আপোনাৰ ওপৰত কোনোবাই কৰিছে নেকি ক’লা যাদু? এই সংকেতসমূহ পালেই সাৱধান হওক…

ক'লা যাদু

মানুহৰ মনত ভয়, অনিশ্চয়তা আৰু দুৰ্বলতাৰ সুযোগ লৈ বহু যুগৰ পৰা ক’লা যাদু বা ব্লেক মেজিক জনপ্ৰিয় হৈ আহিছে। ইয়াৰ কোনো বৈজ্ঞানিক প্ৰমাণ নাই যদিও বহুতে বিশ্বাস কৰে যে নেতিবাচক শক্তি বা বেয়া উদ্দেশ্যৰে কিছুমান কৰ্ম আৰু প্ৰতিক্ৰিয়াই মানুহৰ জীৱন আৰু মানসিক অৱস্থাত প্ৰভাৱ পেলাব পাৰে। বাস্তৱত বহুতে মানসিক চাপ, অসুস্থতা বা নেতিবাচক পৰিস্থিতিক ক’লা যাদুৰ প্ৰভাৱ বুলি গণ্য কৰে। আনকি ক’লা যাদু কৰা বুলি কেইবাটাও সংকেত আছে। সেই লক্ষণবোৰ কি কি?

১) শৰীৰত হঠাৎ দুৰ্বলতা আৰু অসুস্থতা – ক’লা যাদুৰ প্ৰভাৱত শৰীৰটো একেবাৰে অকাৰণতে দুৰ্বল হৈ পৰে। চিকিৎসাৰ পিছতো আৰোগ্য নহয় বা বাৰে বাৰে সমস্যাটো ঘূৰি আহে। বহুতে হঠাৎ ভাগৰুৱা, মূৰ ঘূৰোৱা, অজ্ঞাত বিষ আদিক এনে শক্তিৰ প্ৰভাৱ বুলি গণ্য কৰে।

২) টোপনিৰ সমস্যা আৰু দুঃস্বপ্ন – বহুতে বিশ্বাস কৰে যে ক’লা যাদুই গভীৰ টোপনি অহাত বাধা দিয়ে। সঘনাই সাৰ পোৱা, দুঃস্বপ্ন দেখা বা অদ্ভুত আতংকৰ সৈতে সাৰ পোৱাটো সাধাৰণ লক্ষণ।

৩) মানসিক অস্থিৰতা আৰু নেতিবাচক চিন্তা – ক’লা যাদুৰ প্ৰভাৱত মনটো সদায় অস্থিৰ হৈ থাকে। ভয়, হতাশা, অশান্তি বা নেতিবাচক চিন্তাবোৰ অকাৰণতে মনলৈ আহি থাকে। বহু সময়ত আত্মবিশ্বাস হেৰাই যায়।

৪) কৰ্মক্ষেত্ৰত বাৰে বাৰে বিফলতা – বহু চেষ্টাৰ পিছত কোনো কাম সফল নহয়, পৰিকল্পনা বাৰে বাৰে বিফল হয়, বা হঠাতে সকলো পথ বন্ধ হৈ যায়, বহুতে ইয়াক ক’লা যাদুৰ সৈতে জড়িত কৰে।

৫) সম্পৰ্কৰ উত্তেজনা – পৰিয়ালৰ ভিতৰত হঠাৎ বৃদ্ধি পোৱা অশান্তি, বৈবাহিক কাজিয়া, আপোনজনৰ লগত হোৱা ভুল বুজাবুজি, সম্পৰ্ক ভাঙি পেলোৱাৰ প্ৰৱণতাকো বহুতে ক’লা যাদুৰ প্ৰভাৱ বুলি গণ্য কৰে।

৬) অদ্ভুত পৰিঘটনা বা পৰিৱেশ – ঘৰত বস্তু হেৰুৱা, অচিন শব্দ শুনা, চৌপাশত অস্বাভাৱিক গোন্ধ পোৱা বা অদ্ভুত অভিজ্ঞতা আদিও ক’লা যাদুৰ লক্ষণ বুলি বহুতে বিশ্বাস কৰে।

৭) আৰ্থিক সমস্যা আৰু কৰ্মক্ষেত্ৰত স্থবিৰ অগ্ৰগতি – বহু লোকে কোনো কাৰণ নোহোৱাকৈ ধাৰাবাহিকভাৱে হোৱা আৰ্থিক লোকচান, কৰ্মক্ষেত্ৰত স্থবিৰ হৈ পৰা অগ্ৰগতি বা আৰ্থিক অৱস্থাৰ অৱনতি ঘটাটোও নেতিবাচক শক্তিৰ প্ৰভাৱ বুলি গণ্য কৰে।

(বি:দ্ৰ – এই প্ৰতিবেদনত দিয়া বক্তব্যসমূহ বিভিন্ন সমলৰ পৰা লাভ কৰা তথ্যৰ ওপৰত ভিত্তি কৰি কৰা হৈছে। এই ক্ষেত্ৰত TV9  Assam-এ কোনো নিশ্চয়তা প্ৰদান নকৰে।)