ট্ৰাম্পে সলনি কৰিলে নিয়ম, এতিয়াৰে পৰা H-1B ভিছাৰ বাবে ভৰিব লাগিব অধিক ধন

ৰাষ্ট্ৰপতি ট্ৰাম্প

হোৱাইট হাউছলৈ ঘূৰি অহাৰ পিছৰে পৰা আমেৰিকাৰ ৰাষ্ট্ৰপতি ড’নাল্ড ট্ৰাম্পে কেতবোৰ আচৰিত ধৰণৰ সিদ্ধান্ত গ্ৰহণ কৰি আহিছে। এতিয়া তেওঁ H-1B ভিছা সন্দৰ্ভত নতুন আদেশ জাৰি কৰিছে, যাৰ ফলত আমেৰিকাত চাকৰি বিচাৰি যোৱাৰ সপোন দেখা হাজাৰ হাজাৰ লোকৰ ওপৰত প্ৰভাৱ পৰিব পাৰে। ইমিগ্ৰেচন আৰু আমেৰিকাৰ ভিছাৰ সৈতে চলি থকা সমস্যাৰ মাজতে ট্ৰাম্পে H-1B ভিছাৰ মাচুল ১ লাখ ডলাৰ বা প্ৰায় ৯০ হাজাৰ ডলাৰলৈ বৃদ্ধি কৰিছে।

হোৱাইট হাউছৰ আনুষ্ঠানিক ঘোষণা অনুসৰি এই নতুন প্ৰস্তাৱৰ অধীনত H-1B ভিছা আবেদনকাৰীক নিযুক্তি দিবলৈ কোম্পানীসমূহে দিয়া মাচুল এক লাখ ডলাৰলৈ বৃদ্ধি পাব।

লগতে পঢ়ক: ট্ৰাম্পৰ কথাৰ সুৰ সলনি, ক’লে প্ৰধানমন্ত্ৰী মোদী আৰু ভাৰতৰ সৈতে মোৰ ভাল সম্পৰ্ক আছে

নিৰ্বাচনী প্ৰচাৰৰ পিছৰে পৰা ট্ৰাম্পে আমেৰিকা ফাৰ্ষ্ট নীতি গ্ৰহণ কৰি আহিছে। তেওঁৰ মতে আমেৰিকাৰ চাকৰি প্ৰথমে আমেৰিকানসকলৰ হাতলৈ যাব লাগে, আৰু তেওঁৰ মতে বিদেশী অনুপ্ৰৱেশকাৰীয়ে আমেৰিকাৰ চাকৰি চুৰি কৰি আছে। তেওঁ ক্ৰমাগতভাৱে অনুপ্ৰৱেশৰ নিয়ম কটকটীয়া কৰি আহিছে।

কিয় বৃদ্ধি কৰিলে ট্ৰাম্পে H-1B ভিছাৰ মাচুল?

শুকুৰবাৰে অ’ভেল অফিচত এই নতুন নিয়ম ঘোষণা কৰি ট্ৰাম্প প্ৰশাসনে কয় যে কোম্পানীসমূহে নিযুক্তি দিয়া শ্ৰমিকসকল যাতে উচ্চ দক্ষতাসম্পন্ন হয় আৰু তেওঁলোকৰ ঠাইত আমেৰিকান শ্ৰমিকক ল’ব নোৱাৰে সেয়া নিশ্চিত কৰিব।

এই নিয়মত স্বাক্ষৰ কৰাৰ সময়ত ট্ৰাম্পে কয়, “কোম্পানীসমূহক শ্ৰমিকৰ প্ৰয়োজন, আমাক শ্ৰেষ্ঠ শ্ৰমিকৰ প্ৰয়োজন। এই নিয়মে নিশ্চিত কৰিব যে আমেৰিকাত এতিয়া শ্ৰেষ্ঠ শ্ৰমিক আছে।”

সৰ্বাধিক ক্ষতিগ্ৰস্ত হ’ব ভাৰতীয়

আমেৰিকাত প্ৰৱেশৰ বাবে H-1B ভিছা অন্যতম। বিশেষকৈ আই টি খণ্ডত আমেৰিকাৰ কোম্পানীসমূহে পৃষ্ঠপোষকতা কৰা এই ৱৰ্ক ভিছা ব্যৱহাৰ কৰি হাজাৰ হাজাৰ ভাৰতীয়ই আমেৰিকাত প্ৰৱেশ কৰে।

আগৰ মাচুল কিমান আছিল?

পূৰ্বে H-1B ভিছাৰ মূল্য আছিল প্ৰায় ৬.১ লাখ, যিটো এতিয়া ৯০ লাখ টকালৈ বৃদ্ধি কৰা হৈছে। হোৱাইট হাউছৰ মতে, এই নিষেধাজ্ঞাই আমেৰিকাৰ শ্ৰমিকসকলক সুৰক্ষা প্ৰদান কৰিব আৰু কোম্পানীসমূহে আমেৰিকালৈ অধিক দক্ষ শ্ৰমিক অনাৰ উপায় লাভ কৰাটো নিশ্চিত কৰিব।

H-1B ভিছা কি?

H-1B ভিছা হৈছে নন-ইমিগ্ৰেণ্ট ৱৰ্ক ভিছা, য’ত দক্ষ বিদেশী পেছাদাৰীসকলে আমেৰিকাত অস্থায়ীভাৱে কাম কৰিব পাৰে। যাক মূলতঃ বিশেষ বৃত্তিৰ প্ৰয়োজন হোৱা কামৰ বাবে উদ্দেশ্য কৰা হৈছে। যেনে আই টি, অভিযান্ত্ৰিক, চিকিৎসা বা বিত্তীয় ক্ষেত্ৰত প্ৰয়োজনীয় কৰ্মচাৰীৰ বাবে এই ভিছা প্ৰযোজ্য হয়।