কেঁচা পিঁয়াজ খোৱাৰ উপকাৰিতা, জানক...

গোন্ধৰ বাবে বহুতে কেঁচা পিয়াঁজ নাখায়। পিছে পিয়াঁজৰ আছে বহু উপকাৰী গুণ। ই খাদ্যৰ সোৱাদ বৃদ্ধি কৰাৰ লগতে কেঁচা পিয়াঁজে মানুহক বিভিন্ন ৰোগৰ পৰা ৰক্ষা কৰিব পাৰে।

কেঁচা পিয়াঁজত ভিটামিন চি থাকে। ইয়ে শৰীৰৰ ৰোগ প্ৰতিৰোধ ক্ষমতা শক্তিশালী কৰে। লগতে ই বতৰ অনুযায়ী হোৱা বেমাৰৰ পৰা শৰীৰক ৰক্ষা কৰে।

কেঁচা পিয়াঁজ হৃদযন্ত্ৰৰ বাবে ভাল। ই ব্লাড প্ৰেচাৰ নিয়ন্ত্ৰণত ৰাখে। ইয়াৰ লগতে ই কেলেষ্টেৰলৰ মাত্ৰা নিয়ন্ত্ৰণ কৰি হৃদযন্ত্ৰ সুস্থ কৰি ৰখাত সহায় কৰে।

কেঁচা পিয়াঁজত ভিটামিন চি, বি৬, ফোলেট আৰু পোটেছিয়ামৰ দৰে পুষ্টিকৰ উপাদান থাকে। যিয়ে শৰীৰৰ স্বাস্থ্য ভালে লাগে। লগতে গৰমৰ দিনত ই শৰীৰক ঠাণ্ডা কৰি ৰাখে।

বহু গৱেষণাত পোহৰলৈ আহিছে যে পিয়াঁজত কৰ্কট ৰোধী গুণ আছে। কিছুমান প্ৰকাৰৰ কেন্সাৰত পিয়াঁজ উপকাৰী।  ইয়াৰোপৰি ই পাচনতন্ত্ৰ শক্তিশালী কৰি ৰাখে।