WhatsApp ৰ আহিছে নতুন আপডেট, এতিয়াৰে পৰা অনুমতি অবিহনে অন্তৰ্ভুক্ত কৰিব নোৱাৰিব যিকোনো গ্ৰুপত

WhatsApp ৰ আহিছে নতুন আপডেট

WhatsApp ৰ জৰিয়তে আমাৰ বহুতো সুবিধা হয় কিন্তু কেতিয়াবা ই অশান্তিৰ কাৰণো হৈ পৰে। যদি আপোনাকো বাৰে বাৰে WhatsApp ৰ যিকোনো গ্ৰুপত অন্তৰ্ভুক্ত কৰা হয়, তেন্তে এই কৌশল আপোনাৰ বাবে। এতিয়া অনুমতি অবিহনে কোনেও আপোনাক গ্ৰুপত অন্তৰ্ভুক্ত কৰিব নোৱাৰিব। এতিয়া গ্ৰুপত কোনে অন্তৰ্ভুক্ত কৰি দিব পাৰে আৰু কোনে নোৱাৰে তাৰ ওপৰত আপোনাৰ নিয়ন্ত্ৰণ থাকিব। ইয়াৰ বাবে ফোনত এই ছেটিংচটো শীঘ্ৰে অন কৰক।

এই ছেটিংচ কৰক

WhatsAppৰ এই বৈশিষ্টৰ বিষয়ে বেছিভাগ মানুহেই অৱগত, কিন্তু যিসকলে নাজানে তেওঁলোকে নিজৰ ফোনত এই ছেটিংচ সক্ৰিয় কৰিব লাগিব।

প্ৰথমে আপোনাৰ ফোনত WhatsApp এপটো খুলিব লাগিব। WhatsApp খোলাৰ পিছত স্ক্ৰীণৰ সোঁফালৰ চুকত তিনিটা বিন্দু দেখা যাব, তাত ক্লিক কৰক। ইয়াৰ পিছত settings option ত ক্লিক কৰক। এতিয়া একাউণ্টলৈ যাওক আৰু Privacy বিকল্পত ক্লিক কৰক। প্ৰাইভেচিলৈ যোৱাৰ পিছত গ্ৰুপত ক্লিক কৰক। ইয়াত আপুনি তিনিটা বিকল্পৰ ভিতৰত এটা নিৰ্বাচন কৰিব লাগিব।

বিকল্পৰ বাচনি

• Everyone: যদি আপুনি Everyone নিৰ্বাচন কৰে তেন্তে যিকোনো ব্যক্তিয়ে আপোনাক বিনা অনুমতিত যিকোনো গ্ৰুপত অন্তৰ্ভুক্ত কৰিব পাৰিব।
• My Contacts: এই বিকল্পটো নিৰ্বাচন কৰি, কেৱল ফোনটোৰ যোগাযোগ তালিকাত থকা লোকসকলেহে আপোনাক গ্ৰুপত যোগ কৰিব পাৰিব।
• My Contacts Except: এই বিকল্পত আপোনাৰ হাতত সকলো নিয়ন্ত্ৰণ থাকিব। যদি আপুনি এই বিকল্প নিৰ্বাচন কৰে, তেন্তে আপুনি গ্ৰুপত যোগ কৰিব পৰা লোকসকলক নিৰ্বাচন কৰিব পাৰিব।
• যদি আপুনি Nobody ত ক্লিক কৰে তেন্তে কোনেও আপোনাক কোনো গ্ৰুপত যোগ কৰিব নোৱাৰিব। আপোনাৰ অনুমতিৰ পিছতহে যোগ কৰিব পাৰিব।