Zubeen Garg Death Live Updates: ২৩ ছেপ্টেম্বৰত হ’ব জুবিন গাৰ্গৰ শেষকৃত্য, জনালে মুখ্যমন্ত্ৰীয়ে

প্ৰিয় শিল্পীগৰাকীৰ প্ৰতি সন্মান জনাবলৈ সৰুসজাইত এতিয়াও অব্যাহত আছে জনস্ৰোত। প্ৰজন্মৰ পিছত প্ৰজন্ম ধৰি অসমীয়াৰ হৃদয়ত জোৱাৰ তুলি অহা প্ৰাণৰ শিল্পীগৰাকীৰ এই শেষ যাত্ৰাত সংগ দিয়াৰ মানসেৰে নিশাৰ সময়তো সৰুসজাইত দেখা গৈছে ব্যাপক সমাগম।

সংবাদ মেল সম্বোধন কৰি মুখ্যমন্ত্ৰীয়ে কয় যে, ছিংগাপুৰৰ পৰা দিয়া মৃত্যুৰ প্ৰমাণ পত্ৰ অনুসৰি, জুবিন গাৰ্গৰ মৃত্যু পানীত ডুবাৰ ফলত হৈছে। অৱশ্যে এয়া মৰণোত্তৰ পৰীক্ষাৰ প্ৰতিবেদন নহয় বুলি কয় শৰ্মাই। ইয়াৰ পাছতে এতিয়া জুবিনৰ মৃত্যু ৰহস্যঘন হৈ পৰিছে।

জুবিন গাৰ্গৰ সমাধিস্থল ক’ত হ’ব আৰু তেওঁৰ শেষকৃত্য কেতিয়া সম্পন্ন হ’ব সেই সম্পৰ্কে সিদ্ধান্ত গ্ৰহণ কৰে অসম কেবিনেটে। যিহেতু বহু লোকে জুবিন গাৰ্গক শেষ দৰ্শনৰ বাবে আগ্ৰহী, গতিকে কাইলৈও জুবিন গাৰ্গক সৰুসজাইত ৰখা হ’ব। ২৩ ছেপ্টেম্বৰত অনুষ্ঠিত হ’ব অন্তিম যাত্ৰা। ৰাজ্য়িক শোক ২৩ তাৰিখলৈকে সম্প্ৰসাৰণ কৰা হৈছে। চৰকাৰী অনুষ্ঠানৰ তাৰিখ সলনি হ’ব। জুবিন গাৰ্গৰ শেষকৃত্যৰ বাবে ৰাজ্য চৰকাৰে দুটা স্থান বাচি উলিয়াইছে। জুবিন গাৰ্গৰ পৰিয়ালে জুবিন গাৰ্গক গুৱাহাটীৰ আশে-পাশেই ৰখাটো বিচাৰে পৰিয়ালে।

সোণাপুৰতেই শেষ শয়ন হ’ব জুবিন গাৰ্গৰ। পত্নী গৰিমা শইকীয়া গাৰ্গৰ ইচ্ছা মৰ্মে এই সিদ্ধান্ত গ্ৰহণ চৰকাৰৰ। সোণাপুৰৰ কমাৰকুছিত ৰাষ্ট্ৰীয় ঘাইপথৰ প্ৰথম প্লটত ১০ বিঘা মাটি অধিগ্ৰহণ। ইয়াতেই নিৰ্মাণ কৰা হ’ব সমাধিক্ষেত্ৰ। সমবাদমেলত জনালে মন্ত্ৰী ডাঃ ৰণোজ পেগুৱে।

