অভিনেত্ৰী হোৱাৰ পূৰ্বে কি কাম কৰিছিল ৰবীনা টেণ্ডনে? এটা বিশেষ সিদ্ধান্তই সলনি কৰিছিল জীৱন…

ৰবীনা টেণ্ডন

বলীউডৰ বিখ্যাত অভিনেত্ৰী ৰবীনা টেণ্ডনে নিজৰ কেৰিয়াৰৰ সফলতাৰ শিখৰ স্পৰ্শ কৰিছে। ৯০ দশকৰ আৰম্ভণিতে ৰবীনাই বলীউডত অভিনেত্ৰী হিচাপে কাম কৰিবলৈ আৰম্ভ কৰে। অৱশ্যে তেওঁ অভিনেত্ৰী হ’ব বিচৰা নাছিল। তেওঁৰ প্ৰয়াত পিতৃ ৰবি টেণ্ডন আছিল এজন বিখ্যাত প্ৰযোজক-পৰিচালক আৰু সেয়েহে ৰবীনায়ো পৰিচালনাৰ ক্ষেত্ৰত নিজৰ ভাগ্য পৰীক্ষা কৰিব বিচাৰিছিল। অৱশ্যে ভাগ্যই তেওঁৰ বাবে ভাগ্যন আন কিবাহে নিৰ্ধাৰণ কৰিছিল।

ৰবীনাক ৯০ দশকৰ শ্ৰেষ্ঠ অভিনেত্ৰীৰ ভিতৰত গণ্য কৰা হয়। অৱশ্যে পিতৃৰ পদাংক অনুসৰণ কৰি চলচ্চিত্ৰ নিৰ্মাতা হ’ব বিচাৰিছিল। মাত্ৰ আঠ বছৰ বয়সত পিতৃক তেওঁৰ এখন ছবিৰ সময়ত সহায় কৰিছিল। বিখ্যাত এড ডাইৰেক্টৰ প্ৰহ্লাদ কক্কৰৰ অধীনত ইন্টাৰশ্বিপো কৰিছিল।

অষ্টম শ্ৰেণীৰ সময়ছোৱাত পিতৃক এখন ছবিৰ কামত সহায় কৰাৰ পিছত ৰবীনা টেণ্ডনে দশম শ্ৰেণীৰ পিছত চলচ্চিত্ৰ নিৰ্মাতা হোৱাৰ লক্ষ্যৰে এড ফিল্ম মেকিং, প্ৰি আৰু পোষ্ট প্ৰডাকচনৰ দৰে কথা শিকিবলৈ আৰম্ভ কৰে। ইয়াৰ বাবে তেওঁ প্ৰহ্লাদ কক্কৰৰ সহায় লৈছিল, যাক ৰবীনাই নিজৰ বছ বুলি গণ্য কৰে।

বছৰ পৰামৰ্শৰ পিছত সলনি হ’ল জীৱন

ইয়াৰ পিছত যেতিয়া ৰবীনা কলেজ পালে, তেতিয়াও তেওঁ প্ৰহ্লাদ কক্কৰৰ অধীনত কাম কৰি আছিল। ইফালে ছলমান খানৰ বিপৰীতে ছবি এখনৰ প্ৰস্তাৱ দিয়া হৈছিল যদিও অভিনেত্ৰী হ’ব বিচৰা নাছিল। অৱশ্যে প্ৰহ্লাদৰ পৰামৰ্শই তেওঁৰ জীৱন সলনি কৰি পেলালে। ৰবীনাই তেওঁৰ এটা সাক্ষাৎকাৰত কৈছিল, “মোৰ বছ প্ৰহ্লাদ কক্কাৰে কৈছিল যে আপুনি কিমান দিন কেমেৰাৰ আঁৰত থাকিব, আপুনি আগবাঢ়ি আহিব লাগে। মই এটাৰ পিছত এটাকৈ অফাৰ নাকচ কৰি আছিলো। তাৰ পিছত মোক ছলমান খানৰ সৈতে এখন ছবি Patthar Ka Phoolৰ বাবে প্ৰস্তাৱ দিয়া হৈছিল।” ইয়াৰ জৰিয়তে ৰবীনাই হিন্দী চিনেমাত মুখ্য অভিনেত্ৰী হিচাপে আত্মপ্ৰকাশ কৰে।

ৰবীনাৰ শ্ৰেষ্ঠ ছবি

১৯৯১ চনত অভিষেক ঘটোৱাৰ পিছত ৰবীনাই কেতিয়াও পিছলৈ ঘূৰি চাবলগীয়া হোৱা নাছিল। তেওঁক বলীউডৰ অন্যতম সফল অভিনেত্ৰী হিচাপে গণ্য কৰা হয়। এতিয়াও হিন্দী চিনেমাত কাম কৰি থকা ৰবীনাই এই পৰ্যন্ত নিজৰ কেৰিয়াৰত ‘মহৰা’, ‘দুলহে ৰাজা’, ‘কে জি এফ ২’, ‘দিলৱালে’, ‘আনাৰী নং ১’, ‘বড়ে মিয়ান ছোটে মিয়ান’, ‘লাদলা’, ‘জিদ্দি’ আৰু ‘খিলাড়িয়ো কা খিলাড়ি’ৰ দৰে উৎকৃষ্ট ছবি আগবঢ়াইছে।