Redmi 14c 5G পৰা OnePlus 13R লৈকে, আকৰ্ষণীয় ফিচাৰ সৈতে জানুৱাৰীত মুকলি হ’ব এই পাঁচটা নতুন স্মাৰ্টফোন

ৱানপ্লাছৰ নতুন স্মাৰ্টফোন

আপুনি নতুন বছৰত নতুন স্মাৰ্টফোন ক্ৰয় কৰাৰ পৰিকল্পনা কৰিছে নেকি ? যদি নতুন স্মাৰ্টফোন ক্ৰয় কৰাৰ পৰিকল্পনা কৰিছে তেন্তে অপেক্ষা কৰক । নতুন বছৰৰ জানুৱাৰী মাহতে মুকলি হ’বলৈ গৈ আছে কেইবাটাও নতুন স্মাৰ্টফোন । এই স্মাৰ্টফোনত লাভ কৰিব কেইবাটাও আকৰ্ষণীয় ফিচাৰ । এই স্মাৰ্টফোন কেইটা কেতিয়া মুকলি হ’ব চাওঁ আহক ।

Redmi 14c 5G মুকলিৰ তাৰিখ

Redmi ব্ৰেণ্ডৰ এই নতুন 5G ফোনটো অহা মাহৰ ৬ জানুৱাৰী ২০২৫ তাৰিখে ভাৰতীয় বজাৰত গ্ৰাহকৰ বাবে মুকলি কৰাৰ সম্ভাৱনা আছে । লঞ্চৰ পিছত এই ফোনটো Xiaomi ৰ অফিচিয়েল চাইট Mi.com আৰু Flipkart ত বিক্ৰী কৰা হ’ব।

Realme 14 Pro Series মুকলিৰ তাৰিখ

অহা জানুৱাৰী মাহত মুকলি হ’ব Realme ৰ এই নতুন ছিৰিজ । এই ছিৰিজত দুটা নতুন স্মাৰ্টফোন Realme 14 Pro আৰু Realme 14 Pro Plus মুকলি হোৱাৰ সম্ভাৱনা আছে। বৰ্তমান ফ্লিপকাৰ্টত এই ছিৰিজৰ জানুৱাৰী মাহত মুকলি কৰা হ’ব বুলি তথ্য দিয়া হৈছে যদিও মুকলিৰ তাৰিখৰ সঠিক তথ্য এতিয়াও প্ৰকাশ কৰা হোৱা নাই।

ফ্লিপকাৰ্টত ফোনটোৰ বাবে এটা সুকীয়া পেজ প্ৰস্তুত কৰা হৈছে, য’ত দেখা গৈছে যে এই ছিৰিজত ৰং সলনি কৰা ডিজাইন, কোৱাড কাৰ্ভ ডিছপ্লে, 1.5k ডিছপ্লে ৰিজ’লিউচনৰ দৰে বিশেষ ফিচাৰ দিয়া হ’ব।

OnePlus 13 মুকলিৰ তাৰিখ

OnePlus 12 ৰ উন্নীতকৰণ সংস্কৰণ OnePlus 13 ভাৰতৰ বজাৰত গ্ৰাহকৰ বাবে ২০২৫ চনৰ ৭ জানুৱাৰীত মুকলি কৰা হ’ব। এই আগন্তুক ফোনটোৰ বাবে আমাজনত এটা সুকীয়া মাইক্ৰ’ছাইট তৈয়াৰ কৰা হৈছে, য’ত প্ৰকাশ পাইছে যে এই ফোনত AI ফিচাৰ, Snapdragon 8 Elite মোবাইল প্লেটফৰ্ম প্ৰচেছৰ, 6000mAh বেটাৰীৰ দৰে শক্তিশালী ফিচাৰ থাকিব।

OnePlus 13R মুকলিৰ তাৰিখ

এই ৱানপ্লাছ ফোনটোও OnePlus 13ৰ সৈতে ৭ জানুৱাৰীত মুকলি কৰা হ’ব। আমাজনৰ মাইক্ৰ’চাইটত প্ৰকাশ পাইছে যে, স্পীড আৰু মাল্টিটাস্কিঙৰ বাবে ফোনটোত স্নেপড্ৰেগন 8 জেনেৰেচন 3 প্ৰচেছৰ ব্যৱহাৰ কৰা হৈছে।

ফোনটোত 6000 mAh ৰ শক্তিশালী বেটাৰী প্ৰদান কৰা হৈছে । ইয়াৰ উপৰিও আপুনি OnePlus ৰ এই আগন্তুক আৰু শেহতীয়া ফোনত AI ফিচাৰৰ সমৰ্থন লাভ কৰিব।