Assamese News Photo Gallery > Deepika padukone birthday actress top 6 highest grossing movies pathan kalki 898 ad see list here

Deepika Padukone Birthday: আজি বলীউডৰ কুইন দীপিকা পাডুকনৰ জন্মদিন, সৰ্বাধিক উপাৰ্জন কৰা ৬ খন ছবিৰ বিষয়ে জানক…

Trishna Kalita

Published:

05 Jan 2026 | 10:47 AM

Deepika Padukone Birthday Special: বলীউডৰ শীৰ্ষ অভিনেত্ৰী দীপিকা পাডুকনে বহু অসাধাৰণ ছবি আগবঢ়াইছে। আজি তেওঁৰ ৪০ বছৰীয়া জন্মদিন উপলক্ষে তেওঁৰ ছখন সৰ্বাধিক উপাৰ্জনকাৰী ছবিৰ বিষয়ে জানো আহক।

১৯৮৬ চনৰ ৫ জানুৱাৰীত ডেনমাৰ্কত জন্মগ্ৰহণ কৰা দীপিকা পাডুকন এসময়ত ৰাষ্ট্ৰীয় পৰ্যায়ৰ বেডমিণ্টন খেলুৱৈ আছিল। পিছলৈ তেওঁ মডেলিং কেৰিয়াৰ আৰম্ভ কৰে আৰু কানাড়া চিনেমাত অভিনয়ত আত্মপ্ৰকাশ কৰে। ইয়াৰ পিছত বলীউডত প্ৰৱেশ কৰি প্ৰথমখন হিন্দী ছবি "ওম শান্তি ওম"ৰ জৰিয়তে চেন্সেশন হৈ পৰে। গোটেই কেৰিয়াৰত ককটেল, চেন্নাই এক্সপ্ৰেছ, ফাইটাৰ, পাঠান, পদ্মাৱত, বাজিৰাও মস্তানীকে ধৰি বহুতো অসাধাৰণ ছবি আগবঢ়াইছে। আজি তেওঁৰ জন্মদিন উপলক্ষে আমি সৰ্বাধিক উপাৰ্জন কৰা ছখন ছবিৰ বিষয়ে জানো আহক।

2 / 7

দীপিকা পাডুকনৰ সৰ্বাধিক উপাৰ্জন কৰা ছবি "পাথান"। তিনি বছৰ পূৰ্বে মুক্তি পোৱা "পাথান"-এ ভাৰতত ৫৫০ কোটি আৰু বিশ্বজুৰি ১,০৫৫ কোটি টকা ওপৰত উপাৰ্জন কৰিছিল।

3 / 7

দীপিকাৰ দ্বিতীয় সৰ্বাধিক উপাৰ্জন কৰা ছবি "Kalki 2898 AD"। ২০২৪ চনত মুক্তি পোৱা এই ছবিখনত প্ৰভাসৰ বিপৰীতে মুখ্য চৰিত্ৰত অভিনয় কৰিছিল। ইয়াৰ উপাৰ্জন ১০৪২ কোটি টকা ৰেকৰ্ড কৰা হৈছে।

4 / 7

তালিকাৰ তৃতীয় স্থানত আছে "পদ্মাৱত" য'ত ৰণবীৰ সিং আৰু শ্বাহিদ কাপুৰেও অভিনয় কৰিছিল। ২০১৮ চনত এই ছবিখনে ভাৰতত ৩০২ কোটি আৰু বিশ্বজুৰি ৫৮৫ কোটি টকা উপাৰ্জন কৰিছিল।

5 / 7

"চেন্নাই এক্সপ্ৰেছ" দীপিকাৰ চতুৰ্থ সৰ্বাধিক উপাৰ্জন কৰা ছবি। ২০১৪ চনত মুক্তি পোৱা এই ছবিখনে ঘৰুৱা বক্স অফিচত ২২৭.১৩ কোটি টকা আৰু বিশ্বজুৰি ৪২২ কোটি টকা উপাৰ্জন কৰিছিল।

6 / 7

৫ নম্বৰত আছে "হেপি নিউ ইয়েৰ।" ২০১৪ চনৰ অক্টোবৰ মাহত মুক্তি পোৱা ছবিখনত শ্বাহৰুখ খান, অভিষেক বচ্চন, আৰু চনু ছুদ আদিয়ে অভিনয় কৰিছিল। ছবিখনে বিশ্বজুৰি ৩৯৭ কোটি টকা উপাৰ্জন কৰে।

7 / 7

তালিকাৰ শেষত আছে "ফাইটাৰ", য'ত দীপিকাই ছুপাৰষ্টাৰ হৃতিক ৰোশনৰ সৈতে অভিনয় কৰিছিল। ভাৰতত ইয়াৰ উপাৰ্জন ২১২.৭৯ কোটি টকা আৰু বিশ্বজুৰি ইয়াৰ উপাৰ্জন ৩৫৮.৮৯ কোটি টকা।