে জি পি সিঙে কয়, “গ্ৰেপ্তাৰ নহ’লেও পলাতক চুমিৰ বিৰুদ্ধে দিয়া হ’ব চাৰ্জশ্বীট। পলাতক আন অভিযুক্তৰ বিৰুদ্ধেও দিয়া হ’ব চাৰ্জশ্বীট।” নিজাববীয়াকৈ গোচৰ ৰুজু কৰি আৰক্ষীয়ে অব্যাহত ৰাখিছে তদন্ত প্ৰক্ৰিয়া। ট্ৰেডিং কাণ্ডৰ অভিযুক্তৰ টেকনিকেল তথ্য পালেই লোৱা ব্যৱস্থা লোৱা হ’ব বুলিও সদৰী কৰে আৰক্ষী সঞ্চালকপ্ৰধানগৰাকীয়ে।

ইফালে ১৫ আগষ্টত আলফা (স্বা)য়ে ৰাজ্য বিভিন্ন স্থানত বোমা ৰখা ঘটনাৰ তদন্ত সন্দৰ্ভত জি পি সিঙে কয় “শিৱসাগৰত বোমা সংস্থাপন কৰা লোকক আমি কৰায়ত্ত কৰিছোঁ। গুৱাহাটীতো আমি কেইবাজনকো কৰায়ত্ত কৰিছোঁ। অসমত বোমা সংস্থাপন কৰা কেইবাজনৰো লিংক বহিঃৰাজ্যৰ লগত আছে। আমি গোটেই নেটৱৰ্কটোৰ তথ্য লাভ কৰিছোঁ।”

এছিয়া কাপৰ বাবে ভাৰতীয় দলত ঘটিব নেকি পৰিৱৰ্তন? ইউ এ ইলৈ নাযায় এই ৫গৰাকী খেলুৱৈ
ঘৰৰ কাষত নৰসিংহৰ গছ থাকিব লাগে নে নালাগে ? বাস্তু শাস্ত্ৰৰ মতে ভাল নে বেয়া জানক..
গুপ্তাংগৰ সংক্ৰমণ কেনেকৈ ৰোধ কৰিব? জানক উপায়
ছেপ্টেম্বৰ মাহত কপাল ফুলিব এই ৪ ৰাশিৰ, বাঢ়িব ধন-সম্পত্তি!