ঘৰৰ ভিতৰত পৰুৱাই বাহ লৈছে নেকি? এই সস্তা আৰু সহজ উপায় অৱলম্বন কৰক…

ঘৰৰ পৰা পৰুৱা খেদি পঠিয়াবলৈ আটাইতকৈ ফলপ্ৰসূ আৰু সস্তা উপায় হ’ল ভিনেগাৰ। পৰুৱাই ভিনেগাৰৰ গোন্ধ ভাল নাপায়, ই ইহঁতৰ বাবে অতি বিৰক্তিকৰ। এই বস্তুটো প্ৰতিটো ঘৰতে সহজে পোৱা যায় আৰু ব্যৱহাৰ কৰাটো অতি সহজ। ভিনেগাৰ ব্যৱহাৰ কৰি কেনেকৈ ঘৰৰ পৰা পৰুৱা আঁতৰাই ৰাখিব পাৰি জানক।ইয়াৰ বাবে প্ৰথমে ভিনেগাৰখিনি পানীৰ লগত মিহলাই লওক। স্প্ৰে বটল এটা লৈ তাত আধা ভিনেগাৰ আৰু আধা পানী দি ভালদৰে মিহলাই লওক। এতিয়া এই মিশ্ৰণটো ঘৰৰ যিবোৰ অংশত পৰুৱা বেছিকৈ আহে, যেনে পাকঘৰ, দুৱাৰৰ ওচৰত, খিৰিকীৰ কাষত, আচবাবৰ তলত বা য’তেই পৰুৱা দেখা পাইছে তাত স্প্ৰে’ কৰক। ভিনেগাৰৰ প্ৰচণ্ড গোন্ধৰ বাবে পৰুৱাবোৰ বিৰক্ত হৈ সেই ঠাই এৰি যায়।

স্প্ৰে’ বনাবলৈ আৰু কি প্ৰয়োজন?

ভিনেগাৰৰ উপৰিও নেমুৰ ৰসো ব্যৱহাৰ কৰিব পাৰে। নেমুত এচিড থাকে যিয়ে পৰুৱাক খেদি পঠিয়াই দিয়ে। পৰুৱা অহা ঠাইত নেমুৰ  বাকলি ৰাখিব পাৰেবা পানীত নেমুৰ ৰস মিহলাই ছটিয়াই দিয়ক। এই পদ্ধতিটোকো অতি ফলপ্ৰসূ বুলি গণ্য কৰা হয়। পৰুৱা নোহোৱা কৰাৰ বাবে দালচেনিৰ গুড়ি বা দালচেনিৰ বাকলিও উপযোগী। পৰুৱা অহা-যোৱা কৰা বাটত ডালচেনি ৰাখক।

ইয়াৰ গোন্ধত পৰুৱা বিচলিত হয় আৰু ঘূৰি নাহে। এই পদ্ধতিটোও অতি সস্তা আৰু সহজ। ইয়াৰ উপৰিও পাউদাৰ বা কৰ্ণ ষ্টাৰচৰ লগত অলপ বৰিক এচিড মিহলাইও ব্যৱহাৰ কৰিব পাৰে। কিন্তু মনত ৰাখিব যে এই মিশ্ৰণটো শিশু আৰু পোহনীয়া জন্তুৰ পৰা আঁতৰত ৰাখিব লাগে, কাৰণ বৰিক এচিড বিষাক্ত হ’ব পাৰে। যদি আপুনি ভিনেগাৰ ব্যৱহাৰ কৰি পৰুৱা পৰা পৰিত্ৰাণ পাব বিচাৰে তেন্তে মনত ৰাখিব যে স্প্ৰে কৰাৰ সময়ত ঘৰৰ খিৰিকী-দুৱাৰ কিছু সময় খোলা ৰাখিব লাগে যাতে গোন্ধ সোনকালে গুচি যায় আৰু ঘৰত বসবাস কৰা মানুহবোৰ অশান্তি নাপায়।

স্প্ৰে কেনেকৈ ব্যৱহাৰ কৰিব?

আচবাব বা আন ঠাইত ভিনেগাৰ স্প্ৰে কৰাৰ পিছত অলপ চাফা কৰিব পাৰে যাতে কোনো ধৰণৰ দাগ বা দুৰ্গন্ধ নাথাকে। পৰুৱাৰ পৰা পৰিত্ৰাণ পাবলৈ পৰিষ্কাৰ-পৰিচ্ছন্নতাও অতি প্ৰয়োজনীয়। খাদ্য খোৱাৰ সময়ত বা প্ৰস্তুত কৰাৰ সময়ত সকলো ঠাই পৰিষ্কাৰ কৰি ৰাখিব লাগে, জাবৰ-জোঁথৰ তৎক্ষণাত পেলাই দিব লাগে আৰু খাদ্য আৰু পানীয় বন্ধ পাত্ৰত ৰাখিব লাগে। এই অভ্যাসবোৰৰ লগতে ভিনেগাৰ আৰু নেমুৰ ব্যৱহাৰে আপোনাৰ ঘৰৰ পৰা পৰুৱা আঁতৰাই ৰখাত সহায় কৰিব।

গতিকে সামগ্ৰিকভাৱে ভিনেগাৰ এটা অতি সস্তা, সহজলভ্য আৰু ফলপ্ৰসূ বস্তু যিটো ব্যৱহাৰ কৰি আপুনি ব্যয়বহুল কীটনাশক ব্যৱহাৰ নকৰাকৈ আপোনাৰ ঘৰৰ পৰা পৰুৱা আঁতৰাই ৰাখিব পাৰে। পানীৰ লগত মিহলাই স্প্ৰে কৰি নেমু আৰু দালচেনি মিহলাই ব্যৱহাৰ কৰি ঘৰখন পৰিষ্কাৰ কৰি ৰাখক। এইদৰে আপুনি আপোনাৰ ঘৰখন পৰুৱাৰ পৰা ৰক্ষা কৰি পৰিয়ালটোৰ বাবে এক পৰিষ্কাৰ আৰু নিৰাপদ পৰিৱেশৰ সৃষ্টি কৰিব পাৰে।