বিচিচিআইৰ সচিব দেৱজিত শইকীয়াই কয় যে,  ৩০ ছেপ্টেম্বৰত হ’বলগীয়া খেলৰ পূৰ্বে ৪০ মিনিট সময় প্ৰয়াত শিল্পী জুবিন গাৰ্গৰ নামত উচৰ্গা কৰা হ’ব।অসম ক্ৰিকেট এছোচিয়েশ্যন আৰু বিচিচিআইয়ে জুবিনক শ্ৰদ্ধাঞ্জলি জ্ঞাপন কৰিব। জুবিনৰ স্মৃতিত ৪০ মিনিটৰ শ্ৰদ্ধাঞ্জলি অনুষ্ঠান হ’ব। সম্ভৱতঃ ক্ৰিকেট জগখনে তেওঁক দিব পৰা এয়া হ’ব সবাতোকৈ ডাঙৰ শ্ৰদ্ধাঞ্জলি।

জুবিন গাৰ্গৰ অকাল মৃত্যু শোক প্ৰকাশ কামৰূপ চেম্বাৰ্ছ অৱ কমাৰ্চৰ। এক শোকবাৰ্তাত তেওঁলোকে অধ্যক্ষ মহাবীৰ জৈনে কয়, “জুবিন গাৰ্গৰ অকাল বিয়োগত আমি গভীৰ শোক প্ৰকাশ কৰিছোঁ। তেওঁ সংগীতেৰে আমাক মোহিত কৰা এজন অসাধাৰণ শিল্পীয়েই নহয়, তেওঁৰ সৰলতা আৰু মমতাৰে অগণন মানুহক অনুপ্ৰাণিত কৰা এক নম্ৰ আত্মাও আছিল। তেখেতৰ বিয়োগ অসম তথা সমগ্ৰ উত্তৰ পূৰ্বাঞ্চলৰ বাবে এক অপূৰণীয় ক্ষতি ৷ তেখেতৰ পৰিয়াল, প্ৰশংসক আৰু অগণন শুভাকাংক্ষীলৈ আমাৰ আন্তৰিক সমবেদনা জ্ঞাপন কৰিলোঁ। তেওঁৰ পবিত্ৰ আত্মাই চিৰশান্তি লাভ কৰক।”

অনুৰাগীৰ আশাৰ প্ৰতি লক্ষ্য ৰাখি আজি গোটেই নিশা খোলা থাকিব সৰুসজাই ষ্টেডিয়াম। জুবিন গাৰ্গক শ্ৰদ্ধা জ্ঞাপন কৰিব পাৰিব অনুৰাগীয়ে । জনালে মুখ্যমন্ত্ৰী হিমন্ত বিশ্ব শৰ্মাই।

মূলতঃ জিৰণি ল’বলৈ আৰু অসম সমাজৰ সদস্যসকলৰ সৈতে সময় কটাবলৈ ছিংগাপুৰলৈ গৈছিল জুবিন গাৰ্গ। কেৱল নৰ্থ-ইষ্ট ফেষ্টিভেলত অংশগ্ৰহণ কৰিবলৈ যোৱা নাছিল জুবিন গাৰ্গ। সংবাদ সংস্থা পিটিআইৰ সৈতে হোৱাৰ এক সাক্ষাৎকাৰত স্পষ্টীকৰণ দিছে নৰ্থ ইষ্ট ফেষ্টিভেল মুখ্য আয়োজক শ্যামকানু মহন্তই।

সোণাপুৰত জুবিন গাৰ্গৰ সমাধিক্ষেত্ৰৰ স্থান পৰিদৰ্শন মুখ্যমন্ত্ৰীৰ। উত্তৰ-পূব জনজাতীয় সংগ্ৰহালয়ৰ কাষত স্থান পৰিদৰ্শন। পৰিয়ালৰ ইচ্ছা- গুৱাহাটীৰ আশে-পাশে হওক জুবিনৰ সমাধি।

জুবিনক চাবলৈ অৰুণাচল প্ৰদেশৰ উপ মুখ্যমন্ত্ৰী Chowna Mein আহে। গুৱাহাটীত শিল্পী জুবিন গাৰ্গৰ নশ্বৰ দেহত ৰাজ্যখনৰ হকে শ্ৰদ্ধাঞ্জলি জ্ঞাপন কৰিবলৈ উপস্থিত হয়।

