Shilpa Shetty: বিপদত শিল্পা শেট্টী আৰু স্বামী ৰাজ কুন্দ্ৰা, ভাৰত এৰি যোৱাৰ পূৰ্বে ৬০ কোটি টকা দিব লাগিব জমা
২০২৩ চনৰ ১৪ আগষ্টৰ পৰা ব্যৱসায়ী দীপক কোথাৰীয়ে ৰাজ কুন্দ্ৰাই তেওঁক বিনিয়োগ আৰু ঋণৰ নামত প্ৰায় ৬০ কোটি টকা প্ৰতাৰণা কৰাৰ অভিযোগ উত্থাপন কৰিছিল। তদন্তৰ সময়ত ৰাজ কুন্দ্ৰাই দাবী কৰিছিল যে এই ধনৰ এক বৃহৎ অংশ বলীউডৰ তাৰকাক ‘Professional fees’ হিচাপে দিয়া হৈছে।
বিপদত শিল্পা শেট্টী আৰু স্বামী ৰাজ কুন্দ্ৰা
ৰাজ কুন্দ্ৰা আৰু শিল্পা শেট্টীয়ে সদায় পৰিয়ালৰ লগত থাকি ভাল পায়। কিন্তু এইবাৰ পৰিয়ালৰ সৈতে বন্ধৰ দিন উদযাপনত এটা ডাঙৰ বাধা আহি পৰিছে। সকলো পৰিকল্পনা ঠিকেই আছিল, কিন্তু তেওঁলোকে যোৱাৰ পূৰ্বে বাধাৰ প্ৰাচীৰ হৈ থিয় দিলে বম্বে উচ্চ ন্যায়ালয়। দেশ এৰি যাব বিচাৰিলে বহু পৰিমাণৰ ধন জমা দিব লাগিব। সেই ধনৰ পৰিমাণ হৈছে ৬০ কোটি টকা। তাৰকা দম্পতীক কিয় এই আদেশ নিশাটোৰ ভিতৰতে দিয়া হ’ল?
যোৱা ২৪ ঘন্টাত বহুবাৰ সংবাদ মাধ্যমত প্ৰকাশ পাইছে দম্পতীহালৰ নাম। কাৰণ আৰ্থিক জালিয়াতিৰ গোচৰ। ৬০ কোটি টকাৰ জালিয়াতিৰ গোচৰত মুম্বাই আৰক্ষীৰ অৰ্থনৈতিক অপৰাধ শাখাই সাড়ে চাৰি ঘণ্টাৰো অধিক সময় শিল্পাক জেৰা কৰিছিল। এই আৰক্ষী বিভাগে এতিয়া আৰ্থিক জালিয়াতিৰ সৈতে জড়িত এক গোচৰত অভিনেত্ৰীগৰাকীক জেৰা কৰিছে। এই গোচৰত ইতিমধ্যে তেওঁৰ স্বামী আৰু ব্যৱসায়ী ৰাজ কুন্দ্ৰাৰ নাম আহিছিল। তেওঁলোকৰ বেষ্ট ডিল টিভি প্ৰাইভেট লিমিটেড বন্ধ হৈ গৈছে, সেয়েহে তদন্ত চলি আছে।
এই কোম্পানীটোৱে এসময়ত হোম শ্বপিং আৰু অনলাইন ৰিটেইল প্লেটফৰ্ম হিচাপে কাম কৰিছিল। ৰাজ কুন্দ্ৰা আৰু শিল্পা শ্বেট্টী দুয়োজনেই এই কোম্পানীৰ পৰিচালক আছিল। আৰক্ষীৰ সূত্ৰ অনুসৰি এই পৰ্যন্ত ৰাজ কুন্দ্ৰাসহ পাঁচজন লোকৰ বক্তব্য ৰেকৰ্ড কৰা হৈছে। ইয়াৰ ভিতৰত কোম্পানীটোৰ ৰিজ’লিউচন পেছাদাৰী ৰাজেন্দ্ৰ ভুতাৰাও আছে, যিয়ে লিকুইডেচনৰ সময়ত কোম্পানীটোৰ দায়িত্বত আছিল।
২০২৩ চনৰ ১৪ আগষ্টৰ পৰা ব্যৱসায়ী দীপক কোথাৰীয়ে ৰাজ কুন্দ্ৰাই তেওঁক বিনিয়োগ আৰু ঋণৰ নামত প্ৰায় ৬০ কোটি টকা প্ৰতাৰণা কৰাৰ অভিযোগ উত্থাপন কৰিছিল। তদন্তৰ সময়ত ৰাজ কুন্দ্ৰাই দাবী কৰিছিল যে এই ধনৰ এক বৃহৎ অংশ বলীউডৰ তাৰকাক ‘পেছাদাৰী মাচুল’ হিচাপে দিয়া হৈছে। তেওঁ কয় যে এই তালিকাত অভিনেত্ৰী বিপাশা বসু, নেহা ধুপিয়া আৰু প্ৰযোজক একতা কাপুৰৰ নাম আছিল।
সেই গোচৰত এতিয়া তেওঁলোকে ডাঙৰ সমস্যাৰ সন্মুখীন হৈছে। বম্বে উচ্চ ন্যায়ালয়ে এতিয়া স্পষ্ট কৰি দিছে যে যদি তেওঁলোকে দেশ এৰি যাব বিচাৰে তেন্তে তেওঁলোকে এই গোচৰত মূল ধনৰাশি ৬০ কোটি টকা জমা দিব লাগিব, নহ’লে তেওঁলোকক দেশ এৰি যাবলৈ নিৰ্দেশ দিয়া নহ’ব।