21 Nov 2025 | 10:46 AM
ৰাজ্যত পুনৰ ভূমিকম্পৰ জোকাৰণি। ৰাজ্যৰ প্ৰায় প্ৰতিখন জিলাতে অনুভূত জোকাৰণি।
পুৱা ১০ বাজি ১০ মিনিটত অনুভূত জোকাৰণি। ৰিখটাৰ স্কেলত এই ভূমিকম্পৰ প্ৰাবল্য আছিল ৫.২।
প্ৰাথমিক তথ্য অনুসৰি, ভূমিকম্পৰ অভিকেন্দ্ৰ বাংলাদেশ বুলি জানিব পৰা গৈছে।
ৰাজ্যত হঠাৎ ভূমিকম্পৰ জোকাৰণিয়ে সকলোকে আচৰিত কৰি তুলিছে। হঠাৎ অহা এই ভূমিকম্পৰ ফলত কোনো ক্ষয়-ক্ষতিৰ তথ্য পোৱা নাই।
বাংলাদেশৰ ৰাজধানী ঢাকাত এই তীব্ৰ ভূমিকম্পৰ সৃষ্টি হৈছে। শুকুৰবাৰে পুৱা ঢাকা আৰু ইয়াৰ আশে-পাশে থকা অঞ্চলত হঠাৎ প্ৰচণ্ড ভূমিকম্পৰ সৃষ্টি হয়। বাংলাদেশৰ ভূমিকম্পই ভাৰতৰ পশ্চিম বংগৰ অঞ্চলকো কঁপাই তুলিছে। এই ভূমিকম্পৰ পিছত ৰাইজৰ মাজত আতংকৰ সৃষ্টি হৈছে। ঘৰৰ পৰা মানুহ ওলাই আহিল। ইয়াৰ কেইঘণ্টামান আগতে ভাৰতৰ চুবুৰীয়া ৰাষ্ট্ৰ পাকিস্তানতো ভূমিকম্পৰ সৃষ্টি হৈছিল।
