৭৪০০ কোটি টকাৰ গৰাকী ৰজাক কৰিব পৰা নাছিল সাক্ষাৎ, অমল মজুমদাৰৰ কাহিনীয়ে আৱেগিক কৰিলে প্ৰধানমন্ত্ৰী মোদীক

প্ৰধানমন্ত্ৰীৰ সৈতে ভাৰতীয় মহিলা ক্ৰিকেট দল

বিশ্বজয়ী ভাৰতীয় মহিলা ক্ৰিকেট দলৰ সৈতে মিলিত হ’ল প্ৰধানমন্ত্ৰী নৰেন্দ্ৰ মোদী। যোৱা ২ নৱেম্বৰত নৱী মুম্বাইৰ ডি ৱাই পাটিল ষ্টেডিয়ামত দক্ষিণ আফ্ৰিকাক পৰাস্ত কৰে ভাৰতে বিশ্বকাপ দখল কৰে। ভাৰতীয় মহিলা ক্ৰিকেট দলৰ এই বিশ্বজয়ী যাত্ৰাৰ অন্যতম পথ নিৰ্দেশক হৈছে দলটোৰ মুখ্য প্ৰশিক্ষক অমল মুজুমদাৰ। সেইগৰাকী ভাৰতীয় খেলুৱৈ যাৰ দুৰ্ভাগ্যৰ গাঁথা ইতিমধ্যেই ভাৰতবাসীয়ে পঢ়িছে।

ভাৰতীয় দলৰ হৈ কোনো দিন আন্তঃৰাষ্ট্ৰীয় মেচ নেখেলিলেও আই চি চিৰ এই সন্মানীয় ট্ৰফীৰ সৈতে চিৰদিন জড়িত হৈ থাকিব অমল মুজুমদাৰৰ নাম। কিয়নো নিজে খেলপথাৰত নানামিলেও খেলপথাৰৰ বাহিৰত থাকিয়েই তেওঁ নিজৰ সপোন পূৰণ কৰিলে আৰু দেশকো বিশ্বৰ বুকুত গৌৰৱান্বিত কৰিলে। বিশ্বজয়ী ভাৰতীয় মহিলা ক্ৰিকেট দলে প্ৰধানমন্ত্ৰী মোদীক সাক্ষাৎ কৰাৰ সময়ত দলটোৰ খেলুৱৈসকলৰ সৈতে উপস্থিত আছিল মুখ্য প্ৰশিক্ষক অমল মুজুমদাৰো।

প্ৰধানমন্ত্ৰী মোদীৰ সমুখত অমল মুজুমদাৰে চলিত বৰ্ষৰ জুন মাহত সংঘটিত এক হৃদয়স্পৰ্শী ঘটনাৰ বিষয়ে উল্লেখ কৰে। ৭৪০০ কোটি টকাৰ গৰাকী এজন ৰজাক সাক্ষাৎ কৰাৰ পৰা তেওঁলোক কিদৰে বঞ্চিত হৈছিল সেই কাহিনী প্ৰধানমন্ত্ৰীক শুনালে অমলে।

চলিত বৰ্ষৰ জুন মাহত ইংলেণ্ড ভ্ৰমণৰ বাবে গৈছিল ভাৰতীয় মহিলা দল। সেই সময়ত ভাৰতীয় দলে ৭৪০৮ কোটিৰ মালিক কিং চাৰ্লছক লগ পোৱাৰ কথা আছিল। প্ৰট’কলৰ নিৰ্দেশ আছিল যে মাত্ৰ ২০ জন লোকেহে উপস্থিত থাকিব পাৰিব। বৈঠকখন হৈছিল ঠিকেই, কিন্তু আমাৰ দলৰ কিছুমান সহায়ক কৰ্মচাৰীয়ে প্ৰট’কলৰ বাবে তেওঁক লগ কৰিব পৰা নাছিল।

আমোল মজুমদাৰে কয় যে সহায়ক কৰ্মচাৰীসকলে কিং চাৰ্লছক লগ কৰিব নোৱাৰাৰ বাবে অনুশোচনা কৰে যদিও তেওঁ তেওঁলোকক কয় যে যি ঘটিল তাৰ বাবে তেওঁ দুঃখিত। তেওঁ লগতে কয়, “কিন্তু মই নিশ্চিতভাৱে ক’ম যে আজি আমি ফটো তুলিব নোৱাৰিলেও ৪ বা ৫ নৱেম্বৰত প্ৰধানমন্ত্ৰী মোদীৰ সৈতে নিশ্চিতভাৱে এখন ফটো তুলিম।” অমল মজুমদাৰে প্ৰধানমন্ত্ৰী মোদীক কয় যে সেই এটা আছিল, আৰু এতিয়া এই দিনটো যেতিয়া সকলোৱে প্ৰধানমন্ত্ৰী মোদীক সাক্ষাৎ কৰিলে।