আৰক্ষীৰ জালত বৃহৎ গৰু চুৰি চক্ৰ; উদ্ধাৰ ১৯টা গৰু, ফান্দত পৰিল বিজু-লোকমানসহ চাৰিজন | Palashbari Police Bust Major Cattle Theft Racket; 19 Stolen Cows Recovered Assam news - Assam Tv9

আৰক্ষীৰ জালত বৃহৎ গৰু চুৰি চক্ৰ; উদ্ধাৰ ১৯টা গৰু, ফান্দত পৰিল বিজু-লোকমানসহ চাৰিজন

Updated On: 

23 Nov 2025 19:54 PM

গোপন সূত্ৰৰ পম খেদি পলাশবাৰী আৰক্ষীয়ে উদ্ধাৰ কৰিছে ১৯টা চুৰি গৰু। লগতে আৰক্ষীয়ে এই চুৰি চক্ৰত জড়িত চাৰিজন লোককো গ্ৰেপ্তাৰ কৰিছে। স্বাভাৱিকতেই পলাশবাৰী আৰক্ষীৰ এই অভিযান এক বৃহৎ সাফল্য হিচাপে প্ৰমাণিত হৈছে।

1 / 5ৰাজ্যৰ ভিন্ন প্ৰান্তত সক্ৰিয় হৈ আছে গৰু চুৰি চক্ৰ। এই অসাধু চক্ৰৰ কু-কৰ্মই টোপনি হৰিছে সাধাৰণ গঞা লোকৰ। শেহতীয়া কিছুদিনত ৰাজ্যৰ বিভিন্ন স্থানত গৰু চুৰিৰ ঘটনা পোহৰলৈ আহিছে। দক্ষিণ কামৰূপৰ পলাশবাৰী আৰক্ষীৰ ফান্দত পৰিছে এনে এক কুখ্যাত চক্ৰ।

ৰাজ্যৰ ভিন্ন প্ৰান্তত সক্ৰিয় হৈ আছে গৰু চুৰি চক্ৰ। এই অসাধু চক্ৰৰ কু-কৰ্মই টোপনি হৰিছে সাধাৰণ গঞা লোকৰ। শেহতীয়া কিছুদিনত ৰাজ্যৰ বিভিন্ন স্থানত গৰু চুৰিৰ ঘটনা পোহৰলৈ আহিছে। দক্ষিণ কামৰূপৰ পলাশবাৰী আৰক্ষীৰ ফান্দত পৰিছে এনে এক কুখ্যাত চক্ৰ।

2 / 5

আজি এক গোপন সূত্ৰৰ পম খেদি পলাশবাৰী আৰক্ষীয়ে উদ্ধাৰ কৰিছে ১৯টা চুৰি গৰু। লগতে আৰক্ষীয়ে এই চুৰি চক্ৰত জড়িত চাৰিজন লোককো গ্ৰেপ্তাৰ কৰিছে। স্বাভাৱিকতেই পলাশবাৰী আৰক্ষীৰ এই অভিযান এক বৃহৎ সাফল্য হিচাপে প্ৰমাণিত হৈছে।

3 / 5

জানিব পৰা মতে, পলাশবাৰী আৰক্ষী থানাৰ ভাৰপ্ৰাপ্ত বিষয়া ডিম্পল গয়াৰীৰ নেতৃত্বত এই অভিযান চলোৱা হৈছিল। গোপন সূত্ৰৰ পোৱা খবৰৰ আধাৰত আৰক্ষীৰ দলটোৱে নলবাৰী জিলাৰ মুকালমুৱাৰ ঘোগা গাঁৱৰ পৰা উদ্ধাৰ কৰে ১৫টা গৰু।

4 / 5

এই গৰুসমূহ দক্ষিণ কামৰূপৰ পৰা চুৰি হোৱা বুলি জানিব পৰা গৈছে। আৰক্ষীয়ে লগতে গৰুকেইটা সৰবৰাহ কৰা বিজু আহমেদ আৰু লোকমান আলী নামৰ দুগৰাকী চোৰাং ব্যৱসায়ীক গ্ৰেপ্তাৰ কৰিবলৈ সক্ষম হয়।

5 / 5

ইফালে পলাশবাৰী আৰক্ষীয়ে দক্ষিণ কামৰূপৰ গাড়ীলিকৰ পৰাও চাৰিটা চুৰি গৰু উদ্ধাৰ কৰে। এই অভিযানতো আৰক্ষীয়ে খয়বৰ আলী আৰু ৰাবিচন নংৰুম নামৰ দুটা গৰু ব্যৱসায়ীক আটক কৰে। আৰক্ষীয়ে লগতে গৰু ব্যৱসায়ৰ সৈতে জড়িত আন অভিযুক্তৰ সন্ধানত অভিযান অব্যাহত ৰাখিছে।

পুৱাৰ সময়ত কিয় অধিক লোক হাৰ্ট এটেকৰ সন্মুখীন হয়? জানিলে হ’ব পাৰিব সাৱধান
ঘৰৰ ভিতৰত পখিলা সোমোৱাটো কিহৰ সংকেত? জানক...
প্ৰতিদিনে এটাকৈ ইলাচি খালে কি লাভ হয় জানেনে? জানক...
শীতকালত সংক্ৰমণৰ আশংকা বৃদ্ধি পায়, এই সময়ত গৰ্ভৱতী মহিলাৰ যত্ন কেনেকৈ ল'ব ?