কেনেকৈ হ’ব আমেৰিকাৰ নাগৰিক? ট্ৰাম্পৰ প্ৰত্যাহ্বানক লৈ আজি উচ্চতম ন্যায়ালয়ত ডাঙৰ সিদ্ধান্ত

আমেৰিকাত জন্মগ্ৰহণ কৰিলে নাগৰিক হ'বনে?

আজি আমেৰিকাৰ উচ্চতম ন্যায়ালয়ে এটা গুৰুত্বপূৰ্ণ সিদ্ধান্ত ল’বলৈ গৈ আছে। এই সিদ্ধান্তই লাখ লাখ জনসাধাৰণৰ নাগৰিকত্বৰ ওপৰত প্ৰভাৱ পেলাব পাৰে। এই বিষয়টো আমেৰিকাত জন্মৰ ভিত্তিত নাগৰিকত্ব লাভৰ নিয়মৰ সৈতে জড়িত, যিটোক দ্বিতীয়বাৰৰ বাবে ক্ষমতালৈ অহাৰ লগে লগে আমেৰিকাৰ ৰাষ্ট্ৰপতি ড’নাল্ড ট্ৰাম্পে প্ৰত্যাহ্বান জনাইছে।

আদালতে ইয়াৰ ওপৰত কি সিদ্ধান্ত লয়, তাক লৈ সকলোৱে অপেক্ষা কৰি আছে। ট্ৰাম্পে কেৱল আমেৰিকাত জন্ম লৈ নাগৰিকত্ব লাভৰ প্ৰক্ৰিয়াটো শেষ কৰিব বিচাৰে। ইয়াৰ বিষয়ে সকলো কথা বিতংভাৱে জানক।

ঐতিহাসিক প্ৰসংগ

১৮৯৮ চনত উচ্চতম ন্যায়ালয়ে এক উল্লেখযোগ্য সিদ্ধান্তত ৰায় দিছিল যে ছান ফ্ৰান্সিস্কোত জন্মগ্ৰহণ কৰা ৱং কিম আৰ্ক, যাৰ পিতৃ-মাতৃ চীনৰ পৰা আহিছিল, তেওঁ এজন আমেৰিকাৰ নাগৰিক। এই নিয়ম আজিও জন্মগত নাগৰিকত্বৰ আইনী ভেটি হৈয়ে আছে। আজি আদালতৰ এই সিদ্ধান্ত যদি ইয়াৰ বিৰুদ্ধে আহে, তেন্তে ই ১০০ বছৰতকৈও অধিক পুৰণি এটা নীতিক প্ৰত্যাহ্বান জনোৱা হ’ব। এতিয়া সকলোৰে দৃষ্টি উচ্চতম ন্যায়ালয়ৰ ওপৰত। যিয়েই নহওক কিয়, এইটো নিশ্চিত যে এইটো আমেৰিকাৰ নাগৰিকত্ব নীতিৰ ইতিহাসৰ এক টাৰ্নিং পইণ্ট হিচাপে প্ৰমাণিত হ’ব পাৰে।

আমেৰিকাত নাগৰিকত্ব কেনেকৈ পাব?

আমেৰিকাত দশক দশক ধৰি এটা নিয়ম চলি আহিছে। সেয়া হ’ল, যদি কোনো শিশুৱে আমেৰিকাৰ মাটিত জন্ম লয় তেন্তে তেওঁক আমেৰিকাৰ নাগৰিক বুলি গণ্য কৰা হয়। ইয়াক জন্ম অধিকাৰ নাগৰিকত্ব বোলা হয়। এই ব্যৱস্থা গৃহযুদ্ধৰ পিছত ১৮৬৮ চনত বলবৎ হোৱা আমেৰিকাৰ সংবিধানৰ ১৪ সংখ্যক সংশোধনীত কৰা হৈছিল। এই আইনখনৰ উদ্দেশ্য আছিল সেই সময়য়ৰ দাসসকল আৰু তেওঁলোকৰ সন্তানক নাগৰিকত্বৰ অধিকাৰ প্ৰদান কৰা।

কিয় আপত্তি কৰিছে ট্ৰাম্পে?

ড’নাল্ড ট্ৰাম্প আৰু তেওঁৰ সমৰ্থকসকলৰ মতে এই আইনখনৰ অপব্যৱহাৰ কৰা হৈছে। তেওঁলোকৰ মতে বহু বিদেশী নাগৰিকে আমেৰিকালৈ আহি সন্তান জন্ম দিয়ে কেৱল আমেৰিকাৰ নাগৰিকত্ব লাভ কৰিবলৈ। ট্ৰাম্পৰ মতে, এই সুবিধা এতিয়া বন্ধ কৰি দিয়া উচিত যাতে আমেৰিকাৰ নাগৰিকত্ব কেৱল সেইসকলকহে দিয়া হয় যিসকলৰ ইয়াৰ অধিকাৰ আছে।
ট্ৰাম্পে প্ৰথম কাৰ্যকালতো এই আইনখন সলনি কৰিবলৈ চেষ্টা কৰিছিল যদিও আদালতে ইয়াক বন্ধ কৰি দিছিল।

উচ্চতম ন্যায়ালয়ৰ এই সিদ্ধান্ত কিয় গুৰুত্বপূৰ্ণ?

উচ্চতম ন্যায়ালয়ে কেৱল জন্মভিত্তিক নাগৰিকত্ব বিলুপ্ত কৰিব লাগে নে নাই সেইটো সিদ্ধান্ত লোৱাই নহয়, ৰাষ্ট্ৰপতিৰ নিৰ্দেশত আদালতে কিমানখিনি হস্তক্ষেপ কৰিব লাগে সেইটোও সিদ্ধান্ত ল’ব। এই বিষয়টো ট্ৰাম্পৰ কাৰ্যবাহী ক্ষমতা আৰু আমেৰিকাৰ আদালতৰ সীমাৰ সৈতে জড়িত। যদি আদালতে ট্ৰাম্পৰ সপক্ষে ৰায় দিয়ে তেন্তে আমেৰিকাত নাগৰিকত্ব লাভৰ উপায় সম্পূৰ্ণৰূপে সলনি হ’ব পাৰে।