গুগলে আগবঢ়াইছে দেৱালীৰ উপহাৰঃ মাত্ৰ ১১ টকাতে লাভ কৰিব বাম্পাৰ অফাৰ, দূৰ হ’ব ‘প্ৰিয়তম’ক হেৰুৱাৰ ভয়

গুগলৰ বিশেষ অফাৰ

দেৱালী বুলিলেই এক আনন্দমুখৰ পৰিৱেশে বিৰাজ কৰে সমাজত, সকলোৰে মনত এক ভৰি পৰে আনন্দত। এই আনন্দৰ ক্ষণতে আমাৰ দৈনন্দিন জীৱনৰ সহচৰ গুগলে আগবঢ়াইছে বাম্পাৰ অফাৰ। দেৱালীৰ আনন্দ অধিক কৰি তুলি গুগলে আগবঢ়াইছে উপহাৰ। কোম্পানীটোৱে উপহাৰ ৰূপত ক্লাউড ষ্ট’ৰেজ সেৱাত বিশেষ অফাৰ আগবঢ়াইছে। এই সীমিত সময়ৰ অফাৰৰ অধীনত গুগলে মাত্ৰ ১১ টকাত ২ টিবি পৰ্যন্ত ষ্ট’ৰেজ ক্ৰয় কৰাৰ এক সুন্দৰ সুযোগ আগবঢ়াইছে। গুগলৰ এই অফাৰৰ সুবিধা আপুনি কেনেকৈ ল’ব পাৰে, চাওক।

গুগল ৱান প্লেনছ

গুগল ৱান লিটল প্লেনঃ এই প্লেনৰ মূল্য প্ৰতিমাহে ৩০ টকা, কিন্তু প্ৰথম তিনিমাহৰ বাবে আপুনি এই প্লেন ১১ টকাত ক্ৰয় কৰিব পাৰিব। এই প্লেনৰ সৈতে কোম্পানীয়ে ৩০ জিবি ষ্ট’ৰেজ প্ৰদান কৰে।

গুগল ৱান বেচিক প্লেনঃ এই প্লেনৰ মূল্য প্ৰতিমাহে ১৩০ টকা আৰু ইয়াত ১০০ জিবি ষ্ট’ৰেজৰ সুবিধা আছে। বৰ্তমানৰ অফাৰৰ অধীনত আপুনি তিনি মাহৰ বাবে প্ৰতিমাহে ১১ টকাত এই প্লেনটোও ল’ব পাৰিব।

গুগল ৱান ষ্টেণ্ডাৰ্ড প্লেনঃ ২০০ জিবি ষ্ট’ৰেজৰ সৈতে এই প্লেনৰ মূল্য প্ৰতিমাহে ২১০ টকা, কিন্তু এতিয়া আপুনি এই প্লেন তিনি মাহৰ বাবে প্ৰতিমাহে ১১ টকাত ক্ৰয় কৰিব পাৰিব।

গুগল ৱান প্ৰিমিয়াম প্লেনঃ ২ টিবি ষ্ট’ৰেজৰ সৈতে এই প্লেনৰ মূল্য প্ৰতিমাহে ৬৫০ টকা, কিন্তু এতিয়া এই প্লেনটোও মাত্ৰ ১১ টকাত আগবঢ়োৱা হৈছে। তিনিমাহৰ পিছত এই পৰিকল্পনাৰ বাবে প্ৰতিমাহে ৬৫০ টকা খৰচ কৰিব লাগিব।

গুগল ৱান অফাৰ কিদৰে সক্ৰিয় কৰিব

গুগল ৱান এপ বা অফিচিয়েল ৱেবছাইটলৈ গৈ আপোনাৰ জিমেইল একাউণ্টেৰে চাইন ইন কৰক।

ওপৰৰ বাওঁফালৰ চুকত থকা মেনু আইকনত ক্লিক কৰক।

ইয়াত আপুনি Membership Plans বিকল্প দেখা পাব।

আপোনাৰ পছন্দ আৰু প্ৰয়োজনৰ ওপৰত ভিত্তি কৰি এটা প্লেন নিৰ্বাচন কৰক।

তাৰ পিছত Get Discount ত ক্লিক কৰক।

পে’মেণ্ট পৰীক্ষা কৰক, তাৰ পিছত ৰেহাই প্লেন সক্ৰিয় কৰক।