01 Aug 2025 21:24 PM
চলন্ত অৱস্থাতে মাজ আকাশত সহযাত্ৰীৰ আক্ৰমণৰ সন্মুখীন হৈছে অসমৰ এজন লোক। ইণ্ডিগোৰ এখন বিমানত সংঘটিত হৈছে এই চাঞ্চল্যকৰ ঘটনা।
আক্ৰমণৰ সন্মুখীন হোৱা ব্যক্তিজনৰ নাম কাছাৰ জিলাৰ কাটিগড়াৰ হুছেইন আহমদ মজুমদাৰ বুলি জানিব পৰা গৈছে। তথ্য অনুসৰি তেওঁ মুম্বাইৰ পৰা কলকাতা হৈ শিলচৰলৈ যাত্ৰা কৰিছিল।
কিন্তু বিমানখন শিলচৰ অভিমুখে আহি থকাৰ সময়তে মাজ আকাশতে এজন ব্যক্তিয়ে হুছেইনক প্ৰহাৰ কৰে। বিমান পৰিচাৰিকাৰ সমুখতেই এই ঘটনা সংঘটিত হয়।
আশ্চৰ্যজনকভাৱে বৃহস্পতিবাৰেই এই ঘটনা সংঘটিত হৈছিল। কিন্তু এই ঘটনাৰ পিছত আজি পৰ্যন্ত নিজা বাসগৃহত উপস্থিত হোৱা নাই হুছেইন আহমদ মজুমদাৰ।
এনে পৰিস্থিতিত তেওঁৰ পৰিয়ালৰ লোকসকল চিন্তিত হৈ পৰিছে। যদি কোনো লোকে নিৰুদ্দিষ্ট হুছেইনৰ সন্ধান লাভ কৰে, তেতিয়া 6000467825 নম্বৰত যোগাযোগ কৰিবলৈ অনুৰোধ জনাইছে পৰিয়ালে।
