আজি গ্ৰাহকৰ বাবে মুকলি হ’ল Nothing Phone 2a Plus, এই স্মাৰ্টফোনটোৰ বৈশিষ্ট্যসমূহ চাওক…

Nothing Phone 2a Plus

ভাৰতীয় বজাৰত গ্ৰাহকৰ বাবে মুকলি কৰা হৈছে Nothing Phone 2a আপগ্ৰেড সংস্কৰণ Nothing Phone 2a Plus । এই ফোনটোত আছে, মিডিয়াটেক প্ৰচেছৰ, 50 মেগাপিক্সেলৰ চেলফি কেমেৰা, AMOLED ডিছপ্লে আৰু শক্তিশালী বেটাৰী । নতুন স্মাৰ্টফোন ক্ৰয় কৰিবলৈ পৰিকল্পনা কৰি থকা গ্ৰাহকসকলে ভাল ফিচাৰ থকা এই ফোনটো ক্ৰয় কৰিব পাৰে । এণ্ড্ৰইড 14 সৈতে এই ফোনটোত তিনি বছৰলৈ এণ্ড্ৰইড আপডেট আৰু চাৰি বছৰলৈ ছিকিউৰিটি আপডেট লাভ কৰি থাকিব।

Nothing Phone 2a Plusৰ দুটা ভেৰিয়েণ্ট মুকলি কৰা হৈছে । 8GB/25GB ভেৰিয়েন্টৰ বাবে 29,999 টকা নিৰ্ধাৰণ কৰা বিপৰীতে 12GB/256GB ৰ ভেৰিয়েন্টৰ বাবে 31,999 টকা নিৰ্ধাৰণ কৰা হৈছে । প্ৰকাশিত তথ্য অনুসৰি, অহা সপ্তাহৰ ৭ আগষ্টৰ পৰা ফ্লিপকাৰ্টত গ্ৰাহকৰ বাবে এই ফোনটোৰ বিক্ৰী আৰম্ভ হ’ব।

Nothing Phone 2a Plusৰ স্পেচিফিকেশন

• ডিছপ্লে: এই ফোনত আছে 6.7 ইঞ্চি ফুল এইচডি প্লাছ এমোলেড ডিছপ্লে । যি 120 হাৰ্টজ ৰিফ্ৰেছ ৰেট আৰু 240 হাৰ্টজ টাচ চেম্পলিং ৰেটৰ সৈতে আহিব। কোম্পানীয়ে স্ক্ৰীণ প্ৰটেকচনৰ বাবে Corning Gorilla Glass 5 ব্যৱহাৰ কৰিছে । লগতে এই ফোনটো পাব 1300 nits peak brightness support।
• প্ৰচেছৰ: স্পীড আৰু মাল্টিটাস্কিঙৰ বাবে ফোনটোত থাকিব মিডিয়াটেক ডাইমেনচন 7350 অক্টা-কোৰ প্ৰচেছৰ।
• বেটাৰী ক্ষমতা: ফোনটোত 5000 mAh ৰ শক্তিশালী বেটাৰী দিয়া হৈছে । এই ফোনত 50 ৱাটৰ ফাষ্ট আৰু 5 ৱাটৰ ৰিভাৰ্ছ ৱায়াৰ চাৰ্জ ব্যৱহাৰ কৰিব পাৰিব।
• কেমেৰা ছেটআপ: 50 মেগাপিক্সেল Samsung GN9 প্ৰাইমেৰী কেমেৰা চেন্সৰৰ লগতে 50 মেগাপিক্সেল Samsung JN1 কেমেৰা চেন্সৰ ফোনটোৰ পিছফালৰ অংশত উপলব্ধ হ’ব। একেদৰে চেলফিৰ বাবে 50 মেগাপিক্সেলৰ Samsung JN1 ফ্ৰন্ট কেমেৰাৰ ব্যৱস্থা কৰা হৈছে।
• সংযোগ: ফোনটোত চাৰ্জিঙৰ বাবে ব্লুটুথ সংস্কৰণ 5.3, ৱাই-ফাই 6, 5জি, জিপিএছ, এনএফচি আৰু ইউএছবি টাইপ-চি প’ৰ্ট আছে।