6000mAh বেটাৰীৰ সৈতে মুকলি কৰা হৈছে Realme 14T 5G, ইয়াত কি কি ফিচাৰ দিয়া হৈছে ? জানক

Realme স্মাৰ্টফোন

গ্ৰাহকৰ বাবে Realme য়ে মুকলি কৰিছে নতুন স্মাৰ্টফোন Realme 14T 5G। এই স্মাৰ্টফোনটোৰ কথা কবলৈ গ’লে, শক্তিশালী 6000mAh বেটাৰী, 50 মেগাপিক্সেলৰ ডুৱেল ৰিয়াৰ কেমেৰা ছেটআপ, মিডিয়াটেক প্ৰচেছৰ আৰু AMOLED ডিছপ্লেৰ দৰে আকৰ্ষণীয় ফিচাৰ সৈতে মুকলি কৰা হৈছে। এই ফোনটোৰ দাম কিমান, কেতিয়াৰ পৰা বিক্ৰী আৰম্ভ হ’ব আৰু এই ফোনত কি বিশেষ ফিচাৰ উপলব্ধ হ’ব? এই বিষয়ে জানোঁ আহক ।

Realme 14T 5G স্পেচিফিকেশন

ডিছপ্লে: এই শেহতীয়া Realme ফোনটোত 120Hz ৰিফ্ৰেছ ৰেট সমৰ্থনৰ সৈতে 6.67 ইঞ্চি Full HD Plus AMOLED ডিছপ্লে থাকিব। এই ফোনটোত 2100 নিটছ পিক ব্ৰাইটনেছ আৰু 180 হাৰ্টজ টাচ চেম্পলিং ৰেট আছে।

চিপছেট: গতি আৰু মাল্টিটাস্কিঙৰ বাবে এই Realme ফোনত 6nm ভিত্তিক octa core MediaTek Dimensity 6300 প্ৰচেছৰ ব্যৱহাৰ কৰা হৈছে।

কেমেৰা ছেটআপ: এই Realme মোবাইলৰ পিছফালে 50 মেগাপিক্সেলৰ প্ৰাইমেৰী কেমেৰা চেন্সৰৰ লগতে ২ মেগাপিক্সেল ডেপথ কেমেৰা চেন্সৰ আছে। একে সময়তে চেলফি আৰু ভিডিঅ’ কলিঙৰ বাবে 16 মেগাপিক্সেলৰ ফ্ৰন্ট কেমেৰা চেন্সৰ প্ৰদান কৰা হৈছে। AI ফিচাৰৰ লগতে এই ফোনটোত লাইভ ফটো ফিচাৰো সমৰ্থন কৰে।

বেটাৰী ক্ষমতা: এই ফোনটোত শক্তিশালী 6000 mAh বেটাৰী প্ৰদান কৰা হৈছে, যিটো 45 W SuperVOOC চাৰ্জ সমৰ্থনৰ সৈতে আহে।

সংযোগ: 5G সমৰ্থন থকা এই ফোনটোত আছে ৱাই-ফাই 5, ব্লুটুথ সংস্কৰণ 5.3, জিপিএছ, ইউএছবি টাইপ চি পৰ্ট। ইয়াৰ উপৰিও নিৰাপত্তাৰ বাবে এই ফোনত ইন-ডিছপ্লে ফিংগাৰপ্ৰিণ্ট চেন্সৰ উপলব্ধ।

ভাৰতত Realme 14T 5G মূল্য

এই Realme মোবাইলৰ 8 GB / 128 GB ভেৰিয়েন্টৰ দাম ১৭,৯৯৯ টকা কিন্তু যদি এই হেণ্ডছেটৰ 8 GB/256GB ষ্ট’ৰেজ ভেৰিয়েন্ট কিনে তেন্তে আপুনি ১৯,৯৯৯ টকা খৰচ কৰিব লাগিব। কোম্পানীটোৰ অফিচিয়েল চাইটৰ উপৰিও এই ফোনটো ই-কমাৰ্চ প্লেটফৰ্ম ফ্লিপকাৰ্টত বিক্ৰীৰ বাবে উপলব্ধ কৰা হ’ব।