Assamese News Photo Gallery > Assam weather update for next 2-3 days will be raining in guwahati assam

২-৩ দিনলৈ বৰষুণ কমাৰ সম্ভাৱনা নাই! ১৩ খন জিলাত য়ালো এলাৰ্ট জাৰি বতৰ বিজ্ঞান বিভাগৰ…

Published:

20 May 2025 12:26 PM

Assam Weather: ধাৰাসাৰ বৰষুণৰ ফলত আজি মহানগৰীৰ কেইবাটাও স্থানত কৃত্ৰিম বানৰ সমস্যাই দেখা দিয়ে। ইয়াৰ মাজতে বতৰ বিজ্ঞান বিভাগে ১৩ খন জিলাত য়ালো এলাৰ্ট জাৰি কৰিছে।

ৰাজ্যত বতৰে লৈছে কালৰূপ। যোৱা কেইটামান দিন ধৰি ৰাজ্যৰ বিভিন্ন প্ৰান্তত বৰষুণ, ধুমুহা,ঢেৰেকণি আদি হৈ আছে। আজি পুৱাও গুৱাহাটীৰ প্ৰায়ভাগ অঞ্চলত ধাৰাসাৰ বৰষুণ হয়। যাৰ ফলত কেইবাটাও অঞ্চলত কৃত্ৰিম বানৰ সৃষ্টি হয়। যাৰ ফলত ইয়াৰ প্ৰভাৱ সাধাৰণ জীৱনত পৰিছে।

2 / 5

অহা ২-৩ দিনলৈ ৰাজ্যত ধাৰাসাৰ বৰষুণ সম্ভাৱনা। বতৰ বিজ্ঞান কেন্দ্ৰই জাৰি কৰিছে এই তথ্য। মহানগৰবাসীক সতৰ্কতা অৱলম্বনৰ আহ্বান প্ৰশাসনৰ। লগতে জলমগ্ন স্থানত গাড়ীৰ গতিবেগ নিয়ন্ত্ৰণৰ আহ্বান। ঠাই বিশেষ ভূমিস্খলনৰো সম্ভাৱনা। এই ক্ষেত্ৰত প্ৰশাসনে নজৰ ৰাখিছে।

3 / 5

ইয়াৰ মাজতে ৰাজ্যত ১৩ খনকৈ জিলাত য়ালো এলাৰ্ট জাৰি কৰিছে বতৰ বিজ্ঞান বিভাগে। বতৰৰ বতৰা অনুসৰি, আগন্তুক ২-৩ টা দিনলৈ এই জিলাকেইখনত বৰষুণ কমাৰ সম্ভাৱনা নাই। কিছু সময়ৰ বাবে কমিলেও পুনৰ আৰম্ভ হ'ব বৰষুণ।

4 / 5

বতৰ বিজ্ঞানে য়ালো এলাৰ্ট জাৰি কৰা জিলা কেইখন হ'ল- দক্ষিণ শালমাৰা, ধুবুৰী, কোকৰাঝাৰ, চিৰাং, বাক্সা, গোৱালপাৰা, নলবাৰী, কামৰূপ(গ্ৰাম্য), কামৰূপ (ম), ডিমা হাচাও, কাছাৰ , শ্ৰীভূমি আৰু হাইলাকান্দি জিলা।

5 / 5

য়ালো এলাৰ্ট জাৰি কৰা জিলাসমূহত ধাৰাসাৰ বৰষুণৰ লগতে বিজুলী-ঢেৰেকণি অহাৰ সম্ভাৱনা আছে। উল্লেখ্য যে, কেৱল আজিয়েই নহয়, যোৱা কেইবাটা দিন ধৰি বৰষুণে মানুহৰ সাধাৰণ জীৱনত সমস্যাৰ সৃষ্টি কৰিছে।

অসম