Assamese News Photo Gallery > International Pop Star Post Malone in Guwahati

লিখা আছিল “ৰৈ ৰৈ বিনালে”, জুবিনৰ পোষ্টাৰ লগোৱা বাহনত উঠি খানাপাৰালৈ আমেৰিকান পপষ্টাৰ পোষ্ট মেলন…

Updated On:

08 Dec 2025 20:34 PM

খানাপাৰাত আমেৰিকান পপষ্টাৰ পোষ্ট মেলন লাইভ কনচাৰ্ট। গুৱাহাটীৰ উপস্থিত হোৱাৰ পাছতে জুবিনৰ পোষ্টাৰ লগোৱা বাহনত উঠি খানাপাৰালৈ যায় পোষ্ট মেলন।

গুৱাহাটীত পোষ্ট মেলনৰ লাইভ কনচাৰ্ট। ৮ ডিচেম্বৰ সোমবাৰে বহু প্ৰত্যাশিত লাইভ কনচাৰ্টৰ বাবে গুৱাহাটীত উপস্থিত হয় আমেৰিকান পপষ্টাৰ পোষ্ট মেলন। একে সময়তে পোষ্ট মেলন অনুষ্ঠান উপভোগ কৰাৰ বাবে মহানগৰীৰ ৰাজপথত অনুৰাগীৰ ভিৰ দেখা যায়।

2 / 5

পোষ্ট মেলনক বিমানবন্দৰৰ পৰা আদৰি অনা বাহনখনত দেখা গৈছিল অসমীয়া প্ৰাণৰ শিল্পী জুবিন গাৰ্গৰ পোষ্টাৰ। য'ত লিখা আছিল "ৰৈ ৰৈ বিনালে"। কটকটীয়া নিৰাপত্তা বেষ্টনীৰ মাজেৰে পোষ্ট মেলনক লৈ যোৱা হয়। গুৱাহাটীৰ পৰা পোনে পোনে পোষ্ট মেলন ৰাওনা হয় খানাপাৰাৰ অনুষ্ঠানলৈ ।

3 / 5

জানিব পৰা মতে, আবুধাবিৰ পৰা বিশেষ বিমানেৰে গুৱাহাটীত উপস্থিত হয় আন্তঃৰাষ্ট্ৰীয় সংগীত শিল্পীগৰাকী। ৮ ডিচেম্বৰৰ সন্ধিয়া ৫ বজাত খানাপাৰাৰ পশু চিকিৎসা খেলপথাৰত পোষ্ট মেলনৰ কনচাৰ্ট অনুষ্ঠিত হয়।

4 / 5

ইণ্ডিয়া টুডে নৰ্থ ইষ্টৰ এক প্ৰতিবেদন অনুসৰি, তেওঁৰ কনচাৰ্টৰ বাবে প্ৰায় ২১ হাজাৰ টিকট বিক্ৰী হোৱা বুলি জানিব পৰা গৈছে। ইয়াৰে প্ৰায় ৭৪০০ টিকট কেৱল গুৱাহাটীৰ পৰা অনুৰাগীয়ে ক্ৰয় কৰাৰ বিপৰীতে ৫,০০০ টিকট উত্তৰ-পূবৰ বিভিন্ন ৰাজ্যৰ সংগীতপ্ৰেমীসকলে আৰু বাকী ৫,০০০ টিকট সমগ্ৰ ভাৰতৰ দৰ্শকে বুকিং কৰা বুলি জানিব পৰা গৈছে।

5 / 5

ইফালে, পোষ্ট মেলনৰ অনুষ্ঠান উপভোগ কৰাৰ বাবে বিদেশৰ অনুৰাগীয়ে গুৱাহাটীত ভিৰ কৰিছে। প্ৰায় ৩০০০ টিকট বিদেশী অনুৰাগীয়ে ক্ৰয় কৰা বুলি জানিব পৰা গৈছে।