Assamese News Photo Gallery > Why we feed crows in Shradh 2025 Know Benefits of feeding crows in Pitru Paksha 2025

মৃতকৰ শ্ৰাদ্ধৰ দিনা কাউৰীক কিয় খাদ্য দিয়া হয়? ইয়াৰ গুৰুত্ব জানক…

Published:

02 Sep 2025 18:21 PM

এইবাৰ ৭ ছেপ্টেম্বৰৰ পৰা আৰম্ভ হ'ব পিতৃ পক্ষ, যিটো ২১ ছেপ্টেম্বৰত শেষ হ’ব। শ্ৰাদ্ধৰ সময়ত কাউৰীক খাদ্য দিয়াটো বিশেষ গুৰুত্বপূৰ্ণ বুলি বিবেচিত হয়। শ্ৰাদ্ধৰ সময়ত কাউৰীক কিয় খাদ্য দিয়া হয় আৰু ইয়াৰ গুৰুত্ব কি জানো আহক।

পিতৃ পক্ষৰ সময়ত পূৰ্বপুৰুষৰ তৰ্পন,পিণ্ডদান আৰু শ্ৰাদ্ধ কৰা হয়। ১৫ দিনীয়া পিতৃ পক্ষৰ সময় পূৰ্বপুৰুষক সন্তুষ্ট কৰিবলৈ সৰ্বোত্তম বুলি গণ্য কৰা হয়। পিতৃ পক্ষ আৰম্ভ হোৱাৰ লগে লগে আপুনি নিশ্চয় দেখিছে যে মানুহে শ্ৰাদ্ধৰ খাদ্য কাউৰীক দিয়ে, যাৰ হিন্দু ধৰ্মত অতি গুৰুত্ব আছে।

2 / 6

ধৰ্মশাস্ত্ৰত কাউৰীক পূৰ্বপুৰুষৰ প্ৰতীক বুলি গণ্য কৰা হয়। ধৰ্মীয় বিশ্বাস অনুসৰি পিতৃ পক্ষ বা শ্ৰাদ্ধৰ সময়ত কাউৰীক খুৱালে ই পূৰ্বপুৰুষৰ ওচৰ পায়গৈ আৰু তেওঁলোকৰ আত্মাই তৃপ্তি লাভ কৰে।

3 / 6

কাউৰীক যমৰাজৰ দূত বুলি গণ্য কৰা হয় আৰু কাউৰীক খুৱালে পূৰ্বপুৰুষক সন্তুষ্ট হয় আৰু তেওঁলোকৰ আত্মা তৃপ্ত হয়। এটা পৌৰাণিক কাহিনী আছে যে পূৰ্বপুৰুষসকলে তেওঁলোকৰ খাদ্য কাউৰীৰ ৰূপত লয় আৰু এই খাদ্য তেওঁলোকৰ শ্ৰাদ্ধ কৰ্মৰ এক গুৰুত্বপূৰ্ণ অংশ।

4 / 6

গৰুড় পুৰাণৰ মতে কাউৰী যমৰাজৰ দূত আৰু কাউৰীক দিয়া খাদ্য পোনপটীয়াকৈ পূৰ্বপুৰুষৰ ওচৰলৈ যায়, যাৰ ফলত তেওঁলোকে তৃপ্তি লাভ কৰে। পিতৃ পক্ষত কাউৰীক খুৱালে পিত্ৰ দোষ আঁতৰ হয় আৰু পূৰ্বপুৰুষসকলে মোক্ষ লাভ কৰে।

5 / 6

পৌৰাণিক বিশ্বাস অনুসৰি মৃত্যুৰ পিছত মানুহৰ আত্মা প্ৰথমে কাউৰীৰ মাজত প্ৰৱেশ কৰে, গতিকে মৃতকৰ পছন্দৰ খাদ্য প্ৰথমে কাউৰীক খাদ্য দিয়াটো শুভ আৰু পূণ্যৰ কাম বুলি গণ্য কৰা হয়।

6 / 6

কাউৰীয়ে যদি শ্ৰাদ্ধৰ খাদ্য খাইছে তেন্তে পূৰ্বপুৰুষেও সেই খাদ্য গ্ৰহণ কৰিছে বুলি ধৰ্মীয় বিশ্বাস আছে। শ্ৰাদ্ধ খাদ্যৰ পৰা পঞ্চ বলি ভোগ অৰ্থাৎ কাউৰী, গৰু, কুকুৰ, পিঁপৰা আৰু দেৱতাক ভোগ দিয়াটো প্ৰয়োজনীয় বুলি বিবেচিত হয়। কোৱা হয় যে পূৰ্বপুৰুষসকল কেৱল সেইবোৰৰ ৰূপত পৃথিৱীলৈ আহে।