সন্ধ্যা থিয়েটাৰ কাণ্ডক লৈ আল্লু অৰ্জুনৰ পিতৃৰ ডাঙৰ ঘোষণা, ভুক্তভোগী পৰিয়ালক দিয়া হ’ব ২ কোটি টকা!

সন্ধ্যা থিয়েটাৰ কাণ্ডক লৈ আল্লু অৰ্জুনৰ পিতৃৰ ডাঙৰ ঘোষণা!

বৰ্তমান সময়ত সন্ধ্যা থিয়েটাৰ গোচৰত জড়িত হৈ পৰিছে দক্ষিণৰ চুপাৰষ্টাৰ আল্লু অৰ্জুন।  শেহতীয়াকৈ তেওঁক সোধা-পোছাৰ বাবে চিক্কাডপাল্লি ষ্টেচনলৈ মাতি নিয়া হৈছিল। ইয়াৰ আগতে, আল্লু অৰ্জুনে নিজেও এখন সংবাদমেল অনুষ্ঠিত কৰিছিল। য’ত তেওঁ নিজকে নিৰ্দোষী বুলি দাবী কৰি কৈছিল যে এই ক্ষেত্ৰত তেওঁক বদনাম কৰা হৈছে। আল্লু অৰ্জুন, তেওঁৰ পৰিয়াল আৰু পুষ্পা 2-ৰ দলটোৱে সন্ধ্যা থিয়েটাৰ গোচৰত ভুক্তভোগীৰ পৰিয়ালৰ সৈতে নিৰন্তৰভাৱে যোগাযোগত থকাৰ উপৰিও চিকিৎসালয়ত ভৰ্তি হৈ থকা ৯ বছৰীয়া শ্ৰীতেজৰ বুজ লৈ আছে।  ইয়াৰ মাজতে আল্লু অৰ্জুনৰ পিতৃ আল্লু অৰবিন্দে কৰিছে  এটা ডাঙৰ ঘোষণা।

আল্লু অৰবিন্দে কয় যে পুষ্পা ২ চলচ্চিত্ৰখনৰ প্ৰযোজক আৰু দলে ভুক্তভোগীৰ পৰিয়ালক সহায় কৰাৰ সিদ্ধান্ত গ্ৰহণ কৰিছে আৰু ২ কোটি টকাৰ অনুদানৰ ঘোষণা কৰিছে। আল্লু অৰবিন্দে কয় যে, পুষ্পা ২ৰ গোটেই দলটো ভুক্তভোগীৰ পৰিয়ালৰ সৈতে আছে আৰু সকলো ধৰণে সহায় কৰিবলৈ সাজু। সন্ধ্যা থিয়েটাৰৰ বাহিৰত আঘাতপ্ৰাপ্ত ৯ বছৰীয়া শ্ৰীতেজক ২ কোটি টকা দিয়া হ’ব। ইয়াৰ ভিতৰত এক কোটি টকা আল্লু অৰ্জুনে তৰফৰ পৰা দিয়া হ’ব । একে সময়তে, পুষ্পা 2-ৰ প্ৰযোজক আৰু পৰিচালকসকলে ৫০-৫০ লাখ টকা প্ৰদান কৰিব।

শিশুটোৰ অৱস্থা কেনেকুৱা?

ইয়াৰ আগতেও, সন্ধ্যা থিয়েটাৰৰ বাহিৰত ভুক্তভোগীৰ পৰিয়ালক ধনৰ যোগেদি সহায় কৰা হৈছে। এতিয়া আকৌ এবাৰ আল্লু অৰ্জুনৰ পিতৃ আৰু চলচ্চিত্ৰ প্ৰযোজক আল্লু অৰবিন্দে অধিক ধন দিয়াৰ কথা ঘোষণা কৰিছে। ইফালে শ্ৰীতেজৰ বিষয়ে ক’লে, তেওঁক বৰ্তমান কেআইএমএছ চিকিৎসালয়ত চিকিৎসাধীন হৈ আছে। তেওঁক ভেণ্টিলেটৰত ৰখা হৈছে।  আৰক্ষীয়ে জনোৱা তথ্য অনুসৰি, জেৰাত সম্পূৰ্ণ সহযোগিতা আগবঢ়াইছে আল্লু অৰ্জুনে। প্ৰয়োজন হ’লে তেওঁক অধিক সোধা-পোছাৰ বাবে মতাৰ সম্ভাৱনা আছে।

লগতে পঢ়ক: হিন্দী ভাষাত ৭০০ কোটি টকা উপাৰ্জন কৰা প্ৰথমখন ছবি ‘পুষ্পা 2’! গঢ়িলে এইসমূহ নতুন কৃতিত্ব…