বাছৰ ব্ৰেক ফেইল! প্ৰাণ গ’ল ৬জনৰ, মৃত্যু হোৱা ৪ জন আছিল একেটা পৰিয়ালৰ…
এক ভয়ংকৰ পথ দুৰ্ঘটনাত প্ৰাণ গ'ল ৬ জন লোকৰ, লগতে আহত হয় বহুতো। জানিব পৰা মতে, বাছৰ ব্ৰেক ফেইল হোৱা বাবে এই ঘটনা সংঘটিত হৈছে। সমগ্ৰ কাণ্ড সন্দৰ্ভত অব্যাহত আছে তদন্ত।
পুনৰ পোহৰলৈ আহিছে এক ডাঙৰ পথ দুৰ্ঘটনাৰ ঘটনা। এখন বাছৰ ব্ৰেক ফেইল হোৱাৰ ফলত ৬ জন লোকৰ মৃত্যু হোৱাৰ লগতে ৭ জন আহত হয়। জানিব পৰা মতে, বাছখন যেতিয়া আহি আছিল তেতিয়া হঠাতে ব্ৰেক ফেইল হয়। সেই সময়তে বাছখনৰ এখন অটোৰ সৈতে মুখামুখি সংঘৰ্ষ হয়। যাৰ ফলত এই ডাঙৰ পথ দুৰ্ঘটনা সংঘটিত হয়। ২৮ আগষ্ট বৃহস্পতিবাৰে এই ঘটনা সংঘটিত হৈছে কৰ্ণাটক-কেৰালৰ সীমান্তত। কাছৰগোডৰ পৰা মাংগালুৰুলৈ গৈ আছিল বাছখন।
জানিব পৰা মতে, পথ দুৰ্ঘটনাত মৃত্যু হোৱা ৬ জন লোকৰ ভিতৰত ৪ জন একেটা পৰিয়ালৰ। নিহত কেইজনৰ ভিতৰত আছে এটি শিশু। ঘটনা সন্দৰ্ভত পোহৰলৈ অহা তথ্য অনুসৰি, দিনৰ প্ৰায় ১:১২ বজাত বাছখনে এখন অটোৰিক্সা আৰু বাছ ৱেটিং চেডত খুন্দা মৰাৰ ফলত সংঘটিত হয় এই ঘটনা সংঘটিত হয়। ঘটনাৰ লগে লগে আহতসকলক হাস্পাতালত ভৰ্তি কৰোৱা হয়। বৰ্তমান কেইবাজনৰ চিকিৎসা চলি আছে।
ঘটনা সন্দৰ্ভত আৰক্ষীয়ে জনাইছে যে, এই পথ দুৰ্ঘটনাত ৬ জন লোকৰ মৃত্যু হৈছে। মৃতসকলৰ ভিতৰত অটোৰিক্সাখনৰ চালক আৰু অটোৰ আন যাত্ৰীসকল আছে। ইফালে বাছ ৰখা ঠাইত ৰৈ থকা দুজন লোকৰ অৱস্থাও সংকটনজন। তেওঁলোকৰ বৰ্তমান চিকিৎসা চলি আছে। এই ঘটনাত আন কেইবাজন লোক সামান্য পৰিমাণে আঘাতপ্ৰাপ্ত হৈছে।
নিহতসকলৰ চিনাক্তকৰণ ইতিমধ্যে হৈছে। তেওঁলোক হাইদৰ (অটোচালক), তেওঁৰ বয়স প্ৰায় ৪৭ মান হব। ইয়াৰ লগতে আছে আৱাম্মা(৭২), খাদিজা (৬০), নাফিছা (১১), আয়েছা ফিদা (৫২)।
ঘটনাৰ প্ৰাৰম্ভিক তদন্ত পোহৰলৈ আহিছে যে বাছখনৰ ব্ৰেক ফেইল হৈছিল। যাৰবাবে এই ঘটনা সংঘটিত হয়। কে এছ আৰ টি চি আৰু যান-বাহন বিষয়াসকলে বাছখন পৰীক্ষা কৰি ইয়াৰ বিজুতি ধৰা পেলাইছে। পাছখনৰ কেনেকৈ ব্ৰেক ফেইল হল সেই সন্দৰ্ভত তদন্ত অব্যাহত আছে।
আৰক্ষীয়ে জনাই যে, ঘটনাৰ বিষয়ে অবগত হোৱাৰ পাছতে তেওঁলোকে ঘটনাস্থলীত উপস্থিত হৈ মৃতদেহ উদ্ধাৰ কৰাৰ লগতে আহতসকলক হাস্পাতালত ভৰ্তি কৰায়। মৃতকৰ পৰিয়ালক ঘটনা সন্দৰ্ভত খবৰ দিয়াৰ লগতে মৃতদেহ কেইটা মৰণোত্তৰ পৰীক্ষাৰ বাবে প্ৰেৰণ কৰা হৈছে। এই ঘটনাই সমগ্ৰ অঞ্চলটোত তীব্ৰ চাঞ্চল্যৰ সৃষ্টি কৰে। অৱশ্যে আৰক্ষী আৰু নিৰাপত্তাৰক্ষীয়ে পৰিস্থিতি নিয়ন্ত্ৰণত ৰাখে।
ইফালে এই ঘটনাৰ ফলত বাছৰ কোনো লোক হতাহতি হোৱা নাই বুলি জানিব পৰা গৈছে। সমগ্ৰ কাণ্ড সন্দৰ্ভত বৰ্তমান আৰক্ষীয়ে তদন্ত অব্যাহত ৰাখিছে। তদন্তৰ অন্তত অধিক তথ্য পোহৰলৈ আহিব পাৰে।
অন্য খবৰ পঢ়কঃ মোদীৰ জাপান ভ্ৰমণৰ পৰা কানাডাৰ সৈতে সম্পৰ্কলৈ, কেইটামান গুৰুত্বপূৰ্ণ খবৰ…
