Assamese News Photo Gallery > More than five thousand facebook accounts from islamic country supporting one congress leader of assam: CM Sarma Claims

কোন এইজন অসমৰ কংগ্ৰেছ নেতা, যাক সহায় কৰিছে ইছলামিক দেশৰ প্ৰায় ৫০০০ ফেচবুক একাউণ্টে!

Raj Saikia

Updated On:

20 Jun 2025 13:26 PM

শেহতীয়াকৈ ৫ হাজাৰৰো অধিক ছ’চিয়েল মিডিয়া একাউণ্ট অসম কংগ্ৰেছৰ সপক্ষে সক্ৰিয় হৈ পৰিছে। এই একাউণ্টসমূহৰ বেছিভাগেই ইছলামিক দেশৰ পৰা চলি আছে। সংবাদমেলত দাবী মুখ্যমন্ত্ৰীৰ।

অসমৰ মুখ্যমন্ত্ৰী হিমন্ত বিশ্ব শৰ্মাই শুকুৰবাৰে অভিযোগ কৰে যে শেহতীয়াকৈ ৫ হাজাৰৰো অধিক ছ’চিয়েল মিডিয়া একাউণ্ট অসম কংগ্ৰেছৰ সপক্ষে সক্ৰিয় হৈ পৰিছে। এই একাউণ্টসমূহৰ বেছিভাগেই ইছলামিক দেশৰ পৰা চলি আছে।

2 / 7

সংবাদমেল সম্বোধন কৰি শৰ্মাই দাবী কৰে যে এই একাউণ্টসমূহ ৪৭খন দেশৰ আৰু সৰ্বাধিক বাংলাদেশ আৰু পাকিস্তানৰ। যোৱা এমাহ ধৰি এইবোৰ একাউণ্টে একান্তভাৱে অসম কংগ্ৰেছৰ এজন বিশেষ নেতাৰ কাৰ্যকলাপ আৰু দলটোৰ ৰাজ্যিক ইউনিটৰ পেজসমূহৰ ওপৰত গুৰুত্ব আৰোপ কৰি আহিছে।

3 / 7

ৰাহুল গান্ধী বা আনকি ভাৰতীয় জাতীয় কংগ্ৰেছৰ পোষ্টত তেওঁলোকে মন্তব্য বা লাইক নকৰাটো আশ্চৰ্যজনক। তেওঁলোকে কেৱল এজন বিশেষ নেতা আৰু অসম কংগ্ৰেছৰ ওপৰত গুৰুত্ব আৰোপ কৰে।

4 / 7

অসমৰ উপৰিও তেওঁলোকে পেলেষ্টাইন সমৰ্থক, ইৰাণ আৰু বাংলাদেশৰ মুখ্য উপদেষ্টা মঃ ইউনুছকে ধৰি ইছলামিক মৌলবাদী বিষয়বস্তু পোষ্ট কৰে।

5 / 7

যদিও মুখ্যমন্ত্ৰীয়ে নেতাগৰাকীৰ নাম উল্লেখ কৰা নাই, তথাপি তেওঁ যোৱা মে’ মাহত অসম প্ৰদেশ কংগ্ৰেছ কমিটীৰ সভাপতি হিচাপে নিযুক্তি পোৱা গৌৰৱ গগৈৰ কথা উল্লেখ কৰা যেন অনুমান হৈছে।

6 / 7

শৰ্মাই মন্তব্য কৰে যে দলৰ নেতৃত্বৰ পৰিৱৰ্তনক লৈ তেওঁলোক চিন্তিত নহয়, কিন্তু যোৱা এমাহত এই ঘটনা ঘটিছে। ''প্ৰথমবাৰৰ বাবে ২০২৬ চনৰ বিধানসভা নিৰ্বাচনৰ প্ৰাকমুহূৰ্তত অসমৰ ৰাজনীতিত ইমান বিদেশী জড়িত হৈছে'', তেওঁ কয়।

7 / 7

কেন্দ্ৰীয় চৰকাৰক এই বিষয়ে অৱগত কৰা হৈছে বুলি মন্তব্য কৰি মুখ্যমন্ত্ৰী হিমন্ত বিশ্ব শৰ্মাই ইয়াক ৰাষ্ট্ৰীয় নিৰাপত্তাৰ বিষয় বুলি অভিহিত কৰে।

অসম হিমন্ত বিশ্ব শৰ্মা