অক্ষয় কুমাৰক অশ্লীল স্পর্শ! কিন্তু কোনে অভিনেতাজনৰ সৈতে এনে কাণ্ড কৰিব বিচাৰিছিল?

অক্ষয় কুমাৰক অশ্লীল স্পর্শ!

কোনে কৈছিল যে কেৱল মহিলাসকলহে নিৰ্যাতনৰ বলি হয়? বহু পুৰুষো এই নিৰ্যাতনৰ বলি হৈছে। কোনো কোনোৱে মৌনতা অৱলম্বন কৰিছে, আন কোনোবাই জোৰেৰে প্ৰতিবাদ কৰিছে। তেনে এজন প্ৰতিবাদকাৰী আছিল অক্ষয় কুমাৰ। তেঁৱো লেতেৰা মানসিকতাৰ ব্যক্তিৰ হাতৰ পৰা ৰক্ষা পোৱা নাই। অক্ষয়ৰ কি হ’ল শুনিলেই কঁপি উঠে। অৱশ্যে ভৱিষ্যতে অভিভাৱকসকল যাতে অধিক সাৱধান হ’ব পাৰে তাৰ বাবে তেওঁ নিজেই নিজৰ অভিজ্ঞতা শ্বেয়াৰ কৰিছিল। কি ক’লে বলীউডৰ অভিনেতাজনে?

অক্ষয়ে কয় যে যেতিয়া তেওঁৰ লগত এই ঘটনা ঘটিছিল তেতিয়া তেওঁৰ বয়স আছিল মাত্ৰ ছয় বছৰ। লিফ্টত অকলে গৈ আছিল ফ্লেটলৈ। লিফ্টমেনজনো তাৰ লগত আছিল। কিন্তু অক্ষয় গম পোৱা নাছিল যে ৰক্ষকে আছিল ভক্ষক। অভিনেতাজনে কয় যে, হঠাতে মানুহজনে তেওঁক চুবলৈ ধৰিলে। এটা সময়ত তেওঁ অশ্লীল ভাৱেৰে পিঠিৰ ফালে স্পৰ্শ কৰিবলৈ ধৰিলে। সেই সময়ত অক্ষয় সৰু আছিল যদিও যি হৈ আছে সেয়া ঠিক নহয় বুলি অনুভৱ কৰিলে। কোনোমতে তাৰ পৰা ওলাই আহি মাক-দেউতাকক সকলো কথা জনায়। পিতৃ-মাতৃয়ে তেওঁৰ অভিযোগক গুৰুত্বসহকাৰে লৈছিল। সেই ব্যক্তিজনৰ বিৰুদ্ধে আৰক্ষীৰ ওচৰত এজাহাৰো দাখিল কৰা হয় আৰু ব্যক্তিজন ধৰা পৰে।

অক্ষয়ে ন্যায় পালে। কিন্তু শিশুৰ ওপৰত ‘শিশু নিৰ্যাতন’ বা এনেধৰণৰ ঘটনা প্ৰায়ে পোহৰলৈ আহে। দিনক দিনে জনতাৰ ক্ষোভ বাঢ়িছে।কিমানজনে ন্যায় লাভ কৰিছে? বহুতে এই ঘটনা আইনৰ চকুৰ পৰা লুকাই ৰাখে।