ইলন মাস্কক প্ৰত্যাহ্বান জনাবলৈ সাজু আম্বানী, মুকলি কৰিলে Jio AX6000 ৰাউটাৰ…
JioRouter AX6000: ষ্টাৰলিংকক প্ৰত্যাহ্বান জনাবলৈ সাজু মুকেশ আম্বানী। জিঅ’ই ইতিমধ্যে ৱাইফাই ছিক্স ৰাউটাৰ মুকলি কৰিছে। Jio AX6000 Universal Router ৰ মূল্য প্ৰায় ৬ হাজাৰ টকা।
আম্বানী-মাস্ক
ইলন মাস্কক প্ৰত্যাহ্বান জনাবলৈ সাজু মুকেশ আম্বানী। মাস্কে ভাৰতত এক বিশেষ ব্যৱসায় আৰম্ভ কৰাৰ পূৰ্বে নতুন পৰিকল্পনা কৰিছে মুকেশ আম্বানীয়ে। মাস্কক প্ৰত্যাহ্বান জনাই প্ৰযুক্তি জগতত আম্বানীয়ে এক বিশেষ বস্তু সংযোগ কৰিছে। ৰিলায়েন্স জিঅই মুকলি কৰিছে ৱাইফাই ছিক্স ৰাউটাৰ। ইয়াৰ ফলত মাস্কৰ আহিবলগীয়া ষ্টাৰলিংক কিছু প্ৰভাৱিত হ’ব বুলি আশা কৰা হৈছে।
কেন্দ্ৰীয় চৰকাৰে ইলন মাস্কৰ চেটেলাইট ইণ্টাৰনেট সেৱা প্ৰদানকাৰী ষ্টাৰলিংকক ভাৰতত ব্যৱসায় আৰম্ভ কৰাৰ অনুজ্ঞাপত্ৰ প্ৰদান কৰিছে। অৱশ্যে বজাৰত প্ৰৱেশ কৰিবলৈ আৰু কিছু সময় লাগিব ষ্টাৰলিংকক। এনে পৰিস্থিতিত মুকেশ আম্বানীৰ ৰিলায়েন্স জিঅ’ই ষ্টাৰলিংকৰ সৈতে প্ৰতিদ্বন্দ্বিতা কৰাৰ নতুন পৰিকল্পনা কৰিছে। বজাৰত মুকলি কৰিছে এক নতুন সামগ্ৰী।
জানিব পৰা মতে, জিঅ’ই ইতিমধ্যে ৱাইফাই ছিক্স ৰাউটাৰ মুকলি কৰিছে। Jio AX6000 Universal Router ৰ মূল্য প্ৰায় ৬ হাজাৰ টকা। ৱাইফাই ছিক্স ৰাউটাৰ অত্যাধুনিক প্ৰযুক্তিৰে নিৰ্মিত এক ৰাউটাৰ। ইয়াক ব্যৱহাৰ কৰি আপলোড আৰু ডাউনলোড দ্ৰুতভাৱে কৰিব পৰা যায়। ইয়াৰ বাহিৰেও এই ৰাউটাৰটো আন ৰাউটাৰতকৈ বহুত বেছি শক্তিশালী।
ষ্টাৰলিংকৰ দ্ৰুত ইন্টাৰনেট সেৱাক পৰাস্ত কৰিবলৈ জিঅ’ই মুকলি কৰিছে এই নতুন ৰাউটাৰ। ইয়াৰ উপৰিও জিঅ’ই এই ৰাউটাৰৰ সৈতে একেলগে ১০০টা ডিভাইচ সংযোগ কৰিব পৰা যাব বুলিও কৈছে। Jio ৰ দাবী ,প্ৰতিজন ব্যৱহাৰকাৰীয়ে এই ৰাউটাৰৰ জৰিয়তে বহু ডাটা ডাউনলোড কৰিব পাৰিব আৰু গতিৰ ক্ষেত্ৰত কাৰো কোনো সমস্যা নহয়।
সকলো ৰাউটাৰৰ দৰে এই ৰাউটাৰো ২.৪ গিগাহাৰ্টজ আৰু ৫ গিগাহাৰ্টজ বেণ্ড দুয়োটা ব্যৱহাৰ কৰিব পাৰিব। ইয়াৰোপৰি এই ৰাউটাৰত পাছৱৰ্ড সুৰক্ষিত কৰি ৰখাৰ এটা বিশেষ ব্যৱস্থা আছে। ঘৰতে হওক বা অফিচত হওক, এই লেন-মুক্ত ৰাউটাৰে ব্যৱহাৰকাৰীক সৰ্বোচ্চ ৬ Gbps গতি প্ৰদান কৰিব।
অন্য খবৰ পঢ়কঃ প্ৰতিদিনে ৫০ টকা জমা কৰি লাভ কৰক লাখ লাখ টকা! ডাকঘৰৰ এই বিশেষ আঁচনিৰ বিষয়ে জানক…