24 Jul 2025 12:09 PM
ব্যস্তুতাৰ বাবে আমি আমাৰ মোবাইল ফোনটো চাৰ্জত দিবলৈ সময় নাপাও। যাৰ বাবে বহুতে ফোনটো ৰাতিটো চাৰ্জ হ'বলৈ থৈ দিয়ে। ইয়াৰ ফলত কি কি সমস্যা হ'ব পাৰে জানেনে? মোবাইল বিস্ফোৰণৰ আশংকা বৃদ্ধি পায় নেকি? মোবাইল চাৰ্জিং সন্দৰ্ভত এনে বহু প্ৰশ্ন আমাৰ মনত চলি থাকে। আজি এই বিষয়ে সবিশেষ জানো আহক...
বেছিভাগ মানুহে মোবাইলটো ৰাতিটোৰ বাবে চাৰ্জত দিয়ে। দিনটো মোবাইলটো ব্যৱহাৰ কৰি ৰাতি চাৰ্জ দিয়াটো অতি সুবিধাজনক বিকল্প বুলি ভাবে।
বেছিভাগ মানুহেই এই বিষয়ে সতৰ্ক নহয়। আপোনাৰ মোবাইলটোও এতিয়া স্মাৰ্ট হৈ পৰিছে। যেনেকৈ আপুনি সম্পূৰ্ণ খাদ্য খোৱাৰ পিছত বেছিকৈ খাব নোৱাৰে, একেদৰে আপোনাৰ স্মাৰ্টফোনটোৱে ১০০ শতাংশ চাৰ্জ হোৱাৰ পিছত চাৰ্জ হোৱা বন্ধ কৰি দিয়ে। পুৰণি মোবাইল ফোনত এইটো সমস্যা বেছি হৈছিল, কিন্তু এতিয়া কমিছে।
আজিকালি স্মাৰ্টফোনত এনেকুৱা এটা চাৰ্জিং চাৰ্কিট থাকে যে বেটাৰী ১০০% চাৰ্জ হোৱাৰ পিছত পাৱাৰ চাপ্লাই লোৱা বন্ধ হৈ যায়। বেছিভাগ স্মাৰ্টফোনতে এতিয়া স্নেপড্ৰেগন প্ৰচেছৰ আছে আৰু ই ইমানেই স্মাৰ্ট যে মোবাইলৰ বেটাৰী সম্পূৰ্ণ হ’লে ই চাৰ্জিং বন্ধ কৰি দিয়ে আৰু তাৰ পিছত বেটাৰী ৯০ শতাংশ পোৱাৰ লগে লগে পুনৰ চাৰ্জিং আৰম্ভ কৰে। কিন্তু যিসকলে পুৰণি ফোন ব্যৱহাৰ কৰি আছে, তেওঁলোকে সাৱধান হোৱা উচিত।
চাৰ্জ কৰাৰ সময়ত মোবাইলটো গৰম হ’লে বহুতে ভয় খায়। বিশেষজ্ঞসকলে কয় যে লিথিয়াম আয়ন বেটাৰী চাৰ্জ কৰাৰ সময়ত ৰাসায়নিক বিক্ৰিয়াৰ সন্মুখীন হয় আৰু বেটাৰীৰ ধনাত্মক (+) কক্ষত থকা আয়ন ঋণাত্মক (-) কক্ষৰ ফালে প্ৰবাহিত হয়। এই প্ৰক্ৰিয়াত বেটাৰী গৰম হয় আৰু বেয়া হোৱাৰ বা অঘটন সংঘটিত হোৱাৰ আশংকা বাঢ়ে। গতিকে মোবাইলটো নিশাটো চাৰ্জত নৰখাই ভাল।
