14 Jan 2025 | 04:55 PM
সমগ্ৰ ৰাজ্য আজি ভোগালী বিহুৰ আনন্দ-উলাহত মচগুল হৈ আছে। অসমৰ ছবি আৰু সংগীত জগতৰ অভিনেতা-অভিনেত্ৰীসকলেও পুৱাই মেজি জ্বলাই অগ্নি দেৱক সেৱা কৰে।
সামাজিক মাধ্যমত ইজনৰ পিছত সিজন তাৰকাই জনাইছে ভোগালীৰ শুভকামনা। পিছ পৰি ৰোৱা নাই অসমৰ যুৱপ্ৰজন্মৰ কণ্ঠশিল্পী তথা অভিনেত্ৰী দীপলিনা ডেকা।
হাঁহিমুখীয়া দীপলিনা যুৱ প্ৰজন্মৰ মাজত অতি জনপ্ৰিয়। ছ'চিয়েল মিডিয়াতো দীপলিনাৰ আছে বহু অনুৰাগী। প্ৰায়ে কণ্ঠশিল্পীগৰাকীৰ ফটো বা ভিডিঅ' দিলে ভাইৰেল হৈ পৰে ছ'চিয়েল মিডিয়াত।
সামাজিক মাধ্যমত ভোগালীৰ ফটো শ্বেয়াৰ কৰি দীপলিনাই লিখিছে- "ভোগালী বিহুৰ শুভেচ্ছা যাঁচিলো। ভোগালীৰ দৰেই অনাগত সময়বোৰ উলাহ-উচাহৰ সতে প্ৰাচুৰ্য্যময় হৈ পৰক।"
বৰ্তমান কণ্ঠশিল্পীগৰাকী ব্যস্ত তেওঁৰ নতুন গীত চালাং ডেকাৰ প্ৰচাৰৰ। শীঘ্ৰে দীপলিনাই দৰ্শকক উপহাৰ দিব আৰু বহু নতুন গান।
