BCCI ৰ কেন্দ্ৰীয় চুক্তি তালিকাত উমা চেত্ৰী, দৰমহা শুনি আচৰিত হ'ব আপুনি... | Uma Chetri has been included in the BCCI's central contract list know her salary in details Assam news - Assam Tv9
অসমবাসীৰ বাবে এক ভাল খবৰ। বিচিচিআইৰ কেন্দ্ৰীয় চুক্তি তালিকাত স্থান লাভ অসমৰ খেলুৱৈ উমা চেত্ৰীৰ। BCCI ৰ পৰা দৰমহা লাভ কৰা প্ৰথম অসমীয়া উমা চেত্ৰী।
1 / 5
অসমবাসীৰ বাবে এক ভাল খবৰ। BCCI ৰ কেন্দ্ৰীয় চুক্তিৰ তালিকাত স্থান লাভ অসম সন্তান উমা চেত্ৰীৰ। ২০২৪-২৫ বৰ্ষৰ বাবে বিচিচিআইৰ সৈতে চুক্তিবদ্ধ হৈছে উমা চেত্ৰী। ২০২৪ চনৰ ১ অক্টোবৰৰ পৰা ২০২৫ চনৰ ৩০ ছেপ্টেম্বৰলৈ বিচিচিআইৰ সৈতে চুক্তিবদ্ধ উমা।
2 / 5
ভাৰতীয় মহিলা ক্ৰিকেট দলৰ গ্ৰুপ-চিত থাকিব উমা চেত্ৰী। BCCIয়ে জাৰি কৰা তথ্য অনুসৰি গ্ৰুপ এ-ত আছে ৩গৰাকী খেলুৱৈ, গ্ৰুপ বি-ত আছে ৪ গৰাকী আৰু গ্ৰুপ চি-ত আছে ৯ গৰাকী খেলুৱৈ। কেন্দ্ৰীয় চুক্তিৰ তালিকাত মুঠ ১৬ গৰাকী খেলুৱৈৰ নাম আছে।
3 / 5
উল্লেখ্য যে, BCCI ৰ পৰা দৰমহা লাভ কৰিব লগা প্ৰথম অসমীয়া খেলুৱৈ উমা চেত্ৰী। পুৰুষ ক্ৰিকেট দলত ৰিয়ান পৰাগ আছে যদিও BCCI ৰ পৰা তেওঁ দৰমহা লাভ নকৰে। ইয়াৰ বিপৰীতে উমাই BCCI ৰ পৰা এক মোটা অংকৰ ধন লাভ কৰিব।
4 / 5
তথ্য অনুসৰি, BCCI য়ে দৰমহা হিচাপে উমা চেত্ৰীক প্ৰতিবছৰে ১০ লাখ টকা দিব। ইয়াৰ বিপৰীতে প্ৰতিখন টেষ্ট খেলাৰ বাবদ ১৫ লাখ টকা, এদিনীয়ে খেলাৰ নামত ৬ লাখ টকা আৰু টি-২০ ৰ বাবে ৩ লাখ টকাকৈ লাভ কৰিব।
5 / 5
উমাৰ এই সফলতাত গৌৰৱান্বিত অসমবাসী। উল্লেখ্য যে, ২০২৪ৰ ৭জুলাইত আন্তৰ্জাতিক ক্ৰিকেটত অভিষেক ঘটিছিল উমাৰ। দক্ষিণ আফ্ৰিকাৰ বিৰুদ্ধে খেলিছিল উমা চেত্ৰীয়ে। ২০২৩ত ভাৰতীয় A দলত অভিষেক ঘটিছিল উমাৰ।
