Assamese News Photo Gallery > Assamese japi shines in Kedarnath, Know about japi

Kedarnath: অসমৰ জাপি জিলিকিছে কেদাৰনাথত, জাপিৰ কথা পাতোঁ আহক

Published:

02 May 2025 15:12 PM

আজি খোল খালে কেদাৰনাথ মন্দিৰৰ মূল দ্বাৰ। জাপি আৰু মালাৰে আটক ধুনীয়াকৈ সজাই-পৰাই তোলা হৈছে মন্দিৰ। কঠোৰ নিৰাপত্তাৰ লগতে চিচি টিভি কেমেৰা স্থাপন কৰা হৈছে। এইবাৰ মন্দিৰ চৌহদত ভিডিঅ’ গ্ৰাফী আৰু ৰীলছ বনোৱাত বাধা আৰোপ কৰিছে মন্দিৰ কৰ্তৃপক্ষই।

আজি ৰুদ্ৰপ্ৰয়াগৰ কেদাৰনাথ ধামৰ দুৱাৰ ভক্তসকলৰ বাবে মুকলি কৰা হৈছে। পূৰ্বৰ দৰে এইবাৰো কেদাৰনাথ ধামৰ সন্মুখৰ অংশ অসমীয়াৰ স্বাভিমান জাপি আৰু মালাৰে সজাইছে। (Image Credit source: PTI)

2 / 5

অসমীয়া সংস্কৃতিৰ প্ৰতীক জাপিৰে এইবাৰো আটক ধুনীয়াকৈ সজাইছে কেদাৰনাথ ধামৰ প্ৰৱেশদ্বাৰ। মুখ্যমন্ত্ৰী পুষ্কৰ সিং ধামীয়ে মুকলি কৰে কেদাৰনাথ মন্দিৰ। সন্মুখভাগত অসমৰ ১২টা জাপি সুন্দৰকৈ সজোৱা হৈছে। আজি বিভিন্ন প্ৰান্তৰ পৰা অহা ভক্তই মন্দিৰ চৌহদক জীপাল কৰি তুলিছে। (Image Credit source: PTI)

3 / 5

জাপি অসমৰ জাতীয় জীৱনৰ ঐতিহ্যৰ পৰিচয়। পানীজাপি, গৰখীয়া জাপি, বৰদৈয়া জাপি, সৰুদৈয়া জাপি আদি বিভিন্ন ৰূপত ব্যৱহাৰিক চাহিদা পূৰণ কৰা জাপি আমাৰ স্বকীয় সংস্কৃতিৰ অমূল্য সম্পদ। (Image Credit source: PTI)

4 / 5

প্ৰথমে জাপি দেখিবলৈ টুপিৰ দৰে আছিল। কালক্ৰমত তাৰ আকাৰ, ৰং, সজাৰ অৰ্থাৎ তৈয়াৰী কৰা সঁজুলি ভিন্ন ধৰণৰ হ'ল। বাঁহ, বেত, গছৰ পাত জাপি সজাৰ ঘাই উপকৰণ। জাপিৰ ইতিহাস বহু পুৰণি। (Image Credit source: PTI)

5 / 5

উল্লেখ্য যে, ২০২৪ চনত অসমৰ জাপি শিল্পক GI টেগ প্ৰদান কৰা হৈছে। জাপিৰ ব্যৱহাৰ খেতিয়ক সকলে পৰিধান কৰাৰ পৰা বিহুত লৈ। অতিথিক আদৰণি জনোৱাৰ চিহ্ন স্বৰূপে তথা সজোৱা বস্তু হিচাপেও ইয়াক চʼৰা ঘৰত ৰখা হয়। (Image Credit source: PTI)

অসম