Vivo X300 vs iQOO 15: আহি আছে দুটা নতুন ফ্লেগশ্বিপ স্মাৰ্টফোন, ৰেটিং পৰীক্ষা কৰক…

অতি সোনকালে ভাৰতত মুকলি কৰা হ’ব Vivo আৰু iQOO দুটা নতুন ফ্লেগশ্বিপ স্মাৰ্টফোন। ২ ডিচেম্বৰত লঞ্চ হ’ব Vivo ৰ নতুন ফোন আৰু ২৬ নৱেম্বৰত মুকলি হ’ব iQOO ৰ নতুন ফোন। দুয়োটা ব্ৰেণ্ডে এনে গ্ৰাহকক লক্ষ্য কৰি লৈছে যিসকলে এটা উন্নত কেমেৰা চিষ্টেম, শক্তিশালী বেটাৰী আৰু আপডেট কৰা চফ্টৱেৰ বিচাৰে। অফিচিয়েল লঞ্চৰ পূৰ্বে পাৰফৰমেন্স আৰু কেমেৰাৰ ক্ষেত্ৰত কোনটো ফোন জয়ী হ’ব জানোঁ আহক।

Vivo X300 বনাম iQOO 15: পাৰফৰমেন্স

বিশ্বজুৰি মিডিয়াটেক MediaTek Dimensity 9500 চিপছেটৰ সৈতে মুকলি কৰা হব Vivo X300। আনহাতে iQOO ফোনটোৰ এমাজন পেজত প্ৰকাশ পাইছে যে, ইয়াত স্নেপড্ৰেগন 8 এলিট জেন 5 প্ৰচেছৰ থাকিব। নেনো ৰিভিউ ৱেবছাইটৰ মতে, দুয়োটা ফোনৰে প্ৰচেছৰে চিপিইউ আৰু মেম’ৰী পাৰফৰমেন্স (চিষ্টেম আৰু এপ)ৰ ক্ষেত্ৰত একেধৰণৰ কাম কৰে। এই চাইটটোৱে দুয়োটা ফোনকে পাৰফৰমেন্সৰ বাবে 99 আৰু গেমিং পাৰফৰমেন্সৰ বাবে 98 স্ক’ৰ দিছে।

Vivo X300 vs iQOO 15: কেমেৰা

Nano Review Net ৰ মতে, ফটো আৰু ভিডিঅ’ ৰেকৰ্ডিঙৰ মানদণ্ডৰ ক্ষেত্ৰত iQOO তকৈ Vivo স্মাৰ্টফোনটো অলপ ভাল। ছাইটটোৱে iQOO ফোনটোক 87 আৰু ভিভ’ ফোনটোক 89 স্ক’ৰ দিছিল।

Vivo X300 vs iQOO 15: বেটাৰী

Vivo ফোনটোত আছে শক্তিশালী 6040mAh বেটাৰী যিয়ে 90W তাঁৰযুক্ত আৰু 40W বেতাঁৰ চাৰ্জিং সমৰ্থন কৰে। ফোনটোৰ এমাজন পেজত নিশ্চিত কৰা হৈছে যে iQOO ফোনটোত 7000mAh বেটাৰী আহিব যিয়ে 40W বেতাঁৰ চাৰ্জিং সমৰ্থন কৰিব। Nano Review Net ৰ মতে, iQOO ফোনটোৱে বেটাৰী লাইফ আৰু চাৰ্জিং স্পীডৰ ক্ষেত্ৰত Vivo ফোনক আউটপাৰ্ফৰ্ম কৰিব। ছাইটটোৱে Vivo ফোনটোক 94 আৰু iQOO ফোনটোক 100 স্ক’ৰ দিছে।