আপোনাৰ ফোনটো বৰষুণত তিতিলে কি কৰিব আৰু কি নকৰিব?
এতিয়া বৰষুণৰ বতৰ, এনেকুৱা বতৰত ফুৰিবলৈ গ'লে প্ৰায়ে ফোনটোৰ বাবে চিন্তিত হৈ পৰো। কিন্তু চিন্তিত হোৱাৰ প্ৰয়োজন নাই। আজি লৈ আহিছো কোনো ক্ষতি নোহোৱাকৈ আপোনাৰ ফোনটোক বৰষুণক পৰা কেনেকৈ বচাব।
Phone Wet In Rain
বৰষুণৰ বতৰটো ভাল লাগিলেও আপোনাৰ ফোনৰ বাবে বিপদ হ’ব পাৰে। প্ৰায়ে বাৰিষা বহু লোকৰ ফোন তিতি যায়, তাৰ পিছত মানুহে খৰখেদাকৈ ভুল পদক্ষেপ লয়, যাৰ বাবে ফোনটো বেয়া হয়। আজি আমি আপোনাক বুজাম যে আপোনাৰ ফোনটো তিতিলে কি কৰিব লাগে আৰু কি কৰিব নালাগে। যাতে আপোনাৰ পিছত কোনো ক্ষতি নহয়।
কি কৰিব?
- যদি আপোনাৰ ফোনটো তিতি যায় আৰু তথাপিও কাম কৰি আছে, তেন্তে তৎক্ষণাত ফোনটো বন্ধ কৰক। কাৰণ তেনে কৰিলে শ্বৰ্ট চাৰ্কিটৰ আশংকা কমি যায়।
- যদি ফোনটো তিতি যায়, তেন্তে কোনো পলম নকৰাকৈয়ে ফোনটোৰ পৰা চিম কাৰ্ড আৰু মেম’ৰী কাৰ্ডখন সাৱধানে আঁতৰাই পেলাওক।
- যদি ফোনটো তিতি যায়, তেন্তে কোমল আৰু শুকান কাপোৰেৰে ফোনটোৰ বাহিৰৰ ফালৰ পৰা পানী লাহে লাহে মচি পেলাওক।
- যদি ফোনটো তিতি যায় তেন্তে তাক চাউলত ২৪ৰ পৰা ৪৮ ঘন্টা ৰাখিব লাগে, কাৰণ চাউলে পানী শোষণ কৰে।
কি নকৰিব?
- যদি আপোনাৰ ফোনটো তিতি যোৱাৰ পিছত চুইচ অফ হৈ গৈছে, তেন্তে ভুলতেও অন কৰাৰ ভুল নকৰিব। ইয়াৰ বাহিৰেও ফোনটো চাৰ্জিং নকৰিব।
- ফোন শুকুৱাবলৈ হেয়াৰ ড্ৰাইয়াৰ ব্যৱহাৰ নকৰিব, ইয়াৰ গৰম বতাহে ফোনটোৰ ভিতৰৰ অংশৰ ক্ষতি কৰিব পাৰে।
- ফোনটো প্ৰত্যক্ষ সূৰ্যৰ পোহৰত ৰখাৰ পৰা বিৰত থাকক। ইয়াৰ ফলত ফোনটোৰ অংশবোৰৰ ক্ষতি হ’ব পাৰে, বিশেষকৈ বেটাৰী অতিমাত্ৰা গৰম হ’ব পাৰে।