কাৰ্তিকৰ কাষত ‘বিকিনি গাৰ্ল’! নতুন প্ৰেমিকা বিচাৰি পালে নেকি?

বলীউডৰ অভিনেতা কাৰ্তিক আৰিয়নক লৈ আকৌ এবাৰ চৰ্চা। শেহতীয়াকৈ অভিনেতাগৰাকীৰ গোৱা ভ্ৰমণৰ কিছু পৰ্দাৰ আঁৰৰ ছবিয়ে ছ’চিয়েল মিডিয়া প্লেটফৰ্মত চাঞ্চল্যৰ সৃষ্টি কৰিছে। নেটিজেনৰ দাবী যে কাৰ্তিক অকলশৰীয়া নহয়, বৰঞ্চ লগত এগৰাকী ‘ৰহস্যময়’ নাৰীৰ সৈতে অৱসৰ-বিনোদনত গৈছে।

ঘটনাৰ আৰম্ভণিতে কাৰ্টিকে শ্বেয়াৰ কৰা এখন ছবিৰ পৰাই গোৱাৰত জিৰণি লোৱা দেখা গৈছে। কিছু সময়ৰ পিছতে নেটিজেনসকলে কৰিনা কৌবিলিয়ট নামৰ এগৰাকী গ্ৰীক যুৱতীৰ প্ৰফাইল খুচুৰীছে। দেখা যায় যে কাৰ্তিক ছবিখনৰ পটভূমি হুবহু একেই, য’ৰ পৰা কৰিনাই ছবিখন পোষ্ট কৰিছিল। সাগৰৰ ঢৌৰ কোণৰ পৰা আৰম্ভ কৰি সাগৰৰ পাৰৰ চকীলৈকে, আনকি টাৱেলৰ আৰ্হিও – সকলো যেন একেটা।

ৰেডডিট (Reddit) ব্যৱহাৰকাৰীয়ে দাবী কৰিছে যে এই চৰ্চা আৰম্ভ হোৱাৰ আগতেই কাৰ্তিক ছোৱালীজনীক ছ’চিয়েল মিডিয়াত ফ’ল’ কৰিছিল। যদিও এই দাবীৰ সত্যতা বা ছবিখনৰ সত্যতাৰ সন্দৰ্ভত অভিনেতা বা তেওঁৰ দলৰ পৰা কোনো আনুষ্ঠানিক নিশ্চয়তা পোৱা নাই। তথাপিও কোৱা হৈছে যে তেওঁ বৰ্তমান লণ্ডনত অধ্যয়ন কৰি আছে যুৱতীগৰাকী।

ব্যক্তিগত জীৱন সন্দৰ্ভত জল্পনা-কল্পনাৰ মাজতে শেহতীয়াকৈ কাৰ্তিক এটা সাক্ষাৎকাৰত নিজৰ অতীতৰ সম্পৰ্ক আৰু অনুভৱৰ বিষয়ে মুকলিকৈ কয়। প্ৰাক্তন প্ৰেমিকা অনন্যা পাণ্ডেৰ সৈতে পুনৰ পেছাগতভাৱে কাম কৰাৰ সন্দৰ্ভত তেওঁ কয় যে সময়ৰ লগে লগে দুয়োজনেই পৰিপক্ক হৈছে।