সলনি হ’ল ফেচবুক ! ডাঙৰ মন্তব্য় মাৰ্ক জুকাৰবাৰ্গৰ…
এতিয়া এনেকুৱা হৈছে যে, হোৱাটছএপ বা ইনষ্টাগ্ৰামত বন্ধু-বান্ধৱীৰ সৈতে সংযোগ স্থাপন কৰা হয়। ইয়াৰ বিপৰীতে ফেচবুক কেৱল ভিডিঅ’ আৰু বিজ্ঞাপন চোৱাৰ মঞ্চত পৰিণত হৈছে। শেহতীয়াকৈ এইলৈ দুখ প্ৰকাশ কৰি প্ৰতিক্ৰিয়া প্ৰকাশ কৰিছে মাৰ্ক জুকাৰবাৰ্গে।
বৰ্তমান সময়ত ফেচবুক কেৱল মনোৰঞ্জন প্লেটফৰ্মলৈ ৰূপান্তৰিত হৈছে। কিন্তু ইয়াৰ আগতে পুৰণি বন্ধু-বান্ধৱী বা পৰিয়ালৰ সৈতে সংযোগ স্থাপনৰ বাবে ফেচবুক ব্যৱহাৰ কৰা হৈছিল। আগতে ফেচবুকত গৈ বন্ধু-বান্ধৱ আৰু পৰিয়ালৰ সদস্যৰ পোষ্টত কমেন্ট আৰু লাইক কৰাৰ এটা ধাৰা আছিল।
কিন্তু এতিয়া এনেকুৱা হৈছে যে, হোৱাটছএপ বা ইনষ্টাগ্ৰামত বন্ধু-বান্ধৱীৰ সৈতে সংযোগ স্থাপন কৰা হয়। ইয়াৰ বিপৰীতে ফেচবুক কেৱল ভিডিঅ’ আৰু বিজ্ঞাপন চোৱাৰ মঞ্চত পৰিণত হৈছে। শেহতীয়াকৈ এইলৈ দুখ প্ৰকাশ কৰি প্ৰতিক্ৰিয়া প্ৰকাশ কৰিছে মাৰ্ক জুকাৰবাৰ্গে। মাৰ্কৰ বিৰুদ্ধে গোচৰ চলি আছে। ফেডাৰেল ট্ৰেড কমিছনে (FTC) মেটাৰ বিৰুদ্ধে কেইবাটাও অভিযোগ উত্থাপন কৰিছে।
মেটাৰ চিইঅ’ মাৰ্ক জুকাৰবাৰ্গে স্বীকাৰ কৰে যে, ফেচবুকৰ উদ্দেশ্য এতিয়া বন্ধুৰ সৈতে সংযোগ স্থাপন নহয়, কিন্তু ই কেৱল মনোৰঞ্জনৰ উৎস হৈ পৰিছে। আচলতে ফেচবুক প্ৰথম অৱস্থাত মানুহে নিজৰ জীৱনৰ মুহূৰ্তবোৰ ইজনে সিজনৰ লগত শ্বেয়াৰ কৰাৰ বাবেই আছিল। কিন্তু এতিয়া এই ধাৰা যেন ক’ৰবাত শেষ হৈছে।
ইয়াৰ পূৰ্বে মানুহে ইজনে সিজনৰ লগত সংযোগ স্থাপন আৰু ব্যক্তিগত সম্পৰ্কৰ প্ৰচাৰৰ বাবে ফেচবুক ব্যৱহাৰ কৰিছিল। কিন্তু এতিয়া ই কেৱল এটা কন্টেন্ট মেচিন হৈ পৰিছে। এতিয়া ই ব্যৱহাৰকাৰীসকলক প্লেটফৰ্মত নিয়োজিত কৰি ৰাখিবলৈ AI-চালিত কিউৰেট কৰা ফিডসমূহ দেখুৱাইছে। যাতে ইয়াত অধিক আৰু অধিক বিজ্ঞাপন দেখুৱাব পৰা যায়।
মেটা আৰু ফেচবুকৰ বাবে এয়া এক কঠিন সময়। মেটাৰ সন্মুখীন হৈছে এক বৃহৎ এণ্টিট্ৰাষ্ট গোচৰৰ। য’ত FTC য়ে কৰা অভিযোগৰ সন্মুখীন হৈছে মেটা।