28 May 2025 | 06:41 AM
ৰাজ্যত পুনৰ ভূমিকম্পৰ জোকাৰণি। বুধবাৰে মাজনিশা প্ৰায় ১ বাজি ৫৪ মিনিটত কম্পন অনুভূত হয়। ৰিখটাৰ স্কেলত এই ভূমিকম্পৰ প্ৰাৱল্য আছিল ৫.২ ।
ভূমিকম্পৰ অভিকেন্দ্ৰ মণিপুৰ বুলি জানিব পৰা গৈছে। ভাৰতৰ লগতে চুবুৰীয়া বাংলাদেশ আৰু ম্যানমাৰতো অনুভূত হয় জোকাৰণি।
জানিব পৰা মতে, গুৱাহাটীৰ লগতে অসমৰ বিভিন্ন ঠাইত ইয়াৰ কম্পন অনুভূত হয়। অৱশ্যে এতিয়ালৈকে ইয়াৰ ক্ষয়-ক্ষতিৰ কোনো তথ্য পোহৰলৈ অহা নাই।
উল্লেখ্য যে, ভাৰতৰ অন্যতম ভূমিকম্প প্ৰৱণ অঞ্চল অসম। ইয়াত প্ৰায়ে ভূমিকম্পৰ জোকাৰণি অনুভূত হয়। ই ছিছমিক জ’ন V ৰ অধীনত পৰে, অৰ্থাৎ ইয়াত প্ৰচণ্ড কঁপনিৰ আশংকা বেছি।
যাৰ বাবে প্ৰায়ে ৰাজ্যত ভূমিকম্পৰ জোকাৰণি অনুভূত হয়। চলিত বছৰটোতে কেইবাটাও ভূমিকম্পই জোকাৰি গৈছে অসমক।