কিছুসময় পাছত জুবিন গাৰ্গে পাব নিজৰ কাহিলিপাৰাত স্থিত বাসগৃহ। অজস্ৰ গুণমুগ্ধৰ মাজেৰে লখৰাত উপস্থিত হৈছে জুবিনৰ পুস্পসজ্জিত বাহন। অনুৰাগীৰ মুখত জয় জুবিনদা ধ্বনি

অশ্ৰুসিক্ত নয়নেৰে শেষ বিদায় অজস্ৰ গুণমুগ্ধৰ। সামাজিক মাধ্যমত মন্ত্ৰী বিমল বৰাই শ্বেয়াৰ কৰিলে পোষ্ট।

কেতিয়াও উভতি নাহে জুবিন… কান্দোনত ভাগি পৰিছে হাজাৰ হাজৰ জুবিন অনুৰাগী। সৰুসজাইত ভিৰৰ মাজত অচেতন বহু লোক।

সূত্ৰৰ খবৰ অনুসৰি, সোণাপুৰ কুমাৰকুছিৰ হাতীমূৰাত সম্পন্ন হ’ব জুবিনৰ শেষকৃত্য। পুৱা ভাগতে প্ৰশাসনৰ উচ্চ পদস্থ বিষয়াই সেই স্থান পৰিদৰ্শন কৰিছিল। ইয়াৰ পাছত সেই স্থান শেষকৃত্যৰ বাবে নিশ্চিত কৰা বুলি জানিব পৰা গৈছে। ইফালে, জুবিনৰ পৰিয়ালেও সন্মতি প্ৰকাশ কৰা বুলি জানিব পৰা গৈছে।

জুবিন গাৰ্গৰ মৃত্যুত মানস ৰবীনৰ শোকপ্ৰকাশ। সামাজিক মাধ্যমত দিলে বিশেষ পোষ্ট।

জুবিন গাৰ্গৰ সৈতে ছিংগাপুৰলৈ যোৱা সিদ্ধাৰ্থ শর্মা, শেখৰ গোস্বামী আৰু সন্দীপন গাৰ্গ অহা নাই অসমলৈ।

কাহিলীপাৰা জুবিনৰ বাসগৃহত উপস্থিত বিধায়ক অখিল গগৈৰ। উপস্থিত হাজাৰ হাজাৰ অনুৰাগী।

কান্দি কান্দি জুবিনৰ শেষ যাত্ৰাত সহযোগ এজন আৰক্ষী জোৱানৰ।

কান্দোনত ভাগি পৰিল আৰক্ষী

গুৱাহাটী বিমান বন্দৰৰ পৰা কাহিলীপাৰাৰ বাসগৃহ অভিমুখে  লৈ অনা হৈছে জুবিন গাৰ্গক। পথৰ দুয়োকাষে সষ্টি হৈছে জনসমুদ্ৰৰ। পাৰ ভাঙি ওলাই আহিছে শত-সহস্ৰ অনুৰাগী, এবাৰ জুবিন গাৰ্গক চাবলৈ। একাঁজলি শ্ৰদ্ধা জনাবলৈ। কাহিলীপাৰাৰ পৰা জুবিন গাৰ্গক লৈ যোৱা হ’ব সৰুসজাইলৈ। তাতেই সকলোৱে জনাব পাৰিব শ্ৰদ্ধা।

কোনেও আশা নকৰা এই দৃশ্য। কেতিয়াও এই সময় পুনৰ ঘূৰি নাহে।

স্বামী জুবিন গাৰ্গক হেৰুৱাৰ বিয়োগত কান্দোনত ভাগি পৰিছে গৰিমা শইকীয়া গাৰ্গ।

ৰাজপথত ভিৰ হাজাৰ হাজাৰ লোক। অশ্ৰুসিক্ত নয়নেৰে কাহিলিপাৰা বাসগৃহৰ সন্মুখত জুবিন গাৰ্গক শ্ৰদ্ধাঞ্জলি জনাবলৈ ভিৰ অনুৰাগীৰ।

