সপোন পূৰণ ট্ৰাম্পৰ, শান্তিৰ বঁটা লাভ কৰিলে মাৰ্কিন ৰাষ্ট্ৰপতিগৰাকীয়ে…কোনে দিলে এই বঁটা?

ট্ৰাম্পলৈ শান্তিৰ বঁটা

অৱশেষত বাস্তৱত পৰিণত হ’ল আমেৰিকাৰ ৰাষ্ট্ৰপতি ড’নাল্ড ট্ৰাম্পৰ শান্তি বঁটা লাভৰ সপোন। ২০২৬ চনৰ ফিফা বিশ্বকাপৰ ড্ৰ’ৰ সময়ত ড’নাল্ড ট্ৰাম্পক উদ্বোধনী ফিফা শান্তি বঁটা প্ৰদান কৰা হয়। শুকুৰবাৰে ৱাশ্বিংটন ডি চিৰ কেনেডি চেণ্টাৰত অনুষ্ঠিত এক অনুষ্ঠানত ট্ৰাম্পক এই সন্মান প্ৰদান কৰা হয়। তেওঁক সোণৰ ট্ৰফী আৰু পদক প্ৰদান কৰা হয়। ফিফাই চলিত বৰ্ষত এই বঁটাটো প্ৰৱৰ্তন কৰিছিল।

বিশ্ব শান্তি আৰু ঐক্যৰ ক্ষেত্ৰত উল্লেখযোগ্য অৰিহণা যোগোৱাসকলক স্বীকৃতি দিবলৈ এই বঁটা প্ৰৱৰ্তন কৰা হৈছিল। এই বঁটা লাভ কৰা প্ৰথমজন হৈ ব্যক্তি পৰিল ট্ৰাম্প। ড’নাল্ড ট্ৰাম্পে বাৰে বাৰে মুকলিকৈ কৈছে যে তেওঁ শান্তিৰ নোবেল বঁটাৰ যোগ্য। কিন্তু নোবেল বঁটাৰ বাবে মুকলিকৈ অনুৰোধ কৰাৰ পিছতো তেওঁক শান্তিৰ নোবেল বঁটা প্ৰদান কৰা নহ’ল।

বঁটা লাভ কৰাৰ পিছত কি ক’লে ট্ৰাম্পে?

ফিফাই নতুন শান্তি বঁটা ঘোষণা কৰাৰ পিছৰে পৰা আমেৰিকাৰ ৰাষ্ট্ৰপতি ড’নাল্ড ট্ৰাম্পক এই বঁটা প্ৰদান কৰা হ’ব বুলি জল্পনা-কল্পনাৰ সৃষ্টি হৈছিল। আৰু ঠিক তেনেকুৱাই হ’ল। এই বঁটা লাভ কৰাৰ লগে লগে ট্ৰাম্পে কয় যে, “এয়া সঁচাকৈয়ে মোৰ জীৱনৰ আটাইতকৈ ডাঙৰ সন্মান।”

বঁটাতকৈও গুৰুত্বপূৰ্ণ কথাটো হ’ল আমি লাখ লাখ লোকৰ জীৱন ৰক্ষা কৰিলোঁ। ২০২৬ চনৰ ফিফা বিশ্বকাপ আমেৰিকা, কানাডা আৰু মেক্সিকোৰ উদ্যোগত অনুষ্ঠিত হৈছে।

বঁটাৰ ওপৰত সমালোচনা

ট্ৰাম্পক শান্তি বঁটা প্ৰদানৰ সিদ্ধান্তক বহুতে সমালোচনা কৰিছে। ফিফাৰ অধ্যক্ষ জিয়ানি ইনফান্টিনো আৰু ট্ৰাম্প ঘনিষ্ঠ মিত্ৰ। গাজাত যুদ্ধবিৰতিৰ মধ্যস্থতা কৰাৰ বাবে ট্ৰাম্পে কৰা প্ৰচেষ্টাৰ বাবে তেওঁ অনুভৱ কৰে যে ট্ৰাম্পে নোবেল বঁটা লাভ কৰিব লাগিছিল। এই বঁটাটো ফিফাৰ পৰম্পৰাগত মনোযোগৰ পৰা আঁতৰি আহিছে আৰু সমালোচকসকলে ইয়াৰ কাৰণ ট্ৰাম্প আৰু ফিফাৰ অধ্যক্ষৰ মাজৰ ঘনিষ্ঠতা বুলি কয়। বিশ্ব ফুটবল অনুষ্ঠানত ৰাজনৈতিক বাৰ্তা যোগ কৰাটো অনুচিত নেকি বুলি সমালোচকসকলে প্ৰশ্ন উত্থাপন কৰিছে।