Assamese News Photo Gallery > Indian Railways connects to neighboring countries via specific border stations India to another countries

বিদেশলৈ ৰে’লেৰে যাব বিচাৰে নেকি? ভাৰতৰ এইকেইটা ৰে’লে ষ্টেচনৰ পৰা পোনপটীয়াকৈ পাব বিদেশলৈ যোৱা ৰে’ল!

Barasha Misra

Published:

18 Dec 2025 | 07:50 PM

চুবুৰীয়া দেশলৈ পোনপটীয়াকৈ যাত্ৰীবাহী ৰে’লৰ ব্যৱস্থা থকা বিশ্বৰ কেইখনমান দেশৰ ভিতৰত ভাৰত অন্যতম। সীমা পাৰ হৈ চলাচল, বাণিজ্য, সাংস্কৃতিক সম্পৰ্ক, আৰু ঐতিহাসিক সংযোগ শক্তিশালী কৰিবলৈ এয়া এক মাধ্যম। ভাৰতে নেপাল, পাকিস্তান, বাংলাদেশৰ দৰে দেশৰ সৈতে ৰে'ল সংযোগ বজাই ৰাখে।

ভাৰতৰ জয়নগৰ ৰে'লৱে ষ্টেচনৰ পৰা নেপাল অভিমুখী ৰে'ল যাত্ৰা। ভাৰতৰ মধুবনী জিলাৰ অন্তিম ৰে'ল ষ্টেচন বুলি গণ্য কৰা হয়। ইয়াৰ পৰা নেপালৰ জনকপুৰলৈ পোনপটীয়া ৰে’লৰ ব্যৱস্থা আছে। ভাৰতীয় ষ্টেচনৰ সীমাৰ অতিক্ৰম কৰি নেপাল ষ্টেচনলৈ যায়, আৰু তাত উপনীত হ’বলৈ ওভাৰব্ৰিজ আছে। এই ষ্টেচনত চেক ইন কৰাৰ পিছত যাত্ৰীসকলে পোনপটীয়াকৈ নেপাললৈ যোৱা ৰে’লত উঠিব পাৰে।

2 / 6

বিহাৰ-নেপাল সীমান্তৰ সমীপত অৱস্থিত ৰাক্সাউল জংচনক নেপাললৈ যোৱা যাত্ৰীসকলৰ বাবে এক প্ৰধান ট্ৰেনজিট পইণ্ট হিচাপে গণ্য কৰা হয়। ইয়াক নেপালৰ মূল দুৱাৰ হিচাপেও জনা যায়। ভাৰতৰ বিভিন্ন প্ৰান্তক নেপাললৈ সংযোগ কৰা ৰে’লসমূহ ইয়াৰ পৰাই যাত্ৰা কৰে।

3 / 6

পশ্চিম বংগৰ পেট্ৰাপোল ৰে'লৱে ষ্টেচন ভাৰত-বাংলাদেশ সীমান্তৰ এটা প্ৰধান পৰিবহণ কেন্দ্ৰ (major transportation hub)। ব্ৰিটিছ যুগত নিৰ্মিত এই ষ্টেচনটো বাংলাদেশৰ খুলনাৰ সৈতে বহল গেজ লাইনেৰে সংযোগ কৰা হৈছে। ইয়াৰ পৰাই বন্ধন এক্সপ্ৰেছ চলি থাকে। অৱশ্যে যাত্ৰাৰ বাবে পাছপ’ৰ্ট আৰু ভিছাৰ প্ৰয়োজন।

4 / 6

পশ্চিম বংগৰ উত্তৰ দিনাজপুৰত অৱস্থিত ৰাধিকাপুৰ ৰে'লৱে ষ্টেচন ভাৰত-বাংলাদেশ ৰে'ল পৰিবহণৰ কেন্দ্ৰবিন্দু। দুয়োখন দেশৰ মাজত মালবাহী আৰু যাত্ৰীবাহী ৰে’ল চলাচল কৰে। ইয়াৰ উপৰিও ই সীমান্ত চেকপইণ্ট হিচাপেও কাম কৰে।

5 / 6

বাংলাদেশ সীমান্তৰ পৰা মাত্ৰ ৪ কিলোমিটাৰ দূৰত্বত হালধিবাৰী ৰে'লৱে ষ্টেচন। দুয়োখন দেশৰ মাজত চিলাহাটী ষ্টেচনৰ যোগেদি সংযোগ হৈছে। এই পথেৰে ভাৰতৰ পৰা ঢাকালৈ ৰে'ল আহে, আৰু মানুহে ইয়াক বাণিজ্য আৰু ভ্ৰমণৰ বাবে ব্যৱহাৰ কৰে।

6 / 6

ভাৰত-পাকিস্তান ৰে'ল নেটৱৰ্কৰ আটাইতকৈ ডাঙৰ আৰু গুৰুত্বপূৰ্ণ ষ্টেচন আত্তাৰী। ইয়াৰ পূৰ্বে ভাৰতৰ আত্তাৰীৰ পৰা পাকিস্তানৰ লাহোৰলৈকে এই পথত চলিছিল সমঝৌতা এক্সপ্ৰেছ। এই ষ্টেচন ভাৰত-পাকিস্তান সীমান্তৰ অতি ওচৰত আৰু পাকিস্তানৰ মূল দুৱাৰ হিচাপে গণ্য কৰা হয়।