গৃহ অভিমুখে জুবিন গাৰ্গ। পুষ্পসজ্জিত বাহনেৰে বাসগৃহলৈ লৈ গৈছে বাসগৃহলৈ…মুখ্যমন্ত্ৰীয়ে শ্বেয়াৰ কৰিছে জুবিনৰ শেষ যাত্ৰাৰ ভিডিঅ’।

পুষ্প সজ্জিত বাহনেৰে কাহিলীপাৰাৰ বাসগৃহলৈ লৈ গৈ আছে জুবিন গাৰ্গক। সৰুসজাইত আৰু জুবিনৰ বাসগৃহত জুবিনৰ অনুৰাগীৰ ভিৰ।

জুবিন গাৰ্গে ঘৰমুখী যাত্ৰা আৰম্ভ। শোকত ভাগি পৰিছে অনুৰাগীসকল।

অসম আহি পালে জুবিনৰ নশ্বৰদেহ। বিমানবন্দৰত দেখা গৈছে জনসমূ্দ্ৰ।

পৰিয়ালে যিমান সময় বিচাৰে, সেই সময়ৰ বাবে জুবিনক ৰখা হ’ব পৰিয়ালৰ লগত। এই কথা জনালে মন্ত্ৰী বিমল বৰাই।

এক অসহনীয় পৰিৱেশ, কোনেও কল্পনা কৰা নাছিল জুবিন গাৰ্গৰ অকাল বিয়োগৰ। দিল্লীত মুখ্যমন্ত্ৰী হিমন্ত বিশ্ব শৰ্মা আৰু পবিত্ৰ মাৰ্ঘেৰিটাই ‘মায়াবিনী ৰাতিৰ বুকুত’ গীতটি গাই শ্ৰদ্ধাঞ্জলি জনায় জুবিন গাৰ্গক।

প্ৰকৃতি ভালপোৱা শিল্পীজনৰ নশ্বৰদেহ কিছুসময় পিছত আকাশমাৰ্গেৰে আহি পাব অসম। কলা কফিনত অনা হৈছে হিয়াৰ আমঠু জুবিনক।

জুবিনময় চৌদিশ… কাহিলীপাৰাৰ বাসগৃহত অনুৰাগীৰ ভিৰ। প্ৰশাসনৰ বাধাৰ পিছতো অনুৰাগীয়ে নিশাৰে পৰা অপেক্ষা কৰি আছে জুবিনক এবাৰ চাবলৈ।

দুঘণ্টাতকৈও অধিক সময় ধৰি অবিৰাম প্ৰচেষ্টা চলাই জুবিনৰ মৃতদেহ আনি আছে অসমলৈ। মুখ্যমন্ত্ৰী হিমন্ত বিশ্ব শৰ্মাই জনাই এই কথা। পুৱা ৪.৩০ বজাতহে দিল্লীৰ পৰা উৰা মাৰিছে গুৱাহাটীলৈ।

ছিংগাপুৰৰ পৰা অনা কফিন জোখতকৈ ডাঙৰ হোৱাৰ বাবে চাৰ্টাৰ্ড প্লেনৰ লাগেজ দুৱাৰত ফিট নহ’ল। বৰ্তমান Air India Express flight IX 1197ৰে আনি আছে জুবিনক।

শেষবাৰৰ বাবে কাহিলীপাৰাৰ বাসগৃহলৈ জুবিনৰ যাত্ৰা। ইতিমধ্যে লখৰা পাৰ হৈ কাহিলীপাৰাৰ পথত প্ৰৱেশ কৰিছে জুবিনৰ বাহন। কাহিলীপাৰাৰ বাসগৃহৰ সন্মূখত অজস্ৰ গুণমুগ্ধৰ ভিৰ।