কিমান উপাৰ্জন কৰিলে পুষ্পা-২য়ে? শ্বাহৰুখ-ৰনবীৰক পিছ পেলাই সকলো ৰেকৰ্ড ভংগৰ দৌৰত আল্লু অৰ্জুন

কিয় সৰ্বশ্ৰেষ্ঠ ছবিৰ দৌৰত আছে 'পুষ্পা ২'?

এটাৰ পাছতো আনটো ৰেকৰ্ড ভংগ কৰি গৈছে আল্লু অৰ্জুনৰ অভিনীত ছবি ‘পুষ্পা-২ দ্যা ৰুল’ য়ে। মুক্তি লাভৰ মাত্ৰ ৫ দিনৰ ভিতৰতে ছবিখনে বিশ্বব্যাপী ১০০০ কোটি টকা উপাৰ্জন কৰিবলৈ সক্ষম হয়। ইয়াৰ লগে লগে কম সময়ৰ ভিতৰত ১০০০ কোটি টকা উপাৰ্জন কৰা চিনেমা হিচাপে পৰিগণিত হয় পুষ্পা-২। এই সময়চোৱাত আল্লু অৰ্জুনে কেইবাগৰাকী নামী দামী অভিনেতাক পিছ পেলাই থৈ গ’ল। প্ৰথম ৭ দিনত পুষ্পা ২য়ে কিমান উপাৰ্জন কৰিলে আহক জানো-

ভাৰতত উপাৰ্জন

সাকনিলকৰ প্ৰতিবেদন অনুসৰি আল্লু অৰ্জুনৰ ‘পুষ্পা ২’ ছবিখনে ৭ নম্বৰ দিনটোত ভাৰতত প্ৰায় ৪২ কোটি টকা উপাৰ্জন কৰিছে। ইয়াৰ ভিতৰত তেলেগুৰ পৰা ৯ কোটি, হিন্দীৰ পৰা ৩০ কোটি, তামিলৰ পৰা ২ কোটি আৰু কানাড়া- মালায়লমৰ পৰা ক্ৰমে ০.৬ কোটি আৰু ০.৪ কোটি উপাৰ্জন কৰিছে। ইয়াৰ লগে লগে মুক্তিৰ পৰা এতিয়ালৈকে ভাৰতত পুষ্পা- ২য়ে উপাৰ্জন কৰা ধনৰ পৰিমাণ হৈছেগৈ ৬৮৭ কোটি টকা। অতি সোনকালে ৭০০ কোটিৰ ঘৰত প্ৰৱেশ কৰিব ছবিখনে।

বৰ্তমানলৈ উপাৰ্জন

পুষ্পা-২ ছবিখন ৪ ডিচেম্বৰত পেইড প্ৰিভিউৰে আৰম্ভ হৈছিল। এই সময়চোৱাত ছবিখনে ১০.৬৫ কোটি টকা উপাৰ্জন কৰে। ৫ ডিচেম্বৰত বিশ্বব্যাপী ছবিখনে মুক্তি লাভ কৰে আৰু এই দিনটোত উপাৰ্জন কৰে ১৬৪.২৫ কোটি টকা। ইয়াৰ লগতে দ্বিতীয় দিনা পুষ্পা- ২য়ে ৯৩.৮ কোটি, তৃতীয় দিনা ১১৯.২৫ কোটি, চতুৰ্থ দিনা ১৪১.০৫ কোটি টকা উপাৰ্জন কৰে। শেহতীয়াকৈ সোমবাৰে ভাৰতত পুষ্পা-২য়ে ৬৪.৪৫ কোটি, মঙলবাৰে ৫১.৫৫ কোটি আৰু বুধবাৰে প্ৰায় ৪২ কোটি টকা উপাৰ্জন কৰে।

শ্বাহৰুখ- ৰনবীৰ পিছ পৰিল!

চৈকনিল্ক নামৰ এটা সংস্থাই প্ৰথম ৭ দিনত ছবিয়ে উপাৰ্জন কৰাৰ ধনৰ তালিকা প্ৰকাশ কৰিছে। এই তালিকালৈ লক্ষ্য কৰিলে দেখা যায় যে পুষ্পা- ২ আছে সবাতোকৈ শীৰ্ষত। তথ্য অনুসৰি পুষ্পা-২য়ে প্ৰথম ৭ দিনত উপাৰ্জন কৰে ৩৯৮.১০ কোটি, শ্বাহৰুখ খানৰ জৱানে আয় কৰিছিল ৩২৭.৮৮ কোটি, শ্বাহৰুখ খানৰ পাঠানে আয় কৰিছিল ৩১৮.৫০ কোটি, ৰনবীৰ কাপুৰৰ এনিমেলে আয় কৰিছিল ৩০০.৮১ কোটি, ছানি দেউলৰ গদৰ ২ য়ে আয় কৰিছিল ২৮৪.৬৩ কোটি, শ্ৰদ্ধা কাপুৰৰ ষ্ট্ৰী -২য়ে আয় কৰিছিল ২৬৬.৩৫ কোটি, যশৰ কে জি এ ২য়ে আয় কৰিছিল ২৫৫.০৫ কোটি আৰু প্ৰভাসৰ অভিনীত বাহুবলী ২ য়ে আয় কৰিছিল ২৪৭.০০ কোটি।