01 Nov 2025 | 07:50 PM
প্ৰকৃতি আৰু বিশ্বাস একেলগে সন্মুখত! টিটকাৰ এডাল সাপে সকলোৰে দৃষ্টি আকৰ্ষণ কৰিছে। কিছুদিনৰ পৰা এডাল বিশেষ গছ আৰু সাপ সামাজিক মাধ্যমত ভাইৰেল হৈ আছে।
বিশ্বাস কৰিলে সকলো সম্ভৱ! বিশ্বাসৰ ফলতে এটি শিলকো আমি ভগৱান ৰূপে পূজা কৰো। এই সমস্ত পৃথিৱী বিশ্বাসৰ ওপৰতে চলি আছে। আজি তেনেই এটা কাহিনী জানো আহক...
বজালীৰ টিটকাত স্থানীয় যুৱকসকলে এক উৎকৃষ্ট নিদৰ্শন দাঙি ধৰিছে। শিৱ মন্দিৰৰ ওচৰৰ এজোপা গছৰ চাৰিওফালে শুকান খেৰেৰে সাঁজি উলিওৱা হৈছে এডাল বৃহৎ সাপ।
শিৱৰাত্ৰিৰ সময়ত গছত সাপ এডাল প্ৰস্তুত কৰিছে। কিন্তু ধুমুহা-বতাহৰ পিছতো মাটিৰ সাপডালৰ কোনো ক্ষতি হোৱা নাই।
সেয়ে সকলোৱে ভগৱানৰ কোনো মহিমা বুলি বিশ্বাস কৰিছে। গছজোপা সুৰক্ষিত কৰি ৰাখিবলৈ কোনো ডাল নকটাকৈ এই সাপডাল তৈয়াৰ কৰিছিল । এই সাপডাল সাজি উলিওৱাৰ পিছৰে পৰা গছজোপা কাটিবলৈ কোনো লোকে বৰ্তমানলৈ সাহস কৰা নাই।
