22 May 2024 | 09:56 AM
অসমৰ নৱাগত অভিনেত্ৰী ৰিতীষা খাউণ্ডক দেখা গ’ল কাঁন চলচ্চিত্ৰ মহোৎসৱত। ‘কুকি’ নামৰ ছবিৰ প্ৰিমিয়াৰৰ বাবে উপস্থিত থাকে অভিনেত্ৰীগৰাকী।
চলচ্চিত্ৰ মহোৎসৱত উপস্থিত থাকে ছবিখনৰ প্ৰযোজক জোনমণি দেৱী খাউণ্ডো।
পেলেই ৮ প্ৰেক্ষাগৃহত প্ৰদৰ্শিত হ’ল অসমীয়া পৰিচালকৰ এই হিন্দী ছবিখন। প্ৰেক্ষাগৃহত উপস্থিত হৈ কিছুমান চলচ্চিত্ৰ নিৰ্মাতা, বিতৰক, অভিনেতাই ছবিখন চাইছিল আৰু ভূয়সী প্ৰশংসা কৰিছিল।
ফ্ৰান্স আৰু মোনাকোৰ লগতে কেইবাখনো দেশে ছবিখন তেওঁলোকৰ দেশত মুক্তিৰ প্ৰস্তাৱ আগবঢ়াইছে। অভিনেত্ৰী ৰিতীষাই আন পৰিচালকৰ চলচ্চিত্ৰত কাম কৰিবলৈ পোনপটীয়া আমন্ত্ৰণ পাইছিল। ২৮ জুনত ভাৰতৰ ছবিগৃহত মুক্তিলাভ কৰিব ছবিখনে। সামাজিক মাধ্যমত এই কথা শ্বেয়াৰ কৰে প্ৰযোজক জোনমণি দেৱী খাউণ্ডে।
