03 Sep 2025 16:24 PM
পুৱাই মা কামাখ্যাত উপস্থিত হয় মনু ভাকেৰ। দুটাকৈ অলিম্পিক পদকজয়ী শ্বুটাৰ গৰাকীয়ে মা কামাখ্যাৰ আশিস গ্ৰহণ কৰে।
মঙলবাৰে গুৱাহাটীত উপস্থিত হৈছিল অলিম্পিক পদকজয়ী খেলুৱৈগৰাকী। আজি ভোগেশ্বৰ বৰুৱা ৰাষ্ট্ৰীয় ক্ৰীড়া বঁটা অনুষ্ঠানত অংশগ্ৰহণ কৰিব মনু ভাকেৰে।
কিয়নো আজি আজি অভিৰুচি ক্ৰীড়া দিৱস। অসমৰ প্ৰথম অৰ্জুন বঁটা বিজয়ী খেলুৱৈ ভোগেশ্বৰ বৰুৱাৰ জন্মদিন উপলক্ষে কলাক্ষেত্ৰত বিশেষ অনুষ্ঠানৰ আয়োজন কৰা হৈছে।
প্ৰত্যেক বছৰে ৩ ছেপ্টেম্বৰ তাৰিখে অভিৰুচি ক্ৰীড়া দিৱস পালন কৰি অহা হৈছে। আজি কলাক্ষেত্ৰত ভোগেশ্বৰ বৰুৱা ৰাষ্ট্ৰীয় ক্ৰীড়া বঁটা অনুষ্ঠানত অংশগ্ৰহণ কৰিব শ্বুটাৰ মনু ভাকৰে। তাৰ পূৰ্বে মা কামাখ্যাৰ আশিস লয়।
ভোগেশ্বৰ বৰুৱাৰ জন্মদিন উপলক্ষে অসম অলিম্পিক সংস্থাই শংকৰদেৱ কলাক্ষেত্ৰত আয়োজন কৰা অনুষ্ঠানত মনুক জনাব সম্বৰ্ধনা। দেশলৈ গৌৰৱ কঢ়িয়াই অনা আন্ত:ৰাষ্ট্ৰীয় শ্বুটাৰ গৰাকীক অসম অলিম্পিক সংস্থাই দিব বিচাৰিছে সন্মান।
