৩৩ বছৰীয়া অপেক্ষাৰ অন্ত…শ্বাহৰুখ খানে লাভ কৰিলে প্ৰথমটো ৰাষ্ট্ৰীয় বঁটা

শ্বাহৰুখ খানলৈ ৰাষ্ট্ৰীয় বঁটা

আজি ২৩ ছেপ্টেম্বৰত ভাৰতৰ সন্মানীয় ৭১ সংখ্যক ৰাষ্ট্ৰীয় বঁটা দিল্লীৰ বিজ্ঞান ভৱনত অনুষ্ঠিত হয়। এইবাৰ বহু ছবি আৰু অভিনেতাক তেওঁলোকৰ অসাধাৰণ কামৰ বাবে সন্মানিত কৰা হয়। আগষ্ট মাহৰ আৰম্ভণিতে ঘোষণা কৰা এই বঁটাৰ বাবে সকলোৱে আগ্ৰহেৰে অপেক্ষা কৰি আছিল। বলীউডৰ “বাদশ্বাহ” শ্বাহৰুখ খানে ৭১ সংখ্যক ৰাষ্ট্ৰীয় বঁটা প্ৰদানত এক বৃহৎ সফলতা অৰ্জন কৰে। ৩৩ বছৰীয়া কেৰিয়াৰত প্ৰথমটো ৰাষ্ট্ৰীয় বঁটা লাভ কৰে শ্বাহৰুখে। লগতে বিক্ৰান্ত মেছীয়েও প্ৰথম ৰাষ্ট্ৰীয় বঁটা লাভ কৰে। আমোদজনক কথাটো হ’ল বিক্ৰান্তই শ্বাহৰুখ খানৰ সৈতে তেওঁৰ বঁটা ভাগ কৰিছে।

শ্বাহৰুখ খানে ব্লকবাষ্টাৰ ছবি “জৱান”ৰ বাবে শ্ৰেষ্ঠ অভিনেতাৰ ৰাষ্ট্ৰীয় বঁটা লাভ কৰে। যাক লৈ দেশজুৰি উদযাপন কৰা হৈছে। বিক্ৰান্ত মেছীক তেওঁৰ ছবি “12th Fail”ৰ বাবে এই বঁটাৰে সন্মানিত কৰা হয়।

দিল্লীত ৭১ সংখ্যক ৰাষ্ট্ৰীয় বঁটা প্ৰদান অনুষ্ঠানত বলীউডৰ ৰজা শ্বাহৰুখ খানক শ্ৰেষ্ঠ অভিনেতাৰ ৰাষ্ট্ৰীয় বঁটাৰে সন্মানিত কৰা হয়। এই বঁটা লাভ কৰা পিছত আনন্দত আত্মহাৰা হৈ পৰিছিল তেওঁৰ অনুৰাগীসকল। ছ’চিয়েল মিডিয়াত ভাইৰেল হৈ পৰিছে এইসমূহ ফটো । তেওঁৰ ডাঙৰ জয়ৰ পিছৰে পৰা সমগ্ৰ দেশতে আনন্দ আৰু উদযাপনৰ পৰিৱেশে বিৰাজ কৰিছে। বিক্ৰান্ত মেছীয়েও প্ৰথমবাৰৰ বাবে ৰাষ্ট্ৰীয় বঁটা লাভ কৰিছে। ২০২৩ চনৰ অক্টোবৰ মাহত মুক্তি পোৱা “12th Fail” ছবিখনে দৰ্শকৰ পৰা যথেষ্ট প্ৰশংসা লাভ কৰিছিল। ছবিখনে শ্ৰেষ্ঠ ফিচাৰ ফিল্ম বঁটাও লাভ কৰে।

শ্বাহৰুখ খান আৰু বিক্ৰান্ত মেছীয়ে এই বঁটা শ্বেয়াৰ কৰিছে। ইয়াৰ পিছতে আনন্দত আত্মহাৰা হৈ পৰিছে অভিনেতা আৰু তেওঁলোকৰ দুয়োটা পৰিয়াল  । ৰাষ্ট্ৰীয় বঁটা ঘোষণাৰ পিছৰে পৰা শ্বাহৰুখ খানৰ অনুৰাগীসকল উৎফুল্লিত হৈ পৰিছিল। ৩৩ বছৰ ধৰি এই দিনটোৰ বাবে অপেক্ষা কৰি আছিল অনুৰাগীসকল।

‘জৱান’ আৰু ’12th Fail’ৰ উপাৰ্জন কিমান?

শ্বাহৰুখ খানৰ ‘জৱান’ ছবিখন এটলীৰ দ্বাৰা পৰিচালিত । ছবিখনে ভাৰতত ৬৪০ কোটি টকা আৰু বিশ্বজুৰি ১১৬০ কোটি টকা উপাৰ্জন কৰি অভিলেখ গঢ়িবলৈ সক্ষম হয়। ’12th Fail’ত কৰা অভিনয়ৰ বাবে বিক্ৰান্ত মেছীয়ে ব্যাপক প্ৰশংসা লাভ কৰিছিল। মাত্ৰ ২০-২৫ কোটি টকাৰ বাজেটত নিৰ্মিত এই ছবিখনে বিশ্বজুৰি ৭০ কোটি টকা উপাৰ্জন কৰে। এতিয়া অভিনেতাসকলে দুয়োখন ছবিৰ বাবে সৰ্বোচ্চ সন্মান লাভ কৰিছে।