09 Aug 2025 10:03 AM
আজি সমগ্ৰ দেশতে উদযাপন কৰা হৈছে ৰাখীবন্ধন উৎসৱ। ভগ্নীসকলেও ভায়েক বা ককায়েকহঁতৰ বাবে সোণ-ৰূপৰ ৰাখীও কিনিছে আৰু ভাতৃসকলে উপহাৰ। এনে ক্ষেত্ৰত সোণ-ৰূপৰ দাম জনাটো গুৰুত্বপূৰ্ণ হৈ পৰে।
ইণ্ডিয়া বুলিয়ন এণ্ড জুৱেলাৰ্ছ এছ’চিয়েশ্যনৰ ৱেবছাইট অনুসৰি শনিবাৰে ৰাখীবন্ধনৰ দিনটোত ২৪ কেৰেট সোণৰ মূল্য প্ৰতি ১০ গ্ৰামত ১০০৯৪২ টকালৈ বৃদ্ধি পোৱাৰ বিপৰীতে ৰূপৰ মূল্য ১১৪৭৩২ টকালৈ হ্ৰাস পায়। জানি লওক সোণৰ শেহতীয়া মূল্য কি।
গুৱাহাটীত আজি ২৪ কেৰেট সোণৰ মূল্য প্ৰতি গ্ৰামত ১০,৩৩২ টকা, ২২ কেৰেট সোণৰ মূল্য প্ৰতি গ্ৰামত ৯,৪৭১ টকা আৰু ১৮ কেৰেট সোণৰ মূল্য প্ৰতি গ্ৰামত ৭,৭৫০ টকা।
গুৱাহাটীত ৰূপৰ মূল্য আজি প্ৰতি গ্ৰামত ১১৭.২০ টকা আৰু প্ৰতি কিলোগ্ৰামত ১,১৭,২০০ টকা।
শেহতীয়াকৈ সোণৰ মূল্য বৃদ্ধিৰ আঁৰৰ মূল কাৰণ হৈছে আন্তঃৰাষ্ট্ৰীয় আৰু ঘৰুৱা পৰ্যায়ত বৃদ্ধি পোৱা বাণিজ্যিক উত্তেজনা। আমেৰিকা প্ৰশাসনে ভাৰতীয় আমদানিৰ ওপৰত ২৫% ৰ পৰা ৫০% অতিৰিক্ত শুল্ক ঘোষণা কৰাৰ ফলত বিনিয়োগকাৰীৰ মাজত অনিশ্চয়তা বৃদ্ধি পায়। এনে ক্ষেত্ৰত মানুহে সোণৰ দৰে নিৰাপদ সম্পত্তিত বিনিয়োগ কৰাটো অধিক বুলি গণ্য কৰে। যাৰ বাবে ইয়াৰ চাহিদা বৃদ্ধি পায় আৰু মূল্যই অভিলেখ গঢ়ে।
