অসমলৈ ওভতাই অনা হ’ব বৃন্দাবনী বস্ত্ৰ, ব্ৰিটিছ মিউজিয়ামৰ সৈতে অসম চৰকাৰৰ চুক্তি স্বাক্ষৰ…

শৰ্মাই আৰু কয়, “বৃন্দাবনী বস্ত্ৰ আমাৰ ঐতিহ্য, সম্পদ আৰু ই স্বাভিমানৰ প্ৰতীক৷ আমাৰ চৰকাৰে মহাপুৰুষ শ্ৰীমন্ত শংকৰদেৱ গুৰুজনাৰ অপূৰ্ব সৃষ্টি বৃন্দাবনী বস্ত্ৰভাগি ব্ৰিটিছ সংগ্ৰহালয়ৰ পৰা আপোন ভূমিলৈ বিশেষ নিয়ম সাপেক্ষে ওভতাই আনিবলৈ প্ৰচেষ্টা গ্ৰহণ কৰিছোঁ “৷

উল্লেখ্য যে,মহাপুৰুষ শ্ৰীমন্ত শংকৰদেৱৰ তত্বাৱধানত অসমীয়া শিপিনিয়ে বৈ উলিয়াইছিল দীঘলীয়া বস্ত্ৰ। এই বস্ত্ৰখনত বৃন্দাবনত শ্ৰীকৃষ্ণই কৰা বাল্যকালৰ লীলাসমূহ চিত্ৰসহ বৰ্ণনা কৰা আছে। নানাৰঙী এই ছবিবিলাকৰ লগতে ইয়াত শংকৰদেৱ বিৰচিত এটি পদো তুলি থোৱা আছে। এই বস্ত্ৰখনৰ কিছু অংশ লণ্ডনৰ ভিক্টোৰিয়া আৰু এলবাৰ্ট সংগ্ৰহালয়ত আৰু কিছু অংশ পেৰিছৰ গুইমেট সংগ্ৰহালয়ত (the Guimet Museum) সংৰক্ষিত হৈ আছে। ভাৰতৰ কেইবাটাও চৰকাৰী সংস্থাই এই বস্ত্ৰ ভাৰতলৈ আনিবলৈ চেষ্টা কৰিছিল যদিও সফল হ’ব পৰা নাছিল। অৱশেষত মুখ্যমন্ত্ৰী হিমন্ত বিশ্ব শৰ্মাৰ নেতৃত্বত এই বস্ত্ৰখনি কিছুসময়ৰ বাবে হ’লেও অসমীয়াই দেখাৰ সৌভাগ্য লাভ কৰিব বুলি ক’ব পাৰি।