ৰে’লত শ্লীপাৰ টিকট কাটিও আপুনি ভ্ৰমণ কৰিব পাৰে এচি ক্লাছত, জানি লওক এই নিয়ম

ওচৰতেই হওক বা কোনো দূৰণিবটীয়া ঠাইলৈ হওক, ভ্ৰমণ কৰাৰ ক্ষেত্ৰত বহুতেই পছন্দ কৰে ৰেলযাত্ৰা । ট্ৰেইনৰ বহু কেইটা নিয়ম সম্পৰ্কে অনেকেই জানে । এই ধৰক কিদৰে টিকট কাটিব লাগে, টিকট আপগ্ৰেড কৰিব লাগে আদিবোৰ । এটা কথা বাৰু আপুনি জানেনে? ৱেটিং লিষ্টত থকা টিকট নিজেই আপগ্ৰেড হয়, মাত্ৰ টিকট কাটাৰ সময়ত মনত ৰাখিব লাগে এটা সৰু নিয়ম ।

এইটো কোনো নতুন নিয়ম নহয় । ২০০৬ চনৰ পৰাই এই নিয়ম চলি আহিছে । কিন্তু বহু যাত্ৰীয়ে ট্ৰেইনৰ এই নিয়মৰ বিষয়ে জ্ঞাত নহয় । শ্লীপাৰ বা থাৰ্ড ক্লাছ এচিত টিকট কাটিলে সেই টিকট আপগ্ৰেড কৰিব পাৰি । আপগ্ৰেড কৰিলে ছেকেণ্ড ক্লাছ বা ফাৰ্ষ্ট ক্লাছ এচিতো ভ্ৰমণ কৰিব পাৰে আপুনি । দুবাৰ আপডেট সম্ভৱ হয় । অৰ্থাৎ শ্লীপাৰ ক্লাছত টিকট কাটিলে সৰ্বাধিক ছেকেণ্ড এচিলৈকে আপগ্ৰেড হ’ব পাৰে । ইয়াৰ বাবে কোনো অতিৰিক্ত খৰচ ভৰিব নালাগে ।

একেদৰে ৱেটিং লিষ্টত থকা টিকট আৰচি বা কনফাৰ্ম হ’ব পাৰে । ছেকেণ্ড ক্লাছ এচিৰ টিকট থাকিলে, ই ফাৰ্ষ্ট ক্লাছ এচিৰ টিকটলৈ আপগ্ৰেড হ’ব পাৰে ।

কেনেকৈ আপগ্ৰেড কৰিব পাৰি টিকট

টিকট কাটাৰ সময়ত এটা অপশ্যন থাকে, অটো আপগ্ৰেডেশ্যন । এই অপশ্যনত যদি ক্লিক কৰে তেন্তে আপাৰ ক্লাছত চীট খালি থাকিলে, নিজেই আপগ্ৰেড হৈ যায় । এই ক্ষেত্ৰত মনত ৰাখিব লাগে, যি সম্পূৰ্ণ টকা দি টিকট কাটে, তেওঁহে এই সুবিধা লাভ কৰে । আৰ্থাৎ কোনো ডিচকাউন্টত টিকট কাটিলে এই সুবিধা আপুনি লাভ নকৰে । বয়জ্যেষ্ঠ যাত্ৰীয়ে ল’ৱাৰ বাৰ্থৰ বাবেও এই অটো আপগ্ৰেডেশ্যনৰ আবেদন কৰিব পাৰে । অৱশ্যে নিশ্চিতভাৱে আপুনি ক’ব নোৱাৰে যে আপডেট হ’বই ।