আজি সন্ধিয়া ৫ বজাত দেশবাসীক সম্বোধন কৰিব প্ৰধানমন্ত্ৰী মোদীয়ে
দেওবাৰে সন্ধিয়া ৫ বজাত দেশবাসীক সম্বোধন কৰিব প্ৰধানমন্ত্ৰীয়ে। কাইলৈৰ পৰা কাৰ্যকৰী হ’ব নতুন জি এছ টি হাৰ। ইয়াৰ মাত্ৰ এদিন পূৰ্বে দেশবাসীক সম্বোধন কৰিব প্ৰধানমন্ত্ৰী মোদীয়ে।
প্ৰধানমন্ত্ৰী নৰেন্দ্ৰ মোদী
কাইলৈৰ পৰা কাৰ্যকৰী হ’ব নতুন জি এছ টি হাৰ। ইয়াৰ মাত্ৰ এদিন পূৰ্বে প্ৰধানমন্ত্ৰী নৰেন্দ্ৰ মোদীয়ে দেশবাসীক সম্বোধন কৰাৰ কথা। আজি দেওবাৰে সন্ধিয়া ৫ বজাত তেওঁ দেশবাসীক সম্বোধন কৰিব। এই ভাষণৰ সময়ত তেওঁ কিছু ডাঙৰ ডাঙৰ ঘোষণা কৰিব পাৰে বুলি ধাৰণা কৰা হৈছে। কিন্তু এই সম্বোধনৰ সন্দৰ্ভত এতিয়াও কোনো তথ্য প্ৰকাশ কৰা হোৱা নাই। ইয়াৰ পূৰ্বে ১৫ আগষ্টত আৰু ভাৰত-পাকিস্তান সংঘাতৰ সময়ত প্ৰধানমন্ত্ৰীয়ে দেশবাসীক সম্বোধন কৰিছিল।
গুজৰাট ভ্ৰমণৰ সময়ত প্ৰধানমন্ত্ৰী মোদীয়ে কৈছিল যে, আমাৰ প্ৰকৃত শত্ৰু আন কোনো নহয় বৰঞ্চ আন দেশৰ ওপৰত আমাৰ নিৰ্ভৰশীলতা। বিশ্বাস কৰা হৈছে যে এই ভাষণত প্ৰধানমন্ত্ৰী মোদীয়ে ট্ৰাম্পৰ ৫০ শতাংশ শুল্ক আৰু নতুন এইচ ১ ভিছা মাচুলৰ বিষয়েও সম্বোধন কৰিব পাৰে।
কাইলৈ ২২ ছেপ্টেম্বৰৰ পৰা নৱৰাত্ৰি আৰম্ভ হ’ব আৰু এই বিষয়ে প্ৰধানমন্ত্ৰী মোদীয়ে কিছু কথা ক’ব পাৰে। গুজৰাট ভ্ৰমণৰ সময়ত প্ৰধানমন্ত্ৰীয়ে কৈছিল যে, এই নৱৰাত্ৰি অতি বিশেষ হ’ব।
কাইলৈ তথা ২২ ছেপ্টেম্বৰৰ পৰা কাৰ্যকৰী হ’বলগীয়া নতুন জি এছ টি হাৰ সন্দৰ্ভত দেশবাসীক সম্বোধন কৰিব পাৰে প্ৰধানমন্ত্ৰীয়ে। কাইলৈ কাৰ্যকৰী হ’বলগীয়া জি এছ টিৰ এই নতুন ৰেটৰ ফলত বহু সামগ্ৰীৰ মূল্য হ্ৰাস পাব, যাৰ ফলত সাধাৰণ জনতাই যথেষ্ট সকাহ পাব।
প্ৰধানমন্ত্ৰী নৰেন্দ্ৰ মোদীৰ এই ভাষণ অৰ্থনৈতিক আৰু আন্তঃৰাষ্ট্ৰীয় বিষয়ৰ সৈতে জড়িত হ’ব পাৰে। ইয়াৰ লগতে সাংস্কৃতিক আৰু ধৰ্মীয় দৃষ্টিকোণৰ পৰাও ইয়াক গুৰুত্বপূৰ্ণ বুলি গণ্য কৰা হৈছে।