নিশা শোৱাৰ সময়ত SmartTVৰ প্লাগ নোখোলাকৈয়ে থয় নেকি? কেনে বিপদ ঘটিব পাৰে জানেনে?

প্ৰতিনিধিত্বমূলক ছবি

বহুলোকৰে নিশা শোৱাৰ পূৰ্বে টিভি চোৱাৰ অভ্যাস থাকে। পিছে শোৱাৰ সময়ত উঠি যোৱাৰ এলাহত বিচনাৰ পৰাই ৰিম’ট ব্যৱহাৰ কৰি টিভি অফ কৰি থয়। কিন্তু টিভিৰ প্লাগ ইলেক্ট্ৰিক ব’ৰ্ডতে লাগি থাকে। যদি আপুনিও এনে কৰে, তেতিয়াহ’লে আজিয়েই এই অভ্যাস সলনি কৰা উচিত। ইয়াৰ ফলত আপোনাৰ টিভিটো বন্ধ নহয়, বৰঞ্চ ষ্টেণ্ডবাই মোডত অন হৈ থাকে। এনে পৰিস্থিতিত বহু অসুবিধাৰ সন্মুখীন হ’ব পাৰে। জানো আহক এই বিষয়ে।

অপ্ৰয়োজনীয় বিদ্যুৎ ব্যৱহাৰ

এটা সৰু টিভিৰ পৰা বছৰি ১০০ৰ পৰা ১৫০ টকাৰ অতিৰিক্ত বিল যোগ হ’ব পাৰি। আনহাতে ডাঙৰ টিভি এটাৰ পৰা ৩০০ টকা পৰ্যন্ত বিল যোগ হ’ব পাৰে। গতিকে টিভি আনপ্লাগ কৰি ৰাখিলে বিদ্যুতৰ এনে অপ্ৰয়োজনীয় ব্যৱহাৰৰ পৰা ৰক্ষা পৰিব পাৰি। টিভিৰ প্লাগ খুলি ৰখাটো বিদ্যুৎ ৰাহিৰ বাবে এক স্মাৰ্ট আৰু উপকাৰী অভ্যাস হিচাপে গণ্য কৰা হয়।

ভল্টেজ সমস্যাৰ পৰা সুৰক্ষা

অধিকাংশ লোকেই টিভিৰ লগত ষ্টেবিলাইজাৰ ব্যৱহাৰ নকৰে, ইয়াৰ ফলত ভল্টেজৰ উঠা-নমাৰ বাবে ক্ষতি হ’ব পাৰে। ৰাতি হঠাতে ভল্টেজ বৃদ্ধি বা হ্ৰাস হ’লে চাৰ্কিটৰ বিজুতি ঘটিব পাৰে, ফলত টিভিৰ ক্ষতি হোৱাৰ সম্ভাৱনা বৃদ্ধি পায়। যদি চকেটৰ পৰা প্লাগ আঁতৰাই দিয়া হয়, তেতিয়া বৈদ্যুতিক বিজুতি হ’লেও টিভিটো সম্পূৰ্ণৰূপে সুৰক্ষিত হৈ থাকে। বিশেষকৈ বাৰিষা আৰু শীতকালত এয়া অত্যন্ত গুৰুত্বপূৰ্ণ।

টিভি বেয়া হোৱাৰ পৰা ৰক্ষা পৰিব

এই ভুলৰ ফলত টিভি সোনকালে বেয়া হ’ব পাৰে। ষ্টেণ্ডবাই মোডৰ সময়তো টিভিৰ মাজেৰে কাৰেণ্ট প্ৰবাহিত হৈ থাকে, ফলত ইয়াৰ আভ্যন্তৰীণ উপাদানসমূহত প্ৰভাৱ পৰে। সময়ৰ লগে লগে এই উপাদানসমূহ দুৰ্বল হৈ টিভিৰ আয়ুস কমি যায়। প্ৰতি নিশা টিভিটো আনপ্লাগ কৰিলে সম্পূৰ্ণৰূপে বন্ধ কৰি ৰখা হয় আৰু ভিতৰৰ উপাদানসমূহৰ ওপৰত অপ্ৰয়োজনীয় চাপ নপৰে।

পৰিৱেশন আৰু ছবিৰ মানদণ্ড

মোবাইল ফোন এটাৰ দৰে স্মাৰ্ট টিভি বন্ধ কৰিলে ইয়াৰ চফট্ ৱেৰ সম্পূৰ্ণৰূপে সতেজ হৈ পৰে আৰু ইয়াৰ কেচ মেমৰি ক্লিয়াৰ হয়। ইয়াৰ ফলত চেনেল চুইচিং আৰু এপ খোলাৰ দৰে প্ৰক্ৰিয়া দ্ৰুত হয়, টিভিৰ গতি লেহেমীয়া নহয়। অহৰহ বিদ্যুতৰ সৈতে সংযোগ কৰিলে ট্ৰেঞ্জিষ্টৰ আৰু পিক্সেলত প্ৰভাৱ পৰে, ফলত সময়ৰ লগে লগে উজ্জ্বলতা হ্ৰাস পাব পাৰে।